Diodorus Siculus, Library, book xiv, chapter 65 4:

ἡμῖν δ’, ὦ ἄνδρεσ, οὐχ ἧττον τοῦ Φοινικικοῦ πολέμου καταλυτέον ἐστὶ τὸν ἐντὸσ τοῦ τείχουσ τύραννον. ἡ μὲν γὰρ ἀκρόπολισ δούλων ὅπλοισ τηρουμένη κατὰ τῆσ πόλεωσ ἐπιτετείχισται, τὸ δὲ τῶν μισθοφόρων πλῆθοσ ἐπὶ δουλείᾳ τῶν Συρακοσίων ἤθροισται. καὶ κρατεῖ τῆσ πόλεωσ οὐκ ἐπ’ ἴσησ βραβεύων τὸ δίκαιον, ἀλλὰ μόναρχοσ πλεονεξίᾳ κρίνων πράττειν πάντα. καὶ νῦν μὲν οἱ πολέμιοι βραχὺ μέροσ ἔχουσι τῆσ χώρασ, Διονύσιοσ δὲ πᾶσαν ποιήσασ ἀνάστατον τοῖσ τὴν τυραννίδα συναύξουσιν ἐδωρήσατο.