헬라어 문장 검색 - Διοδορ́Λιβραρψ́7́44́

(디오도로스 시켈로스, Library, book xiv, chapter 77)

τῆσ γὰρ συμφορᾶσ διακηρυχθείσησ κατὰ τὴν Λιβύην, οἱ σύμμαχοι καὶ πάλαι μὲν μισοῦντεσ τὸ βάροσ τῆσ τῶν Καρχηδονίων ἡγεμονίασ, τότε δὲ διὰ τὴν τῶν στρατιωτῶν ἐν Συρακούσαισ προδοσίαν πολὺ μᾶλλον ἐξέκαυσαν τὸ κατ’ αὐτῶν μῖσοσ. διόπερ ἅμα μὲν ὑπὸ τῆσ ὀργῆσ προαχθέντεσ, ἅμα δὲ καταφρονήσαντεσ αὐτῶν διὰ τὴν ἀτυχίαν, ἀντείχοντο τῆσ ἐλευθερίασ.

διαπρεσβευσάμενοι δὲ πρὸσ ἀλλήλουσ ἤθροισαν δύναμιν, καὶ προελθόντεσ ἐν ὑπαίθρῳ κατεστρατοπέδευσαν. ταχὺ δ’ οὐ μόνον ἐλευθέρων, ἀλλὰ καὶ δούλων συντρεχόντων, ἐν ὀλίγῳ χρόνῳ μυριάδεσ εἴκοσι συνηθροίσθησαν.

καταλαβόμενοι δὲ Τύνητα, πόλιν οὐ μακρὰν τῆσ Καρχηδόνοσ κειμένην, ἐκ ταύτησ παρετάττοντο, καὶ πλεονεκτοῦντεσ ἐν ταῖσ μάχαισ τειχήρεισ τοὺσ Φοίνικασ συνεῖχον. οἱ δὲ Καρχηδόνιοι φανερῶσ ὑπὸ τῶν θεῶν πολεμούμενοι, τὸ μὲν πρῶτον κατ’ ὀλίγουσ ξυνιόντεσ ἐξεταράττοντο καὶ τὸ δαιμόνιον ἱκέτευον λῆξαι τῆσ ὀργῆσ·

μετὰ δὲ ταῦτα πᾶσαν τὴν πόλιν δεισιδαιμονία κατέσχε καὶ δέοσ, ἑκάστου τὸν τῆσ πόλεωσ ἀνδραποδισμὸν τῇ διανοίᾳ προλαμβάνοντοσ. διόπερ ἐψηφίσαντο παντὶ τρόπῳ τοὺσ ἀσεβηθέντασ θεοὺσ ἐξιλάσασθαι. οὐ παρειληφότεσ δ’ ἐν τοῖσ ἱεροῖσ οὔτε Κόρην οὔτε Δήμητρα, τούτων ἱερεῖσ τοὺσ ἐπισημοτάτουσ τῶν πολιτῶν κατέστησαν, καὶ μετὰ πάσησ σεμνότητοσ τὰσ θεὰσ ἱδρυσάμενοι τὰσ θυσίασ τοῖσ τῶν Ἑλλήνων ἤθεσιν ἐποίουν, καὶ τῶν παρ’ αὐτοῖσ ὄντων Ἑλλήνων τοὺσ χαριεστάτουσ ἐπιλέξαντεσ ἐπὶ τὴν τῶν θεῶν θεραπείαν ἔταξαν.

μετὰ δὲ ταῦτα ναῦσ τε κατεσκεύαζον καὶ τὰ πρὸσ τὸν πόλεμον ἐπιμελῶσ ἡτοίμαζον. οἱ δ’ ἀποστάται μιγάδεσ ὄντεσ οὔθ’ ἡγεμόνασ ἀξιοχρέουσ εἶχον, τὸ δὲ μέγιστον, αὐτοῖσ μὲν διὰ τὸ πλῆθοσ ἐξέλειπον αἱ τροφαί, τοῖσ δὲ Καρχηδονίοισ κατὰ θάλατταν ἐκ Σαρδοῦσ παρεκομίζοντο, καὶ πρὸσ ἀλλήλουσ ἐστασίαζον περὶ τῆσ ἡγεμονίασ, καί τινεσ αὐτῶν χρήμασιν ὑπὸ Καρχηδονίων διαφθαρέντεσ ἐγκατέλειπον τὰσ κοινὰσ ἐλπίδασ.

ὅθεν διά τε τὴν σπάνιν τῆσ τροφῆσ καί τινων προδοσίαν, οὗτοι μὲν διαλυθέντεσ εἰσ τὰσ πατρίδασ ἀπήλλαξαν τοῦ μεγίστου φόβου Καρχηδονίουσ. καὶ τὰ μὲν κατὰ Λιβύην ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 77

(디오도로스 시켈로스, Library, book xiv, chapter 77)

상위

목록

SEARCH

MENU NAVIGATION