헬라어 문장 검색 - Διοδορ́Λιβραρψ́7́55́

(디오도로스 시켈로스, Library, book xiv, chapter 95)

Καρχηδόνιοι δὲ βραδέωσ ἑαυτοὺσ ἐκ τῆσ περὶ Συρακούσασ συμφορᾶσ ἀναλαβόντεσ, ἔγνωσαν ἀντέχεσθαι τῶν κατὰ Σικελίαν πραγμάτων. κρίναντεσ δὲ διαγωνίζεσθαι, ναυσὶ μὲν μακραῖσ ὀλίγαισ διέβησαν, δύναμιν δὲ συνήγαγον ἀπό τε Λιβύησ καὶ Σαρδοῦσ, ἔτι δὲ τῶν ἐξ Ἰταλίασ βαρβάρων. πάντασ δ’ ἐπιμελῶσ καθοπλίσαντεσ μετὰ τῆσ οἰκείασ χορηγίασ ἐπεραιώθησαν εἰσ τὴν Σικελίαν, οὐκ ἐλάττουσ ὄντεσ τῶν ὀκτὼ μυριάδων, ὧν ἡγεῖτο Μάγων. οὗτοσ μὲν οὖν διὰ Σικελῶν πορευθείσ, καὶ τὰσ πλείστασ πόλεισ ἀποστήσασ τοῦ Διονυσίου, κατεστρατοπέδευσεν ἐν τῇ τῶν Ἀγυριναίων χώρᾳ παρὰ τὸν Χρύσαν ποταμὸν ἐγγὺσ τῆσ ὁδοῦ τῆσ φερούσησ εἰσ Μοργαντίναν·

τοὺσ γὰρ Ἀγυριναίουσ οὐ δυνάμενοσ εἰσ συμμαχίαν προσλαβέσθαι, τῆσ εἰσ τοὔμπροσθεν ἀπέστη πορείασ, ἀκούων τοὺσ πολεμίουσ ἐκ Συρακουσῶν ὡρμηκέναι. Διονύσιοσ δὲ πυθόμενοσ τοὺσ Καρχηδονίουσ διὰ τῆσ μεσογείου τὴν πορείαν ποιουμένουσ, ταχὺ συλλέξασ οὓσ ἠδύνατο τῶν Συρακοσίων καὶ τῶν μισθοφόρων ὡρ́μησε, τοὺσ πάντασ ἔχων οὐκ ἐλάττουσ δισμυρίων.

παραγενόμενοσ δ’ ἐγγὺσ τῶν πολεμίων διεπρεσβεύσατο πρὸσ Ἄγυριν τὸν δυναστεύοντα τῶν Ἀγυριναίων.

οὗτοσ δὲ τῶν τότε τυράννων τῶν ἐν Σικελίᾳ μεγίστην εἶχε δύναμιν μετὰ Διονύσιον· τῶν τε γὰρ περικειμένων ἐρυμάτων σχεδὸν ἁπάντων ἐκυρίευε καὶ τῆσ πόλεωσ τῶν Ἀγυριναίων ἦρχε πολυοχλουμένησ κατ’ ἐκείνουσ τοὺσ καιρούσ· εἶχε γὰρ πολίτασ οὐκ ἐλάττουσ δισμυρίων. ἦν δὲ καὶ εἰσ τοῦτο τὸ πλῆθοσ ἐν τῇ πόλει συνηθροισμένον χρημάτων πολλῶν κατὰ τὴν ἀκρόπολιν παράθεσισ, ἣν Ἄγυρισ ἠθροίκει πεφονευκὼσ τοὺσ εὐπορωτάτουσ τῶν πολιτῶν.

ἀλλ’ ὁ Διονύσιοσ μετ’ ὀλίγων εἰσελθὼν ἐντὸσ τοῦ τείχουσ ἔπεισε τὸν Ἄγυριν συμμαχῆσαι γνησίωσ, καὶ πολλὴν ἐπηγγείλατο χώραν τῆσ ὁμόρου δωρήσεσθαι κατορθωθέντοσ τοῦ πολέμου.

ὁ δ’ Ἄγυρισ πρῶτον μὲν πάσῃ τῇ Διονυσίου δυνάμει σῖτον καὶ τἄλλα ὅσα ἦν χρεία προθύμωσ ἐδωρήσατο, καὶ πανδημεὶ τὴν δύναμιν ἐξαγαγὼν ἐστράτευσε μετὰ Διονυσίου καὶ κοινῇ πρὸσ Καρχηδονίουσ διεπολέμει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 95

(디오도로스 시켈로스, Library, book xiv, chapter 95)

상위

목록

SEARCH

MENU NAVIGATION