헬라어 문장 검색 - Διοδορ́Λιβραρψ́7́24́

(디오도로스 시켈로스, Library, book xiv, chapter 42)

καὶ γὰρ τὸ καταπελτικὸν εὑρέθη κατὰ τοῦτον τὸν καιρὸν ἐν Συρακούσαισ, ὡσ ἂν τῶν κρατίστων τεχνιτῶν πανταχόθεν εἰσ ἕνα τόπον συνηγμένων. τὴν γὰρ προθυμίαν τό τε μέγεθοσ τῶν μισθῶν ἐξεκαλεῖτο καὶ τὸ πλῆθοσ τῶν προκειμένων ἄθλων τοῖσ ἀρίστοισ κριθεῖσι· χωρὶσ δὲ τούτων περιπορευόμενοσ τοὺσ ἐργαζομένουσ ὁ Διονύσιοσ καθ’ ἡμέραν λόγοισ τε φιλανθρώποισ ἐχρῆτο καὶ τοὺσ προθυμοτάτουσ ἐτίμα δωρεαῖσ καὶ πρὸσ τὰ συνδείπνια παρελάμβανε. διόπερ ἀνυπέρβλητον φιλοτιμίαν εἰσφέροντεσ οἱ τεχνῖται πολλὰ προσεπενοοῦντο βέλη καὶ μηχανήματα ξένα καὶ δυνάμενα παρέχεσθαι μεγάλασ χρείασ.

ἤρξατο δὲ ναυπηγεῖσθαι τετρήρεισ καὶ πεντηρικὰ σκάφη, πρῶτοσ ταύτην τὴν κατασκευὴν τῶν νεῶν ἐπινοήσασ. ἀκούων γὰρ ὁ Διονύσιοσ ἐν Κορίνθῳ ναυπηγηθῆναι τριήρη πρώτωσ, ἔσπευδε κατὰ τὴν ἀποικισθεῖσαν ὑπ’ ἐκείνων πόλιν αὐξῆσαι τὸ μέγεθοσ τῆσ τῶν νεῶν κατασκευῆσ.

λαβὼν δ’ ἐκ τῆσ Ἰταλίασ ἐξαγωγὴν ὕλησ, τοὺσ μὲν ἡμίσεισ τῶν ὑλοτόμων εἰσ τὸ κατὰ τὴν Αἴτνην ὄροσ ἀπέστειλε, γέμον κατ’ ἐκείνουσ τοὺσ χρόνουσ πολυτελοῦσ ἐλάτησ τε καὶ πεύκησ, τοὺσ δ’ ἡμίσεισ εἰσ τὴν Ἰταλίαν ἀποστείλασ παρεσκευάσατο ζεύγη μὲν τὰ πρὸσ τὴν θάλατταν κατακομιοῦντα, πλοῖα δὲ καὶ τοὺσ ὑπηρέτασ πρὸσ τὸ τὰσ σχεδίασ ἀπάγεσθαι κατὰ τάχοσ εἰσ τὰσ Συρακούσασ.

ὁ δὲ Διονύσιοσ ἐπειδὴ τὴν ἱκανὴν ὕλην ἤθροισεν, ὑφ’ ἕνα καιρὸν ἤρξατο ναυπηγεῖσθαι ναῦσ πλείουσ τῶν διακοσίων, ἐπισκευάζειν δὲ τὰσ προϋπαρχούσασ δέκα πρὸσ ταῖσ ἑκατόν·

ᾠκοδόμει δὲ καὶ νεωσοίκουσ πολυτελεῖσ κύκλῳ τοῦ νῦν μεγάλου καλουμένου λιμένοσ ἑκατὸν ἑξήκοντα, τοὺσ πλείστουσ δύο ναῦσ δεχομένουσ, καὶ τοὺσ προϋπάρχοντασ ἐθεράπευεν, ὄντασ ἑκατὸν πεντήκοντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 42

(디오도로스 시켈로스, Library, book xiv, chapter 42)

상위

목록

SEARCH

MENU NAVIGATION