헬라어 문장 검색 - Διοδορ́Λιβραρψ́7́50́

(디오도로스 시켈로스, Library, book xiv, chapter 87)

κατὰ δὲ τὴν Σικελίαν Ῥηγῖνοι κατηγοροῦντεσ Διονυσίου ὅτι Μεσσήνην τειχίζων ἐπ’ αὐτοὺσ κατασκευάζεται, πρῶτον μὲν τοὺσ ὑπὸ Διονυσίου φυγαδευομένουσ καὶ τἀναντία πράττοντασ ὑπεδέξαντο, μετὰ δὲ ταῦτα τῶν Ναξίων καὶ Καταναίων τοὺσ ὑπολειπομένουσ εἰσ Μύλασ κατοικίσαντεσ, δύναμιν παρεσκευάζοντο καὶ στρατηγὸν Ἕλωριν ἐξέπεμψαν πολιορκήσοντα Μεσσήνην. τούτου δὲ τὴν ἐπίθεσιν κατὰ τὴν ἀκρόπολιν ποιησαμένου παραβόλωσ, οἱ κατέχοντεσ τὴν πόλιν Μεσσήνιοι καὶ Διονυσίου μισθοφόροι συστραφέντεσ ἀπήντησαν.

γενομένησ δὲ μάχησ ἐνίκων οἱ Μεσσήνιοι καὶ πλείουσ τῶν πεντακοσίων ἀπέκτειναν. εὐθὺ δ’ ἐπὶ τὰσ Μύλασ ἐπελθόντεσ εἷλον τὴν πόλιν, καὶ τοὺσ οἰκισθέντασ ἐν αὐτῇ Ναξίουσ ὑποσπόνδουσ ἀφῆκαν.

οὗτοι μὲν οὖν εἴσ τε Σικελοὺσ καὶ τὰσ ἄλλασ τὰσ Ἑλληνίδασ πόλεισ ἀπελθόντεσ ἄλλοι κατ’ ἄλλουσ τόπουσ κατῴκησαν· ὁ δὲ Διονύσιοσ, τῶν περὶ τὸν πορθμὸν αὐτῷ τόπων κατεσκευασμένων φιλίων, διενοεῖτο μὲν ἐπὶ Ῥήγιον στρατιὰν ἄγειν, παρηνωχλεῖτο δ’ ὑπὸ τῶν τὸ Ταυρομένιον κατειληφότων Σικελῶν.

διόπερ κρίνασ συμφέρειν τούτοισ ἐπιθέσθαι πρώτοισ, ἐξήγαγεν ἐπ’ αὐτοὺσ τὴν δύναμιν, καὶ στρατοπεδεύσασ ἐκ τοῦ πρὸσ τὴν Νάξον μέρουσ προσεκαρτέρει τῇ πολιορκίᾳ τὸν χειμῶνα, νομίζων τοὺσ Σικελοὺσ ἐκλείψειν τὸν λόφον διὰ τὸ μὴ πάλαι κατῳκηκέναι.

οἱ δὲ Σικελοὶ παρὰ τῶν πατέρων ἐκ παλαιοῦ παρειληφότεσ ὅτι τὰ μέρη ταῦτα τῆσ νήσου Σικελῶν κατεχόντων Ἕλληνεσ πρώτωσ καταπλεύσαντεσ ἔκτισαν μὲν Νάξον, ἐξέβαλον δ’ ἐκ τούτου τοῦ λόφου τοὺσ τότε κατοικοῦντασ Σικελούσ·

διὸ δὴ φάσκοντεσ πατρῴαν ἀνακτήσασθαι χώραν καὶ περὶ ὧν εἰσ τοὺσ ἑαυτῶν προγόνουσ ἐξήμαρτον Ἕλληνεσ ἀμύνασθαι δικαίωσ, ἐφιλοτιμοῦντο κατασχεῖν τὸν λόφον. ὑπερβαλλούσησ δὲ φιλονεικίασ παρ’ ἀμφοτέροισ οὔσησ, ἔτυχον μὲν οὖσαι τροπαὶ χειμεριναί, καὶ διὰ τοὺσ ἐπιγινομένουσ χειμῶνασ ὁ περὶ τὴν ἀκρόπολιν τόποσ πλήρησ ἦν χιόνοσ.

ἐνταῦθα δὴ Διονύσιοσ τοὺσ Σικελοὺσ διὰ τὴν ὀχυρότητα καὶ τὴν ὑπερβολὴν τοῦ τείχουσ ῥᾳθυμοῦντασ περὶ τὴν κατὰ τὴν ἀκρόπολιν φυλακὴν εὑρών, ὡρ́μησε νυκτὸσ ἀσελήνου καὶ χειμερίου πρὸσ τοὺσ ἀνωτάτω τόπουσ. πολλὰ δὲ κακοπαθήσασ διά τε τὴν τῶν κρημνῶν δυσχέρειαν καὶ τὸ πλῆθοσ τῆσ χιόνοσ, μιᾶσ μὲν ἀκροπόλεωσ ἐκυρίευσε, καὶ τὸ πρόσωπον ἐξήλκωσε καὶ τὰσ ὄψεισ ἔβλαψε διὰ τὸ ψῦχοσ·

μετὰ δὲ ταῦτα εἰσ τὸ ἕτερον μέροσ παρεισπεσὼν εἰσήγαγε τὴν δύναμιν εἰσ τὴν πόλιν. τῶν δὲ Σικελῶν ἀθρόων βοηθησάντων ἐξεώσθησαν οἱ μετὰ τοῦ Διονυσίου, καὶ αὐτὸσ ἐν τῇ φυγῇ τυπτόμενοσ εἰσ τὸν θώρακα περιεκυλίσθη, καὶ παρ’ ὀλίγον συνελήφθη ζῶν. τῶν δὲ Σικελῶν ἐπικειμένων ἐξ ὑπερδεξίων τόπων, ἀνῃρέθησαν μὲν τῶν μετὰ Διονυσίου πλείουσ τῶν ἑξακοσίων, ἀπέβαλον δὲ τὰσ πανοπλίασ οἱ πλεῖστοι·

καὶ αὐτὸσ δὲ ὁ Διονύσιοσ μόνον τὸν θώρακα διέσωσεν. μετὰ δὲ τὴν ἀτυχίαν ταύτην Ἀκραγαντῖνοι καὶ Μεσσήνιοι τοὺσ τὰ Διονυσίου φρονοῦντασ μεταστησάμενοι, τῆσ ἐλευθερίασ ἀντείχοντο καὶ τῆσ τοῦ τυράννου συμμαχίασ ἀπέστησαν.

Παυσανίασ δὲ ὁ τῶν Λακεδαιμονίων βασιλεὺσ ἐγκαλούμενοσ ὑπὸ τῶν πολιτῶν ἔφυγεν, ἄρξασ ἔτη δεκατέτταρα·

τὴν δὲ βασιλείαν διαδεξάμενοσ ὁ υἱὸσ Ἀγησίπολισ ἦρξε τὸν ἴσον τῷ πατρὶ χρόνον. ἐτελεύτησε δὲ καὶ Παυσανίασ ὁ τῶν Μακεδόνων βασιλεύσ, ἀναιρεθεὶσ ὑπὸ Ἀμύντου δόλῳ, ἄρξασ ἐνιαυτόν·

τὴν δὲ βασιλείαν κατέσχεν Ἀμύντασ, καὶ ἦρξεν ἔτη εἴκοσι τέσσαρα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Library, book xiv, chapter 87

(디오도로스 시켈로스, Library, book xiv, chapter 87)

상위

목록

SEARCH

MENU NAVIGATION