헬라어 문장 검색 - Διοδορ́Λιβραρψ́7́42́

(디오도로스 시켈로스, Library, book xiv, chapter 72)

Διονύσιοσ δ’ ἐπειδὴ τὴν περὶ Καρχηδονίουσ συμφορὰν ἤκουσεν, ὀγδοήκοντα μὲν ναῦσ πληρώσασ Φαρακίδᾳ καὶ Λεπτίνῃ τοῖσ ναυάρχοισ ἐπέταξεν ἅμ’ ἡμέρᾳ τὸν ἐπίπλουν ταῖσ πολεμίαισ ναυσὶ ποιήσασθαι, αὐτὸσ δ’ ἀσελήνου τῆσ νυκτὸσ οὔσησ περιήγαγε τὴν δύναμιν, καὶ περιελθὼν ἐπὶ τὸ τῆσ Κυάνησ ἱερὸν ἔλαθε τοὺσ πολεμίουσ ἅμ’ ἡμέρᾳ προσιὼν τῇ παρεμβολῇ. τοὺσ μὲν οὖν ἱππεῖσ καὶ μισθοφόρων πεζοὺσ χιλίουσ προαπέστειλεν εἰσ τὸ πρὸσ τὴν μεσόγειον ἀνατεῖνον μέροσ τῆσ τῶν Καρχηδονίων στρατοπεδείασ.

οὗτοι δ’ ἦσαν οἱ μισθοφόροι τῷ Διονυσίῳ παρὰ πάντασ ἀλλοτριώτατοι καὶ πλεονάκισ στάσεισ καὶ ταραχὰσ ποιοῦντεσ. διόπερ ὁ μὲν Διονύσιοσ τοῖσ ἱππεῦσιν ἦν παρηγγελκώσ, ὅταν ἐξάπτωνται τῶν πολεμίων, φεύγειν καὶ τοὺσ μισθοφόρουσ ἐγκαταλιπεῖν·

ὧν ποιησάντων τὸ προσταχθὲν οὗτοι μὲν ἅπαντεσ κατεκόπησαν, ὁ δὲ Διονύσιοσ ἅμα τήν τε παρεμβολὴν καὶ τὰ φρούρια πολιορκεῖν ἐπεχείρησε· καὶ τῶν βαρβάρων διὰ τὸ παράδοξον καταπεπληγμένων καὶ παραβοηθούντων τεταραγμένωσ, αὐτὸσ μὲν φρούριον τὴν καλουμένην Πολίχναν εἷλε κατὰ κράτοσ, ἐκ δὲ θατέρου μέρουσ οἱ ἱππεῖσ καί τινεσ τῶν τριήρων προσπλεύσασαι τὸ πρὸσ τῷ Δάσκωνι χωρίον ἐξεπολιόρκησαν. εὐθὺ δ’ αἵ τε ναῦσ ἅπασαι τὸν ἐπίπλουν ἐποιήσαντο, καὶ κατὰ τὰσ τῶν φρουρίων ἁλώσεισ ἐπαλαλάξαντοσ τοῦ στρατοπέδου περιδεεῖσ οἱ βάρβαροι καθειστήκεισαν.

ἐξ ἀρχῆσ μὲν γὰρ ἐπὶ τὸ πεζὸν στράτευμα πάντεσ συνέδραμον, ἀμυνόμενοι τοὺσ τὴν παρεμβολὴν πολιορκοῦντασ· ὡσ δὲ καὶ τὸν τῶν νεῶν ἐπίπλουν εἶδον, πάλιν ἐξεβοήθουν ἐπὶ τὸν ναύσταθμον· καταταχούμενοι δ’ ὑπὸ τῆσ ὀξύτητοσ τοῦ καιροῦ τὴν ἑαυτῶν σπουδὴν εἶχον ἄπρακτον. ἔτι γὰρ αὐτῶν ἀναβαινόντων ἐπὶ τὰ καταστρώματα καὶ πληρούντων τὰσ τριήρεισ, αἱ πολέμιαι ναῦσ ταῖσ εἰρεσίαισ ἐλαυνόμεναι πλαγίαισ ἐνέσειον πολλάκισ.

ἐκ μὲν οὖν μιᾶσ ἐπικαίρου πληγῆσ κατέδυον τὰσ τιτρωσκομένασ ναῦσ· αἱ δὲ πλείοσιν ἐμβολαῖσ ἀναρρήττουσαι τὰσ συγγεγομφωμένασ σανίδασ δεινὴν ἔκπληξιν τοῖσ ἀντιταττομένοισ παρείχοντο. πάντῃ δὲ τῶν ἐξοχωτάτων νεῶν θραυομένων, αἱ μὲν ἐκ τῶν ἐμβολῶν ἀναρρηττόμεναι λακίδεσ ἐξαίσιον ἐποιοῦντο ψόφον, ὁ δὲ παρὰ τὴν μάχην παρήκων αἰγιαλὸσ ἔγεμε νεκρῶν.

οἱ δὲ Συρακόσιοι τῷ προτερήματι συμφιλοτιμούμενοι κατὰ πολλὴν σπουδὴν ἀλλήλουσ ἔφθανον ἐπιπηδῶντεσ ταῖσ πολεμίαισ ναυσί, καὶ τοὺσ βαρβάρουσ καταπεπληγμένουσ τὸ μέγεθοσ τῆσ περιστάσεωσ περιχυθέντεσ ἐφόνευον.

οὐ μὴν οὐδ’ οἱ πεζῇ τῷ ναυστάθμῳ προσβάλλοντεσ ἐλείποντο τῆσ τούτων σπουδῆσ·

ἐν οἷσ συνέβαινεν εἶναι καὶ αὐτὸν τὸν Διονύσιον, παριππευκότα πρὸσ τὸ κατὰ Δάσκωνα μέροσ. εὑρόντεσ γὰρ πεντηκοντόρουσ τετταράκοντα νενεωλκημένασ, καὶ κατὰ τὸ συνεχὲσ ναῦσ παρορμούσασ ὁλκάδασ καί τινασ τῶν τριήρων, πῦρ εἰσ αὐτὰσ ἐνῆκαν. ταχὺ δὲ τῆσ φλογὸσ εἰσ ὕψοσ ἀρθείσησ καὶ χεομένησ ἐπὶ πολὺν τόπον ἐφλέγετο τὰ σκάφη, καὶ τῶν ἐμπόρων τε καὶ ναυκλήρων οὐδεὶσ ἐδύνατο παραβοηθῆσαι διὰ τὸ πλῆθοσ τοῦ πυρόσ.

ἐπιγενομένου δὲ μεγάλου πνεύματοσ ἐκ τῶν νενεωλκημένων σκαφῶν ἐφέρετο τὸ πῦρ ἐπὶ τὰσ ὁρμούσασ ὁλκάδασ. τῶν δ’ ἀνδρῶν ἐκκολυμβώντων διὰ τὸν ἀπὸ τῆσ πνιγὸσ φόβον, καὶ τῶν ἀγκυρίων ἀποκαιομένων, διὰ τὸν κλύδωνα συνέκρουον αἱ ναῦσ, καὶ τινὲσ μὲν ὑπ’ ἀλλήλων συντριβόμεναι διεφθείροντο, τινὲσ δὲ ὑπὸ τοῦ πνεύματοσ ὠθούμεναι, αἱ πλεῖσται δ’ ὑπὸ τοῦ πυρὸσ ἀπώλλυντο.

ἔνθα δὴ τῶν φορτηγῶν πλοίων ἀναφερομένησ τῆσ φλογὸσ διὰ τῶν ἱστίων καὶ τὰσ κεραίασ καταφλεγούσησ, τοῖσ ἐκ τῆσ πόλεωσ θεατρικὴν συνέβαινε γίνεσθαι τὴν θέαν καὶ τοῖσ δι’ ἀσέβειαν κεραυνωθεῖσι φαίνεσθαι παραπλησίαν τὴν ἀπώλειαν τῶν βαρβάρων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 72

(디오도로스 시켈로스, Library, book xiv, chapter 72)

상위

목록

SEARCH

MENU NAVIGATION