헬라어 문장 검색 - Διοδορ́Λιβραρψ́7́52́

(디오도로스 시켈로스, Library, book xiv, chapter 91)

οἱ δὲ τὴν Ἰταλίαν κατοικοῦντεσ Ἕλληνεσ ἑώρων μὲν μέχρι τῆσ ἑαυτῶν χώρασ προβαίνουσαν τὴν Διονυσίου πλεονεξίαν, συμμαχίαν δὲ πρὸσ ἀλλήλουσ ἐποιήσαντο καὶ συνέδριον ἐγκατεσκεύαζον. ἤλπιζον γὰρ τὸν Διονύσιον ῥᾳδίωσ ἀμυνεῖσθαι καὶ τοῖσ παροικοῦσι Λευκανῶν ἀντιτάξεσθαι· καὶ γὰρ οὗτοι τότε διεπολέμουν πρὸσ αὐτούσ. οἱ δὲ τὸ Λέχαιον τῆσ Κορινθίασ κατέχοντεσ φυγάδεσ νυκτὸσ ὑπό τινων εἰσαχθέντεσ ἐνεχείρησαν μὲν καταλαμβάνειν τὰ τείχη, τῶν δὲ μετ’ Ἰφικράτουσ ἐκβοηθησάντων τριακοσίουσ ἐξ αὑτῶν ἀποβαλόντεσ ἔφυγον ἐπὶ τὸν ναύσταθμον.

μετὰ δέ τινασ ἡμέρασ τῶν Λακεδαιμονίων μέροσ τῆσ στρατιᾶσ διῄει διὰ τῆσ Κορινθίασ χώρασ, οἷσ Ἰφικράτησ καί τινεσ τῶν ἐν Κορίνθῳ συμμάχων ἐπιπεσόντεσ τοὺσ πλείστουσ ἀνεῖλον. Ἰφικράτησ δὲ μετὰ τῶν πελταστῶν ἐπὶ Φλιασίαν στρατεύσασ, καὶ μάχην τοῖσ ἐκ τῆσ πόλεωσ συνάψασ, τούτων μὲν πλείουσ τριακοσίων ἀπέκτεινε·

μετὰ δὲ ταῦτα ἐπὶ Σικυῶνα αὐτοῦ πορευθέντοσ, οἱ Σικυώνιοι παραταξάμενοι πρὸ τῶν τειχῶν ἀπέβαλον περὶ πεντακοσίουσ καὶ συνέφυγον εἰσ τὴν πόλιν. τούτων δὲ πραχθέντων Ἀργεῖοι μετὰ τῶν ὅπλων πανδημεὶ στρατεύσαντεσ εἰσ Κόρινθον τήν τ’ ἀκρόπολιν κατελάβοντο καὶ τὴν πόλιν ἐξιδιοποιησάμενοι τὴν Κορινθίων χώραν Ἀργείαν ἐποίησαν.

ἐπεβάλετο δὲ καὶ Ἰφικράτησ ὁ Ἀθηναῖοσ καταλαβέσθαι τὴν πόλιν, ἐπιτήδειον οὖσαν εἰσ τὴν τῆσ Ἑλλάδοσ ἡγεμονίαν·

τοῦ δὲ δήμου κωλύσαντοσ οὗτοσ μὲν ἀπέθετο τὴν ἀρχήν, οἱ δ’ Ἀθηναῖοι Χαβρίαν ἀντ’ αὐτοῦ στρατηγὸν εἰσ τὴν Κόρινθον ἐξέπεμψαν. κατὰ δὲ τὴν Μακεδονίαν Ἀμύντασ ὁ Φιλίππου πατὴρ Ἰλλυριῶν ἐμβαλόντων εἰσ Μακεδονίαν ἐξέπιπτεν ἐκ τῆσ χώρασ·

ἀπογνοὺσ δὲ τὴν ἀρχὴν Ὀλυνθίοισ μὲν τὴν σύνεγγυσ χώραν ἐδωρήσατο, αὐτὸσ δὲ τότε μὲν ἀπέβαλε τὴν βασιλείαν, μετ’ ὀλίγον δὲ χρόνον ὑπὸ Θετταλῶν καταχθεὶσ ἀνεκτήσατο τὴν ἀρχήν, καὶ ἐβασίλευσεν ἔτη εἴκοσι τέτταρα. ἔνιοι δέ φασι μετὰ τὴν ἔκπτωσιν τὴν Ἀμύντου διετῆ χρόνον Ἀργαῖον βασιλεῦσαι τῶν Μακεδόνων, καὶ τότε τὸν Ἀμύνταν ἀνακτήσασθαι τὴν βασιλείαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 91

(디오도로스 시켈로스, Library, book xiv, chapter 91)

상위

목록

SEARCH

MENU NAVIGATION