헬라어 문장 검색 - Διοδορ́Λιβραρψ́7́23́

(디오도로스 시켈로스, Library, book xiv, chapter 41)

ὁρῶν δὲ τῶν Ἑλλήνων τινὰσ εἰσ τὴν ἐπικράτειαν τῶν Καρχηδονίων ἀποτρέχοντασ τάσ τε πόλεισ καὶ τὰσ κτήσεισ κομιζομένουσ, ἐνόμιζε τῆσ πρὸσ Καρχηδονίουσ εἰρήνησ μενούσησ πολλοὺσ τῶν ὑφ’ αὑτὸν ταττομένων βουλήσεσθαι κοινωνεῖν τῆσ ἐκείνων ἀποστάσεωσ, ἐὰν δὲ πόλεμοσ γένηται, πάντασ τοὺσ καταδεδουλωμένουσ ὑπὸ Καρχηδονίων ἀποστήσεσθαι πρὸσ αὐτόν· ἤκουσε δὲ καὶ τῶν Καρχηδονίων πολλοὺσ ἐν Λιβύῃ διεφθάρθαι λοιμικῇ καταστάσει περιπεσόντασ. διὸ καὶ νομίζων εὔθετον ἔχειν καιρὸν τοῦ πολέμου, κατασκευὴν ἔκρινε δεῖν πρῶτον γίνεσθαι·

ὑπελάμβανε γὰρ ἔσεσθαι μέγαν καὶ πολυχρόνιον τὸν πόλεμον, ὡσ ἂν πρὸσ τοὺσ δυνατωτάτουσ τῶν κατὰ τὴν Εὐρώπην μέλλων διαγωνίζεσθαι. εὐθὺσ οὖν τοὺσ τεχνίτασ ἤθροιζεν ἐκ μὲν τῶν ὑπ’ αὐτὸν ταττομένων πόλεων κατὰ πρόσταγμα, τοὺσ δ’ ἐξ Ἰταλίασ καὶ τῆσ Ἑλλάδοσ, ἔτι δὲ τῆσ Καρχηδονίων ἐπικρατείασ, μεγάλοισ μισθοῖσ προτρεπόμενοσ.

διενοεῖτο γὰρ ὅπλα μὲν παμπληθῆ καὶ βέλη παντοῖα κατασκευάσαι, πρὸσ δὲ τούτοισ ναῦσ τετρήρεισ καὶ πεντήρεισ, οὐδέπω κατ’ ἐκείνουσ τοὺσ χρόνουσ σκάφουσ πεντηρικοῦ νεναυπηγημένου. συναχθέντων δὲ πολλῶν τεχνιτῶν, διελὼν αὐτοὺσ κατὰ τὰσ οἰκείασ ἐργασίασ κατέστησε τῶν πολιτῶν τοὺσ ἐπισημοτάτουσ, προθεὶσ δωρεὰσ μεγάλασ τοῖσ κατασκευάσασιν ὅπλα.

διέδωκε δὲ καὶ τῶν ὅπλων τὸν γένουσ ἑκάστου τύπον διὰ τὸ τοὺσ μισθοφόρουσ ἐκ πολλῶν ἐθνῶν συνεστηκέναι· ἔσπευδε γὰρ ἕκαστον τῶν στρατευομένων κοσμῆσαι τοῖσ οἰκείοισ ὅπλοισ, καὶ διελάμβανε τὸ στρατόπεδον πολλὴν ἕξειν κατάπληξιν διὰ ταύτην τὴν αἰτίαν καὶ κατὰ τὰσ μάχασ κάλλιστα χρήσεσθαι τῷ συνήθει καθοπλισμῷ πάντασ τοὺσ συναγωνιζομένουσ.

συμπροθυμουμένων δὲ καὶ τῶν Συρακοσίων τῇ τοῦ Διονυσίου προαιρέσει, πολλὴν συνέβαινε γίνεσθαι τὴν φιλοτιμίαν περὶ τὴν τῶν ὅπλων κατασκευήν.

οὐ μόνον γὰρ ἐν τοῖσ προνάοισ καὶ τοῖσ ὀπισθοδόμοισ τῶν ἱερῶν, ἔτι δὲ τοῖσ γυμνασίοισ καὶ ταῖσ κατὰ τὴν ἀγορὰν στοαῖσ, ἔγεμε πᾶσ τόποσ τῶν ἐργαζομένων, ἀλλὰ καὶ χωρὶσ τῶν δημοσίων τόπων ἐν ταῖσ ἐπιφανεστάταισ οἰκίαισ ὅπλα παμπληθῆ κατεσκευάζετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 41

(디오도로스 시켈로스, Library, book xiv, chapter 41)

상위

목록

SEARCH

MENU NAVIGATION