헬라어 텍스트

Dionysius of Halicarnassus, Antiquitates Romanae, book 1, chapter 5

(디오니시오스, Antiquitates Romanae, book 1, chapter 5)

ἐπιδείξειν ὑπισχνοῦμαι καὶ οὐκ ἐκ τῶν ἐλαχίστων ἢ φαυλοτάτων ἐθνῶν συνεληλυθότασ. περὶ δὲ τῶν πράξεων, ἃσ μετὰ τὸν οἰκισμὸν εὐθέωσ ἀπεδείξαντο, καὶ περὶ τῶν ἐπιτηδευμάτων, ἐξ ὧν εἰσ τοσαύτην ἡγεμονίαν προῆλθον οἱ μετ’ αὐτοὺσ, ἀπὸ τῆσ μετὰ ταύτην ἀρξάμενοσ ἀναγραφῆσ ἀφηγήσομαι, παραλιπὼν οὐδὲν ὅση μοι δύναμισ τῶν ἀξίων ἱστορίασ, ἵνα τοῖσ γε μαθοῦσι τὴν ἀλήθειαν ἃ προσήκει περὶ τῆσ πόλεωσ τῆσδε παραστῇ φρονεῖν, εἰ μὴ παντάπασιν ἀγρίωσ καὶ δυσμενῶσ διάκεινται πρὸσ αὐτήν, καὶ μήτε ἄχθεσθαι τῇ ὑποτάξει κατὰ τὸ εἰκὸσ γενομένῃ φύσεωσ γὰρ δὴ νόμοσ ἅπασι κοινόσ, ὃν οὐδεὶσ καταλύσει χρόνοσ, ἄρχειν ἀεὶ τῶν ἡττόνων τοὺσ κρείττονασ’ μήτε κατηγορεῖν τῆσ τύχησ, ὡσ οὐκ ἐπιτηδείῳ πόλει τηλικαύτην ἡγεμονίαν καὶ τοσοῦτον ἤδη χρόνον προῖκα δωρησαμένησ·

μαθοῦσί γε δὴ παρὰ τῆσ ἱστορίασ, ὅτι μυρίασ ἤνεγκεν ἀνδρῶν ἀρετὰσ εὐθὺσ ἐξ ἀρχῆσ μετὰ τὸν οἰκισμὸν, ὧν οὔτ’ εὐσεβεστέρουσ οὔτε δικαιοτέρουσ οὔτε σωφροσύνῃ πλείονι παρὰ πάντα τὸν βίον χρησαμένουσ οὐδέ γε τὰ πολέμια κρείττουσ ἀγωνιστὰσ οὐδεμία πόλισ ἤνεγκεν οὔτε Ἑλλὰσ οὔτε βάρβαροσ, εἰ δὴ ἀπέσται τοῦ λόγου τὸ ἐπίφθονον·

ἔχει γάρ τι καὶ τοιοῦτον ἡ τῶν παραδόξων καὶ θαυμαστῶν ὑπόσχεσισ.

οἱ δὲ σύμπαντεσ οἱ τοσοῦτο περιθέντεσ αὐτῇ δυναστείασ μέγεθοσ ἀγνοοῦνται πρὸσ Ἑλλήνων, οὐ τυχόντεσ ἀξιολόγου συγγραφέωσ·