헬라어 문장 검색 - Διοδορ́Λιβραρψ́7́22́

(디오도로스 시켈로스, Library, book xiv, chapter 39)

Φαρνάβαζοσ δὲ τῶν πρὸσ Λακεδαιμονίουσ ἀνοχῶν γενομένων ἀνέβη πρὸσ τὸν βασιλέα, καὶ συνέπεισεν αὐτὸν στόλον ἑτοιμάσαι καὶ ναύαρχον ἐπιστῆσαι Κόνωνα τὸν Ἀθηναῖον· οὗτοσ γὰρ ἦν ἔμπειροσ τῶν κατὰ πόλεμον ἀγώνων, καὶ μάλιστα τῶν πολεμίων· πολεμικώτατοσ δ’ ὢν ἐν Κύπρῳ διέτριβε παρ’ Εὐαγόρᾳ τῷ βασιλεῖ. πεισθέντοσ δὲ τοῦ βασιλέωσ, Φαρνάβαζοσ λαβὼν ἀργυρίου τάλαντα πεντακόσια παρεσκευάζετο κατασκευάζειν ναυτικόν. διαπλεύσασ οὖν εἰσ Κύπρον τοῖσ μὲν ἐκεῖ βασιλεῦσι παρήγγειλεν ἑκατὸν τριήρεισ ἑτοιμάζειν, τῷ δὲ Κόνωνι περὶ τῆσ ναυαρχίασ διαλεχθεὶσ ἐπέστησεν αὐτὸν ἐπὶ τὴν θάλατταν ἡγεμόνα, μεγάλασ ὑποφαίνων παρὰ τοῦ βασιλέωσ ἐλπίδασ.

ὁ δὲ Κόνων ἅμα μὲν ἐλπίζων ἀνακτήσεσθαι τῇ πατρίδι τὴν ἡγεμονίαν,εἰ Λακεδαιμόνιοι καταπολεμηθεῖεν, ἅμα δ’ αὐτὸσ μεγάλησ τεύξεσθαι δόξησ, προσεδέξατο τὴν ναυαρχίαν.

οὔπω δὲ τοῦ στόλου παντὸσ παρεσκευασμένου, τὰσ ἑτοίμουσ ναῦσ τετταράκοντα λαβὼν διέπλευσεν εἰσ Κιλικίαν, κἀκεῖ τὰ πρὸσ τὸν πόλεμον ἡτοιμάζετο.

Φαρνάβαζοσ δὲ καὶ Τισσαφέρνησ ἐκ τῶν ἰδίων σατραπειῶν ἀθροίσαντεσ στρατιώτασ ἀνέζευξαν, ἐπὶ τῆσ Ἐφέσου τὴν πορείαν ποιούμενοι διὰ τὸ τοὺσ πολεμίουσ ἔχειν ἐνταῦθα τὴν δύναμιν. καὶ συνηκολούθουν αὐτοῖσ πεζοὶ μὲν δισμύριοι, ἱππεῖσ δὲ μύριοι.

ἀκούων δὲ τῶν Περσῶν τὴν ἔφοδον Δερκυλίδασ ὁ τῶν Λακεδαιμονίων ἀφηγούμενοσ ἐξήγαγε τὴν δύναμιν, ἔχων τοὺσ πάντασ οὐ πλείουσ τῶν ἑπτακισχιλίων. ὡσ δ’ ἐγγὺσ ἀλλήλων ἐγενήθη τὰ στρατόπεδα, σπονδὰσ ἐποιήσαντο καὶ χρόνον ὡρ́ισαν, ἐν ᾧ Φαρνάβαζοσ μὲν πρὸσ τὸν βασιλέα πέμψει περὶ συνθηκῶν, εἰ βούλοιτο καταλῦσαι τὸν πόλεμον, Δερκυλίδασ δὲ τοῖσ Σπαρτιάταισ δηλώσει περὶ τούτων.

οὗτοι μὲν οὖν οὕτω διέλυσαν τὰ στρατόπεδα. Ῥηγῖνοι δὲ Χαλκιδέων ὄντεσ ἄποικοι τὴν αὔξησιν τοῦ Διονυσίου χαλεπῶσ ἑώρων.

Ναξίουσ μὲν γὰρ καὶ Καταναίουσ συγγενεῖσ ὄντασ ἐξηνδραποδίσατο, τοῖσ δὲ Ῥηγίνοισ, γένουσ τοῦ αὐτοῦ μετέχουσι τοῖσ ἠτυχηκόσιν, οὐ τὴν τυχοῦσαν ἀγωνίαν παρεῖχε τὸ γεγονόσ, πάντων εὐλαβουμένων μὴ ταῖσ αὐταῖσ συμφοραῖσ περιπέσωσιν. ἔδοξεν οὖν αὐτοῖσ, πρὶν τελείωσ ἰσχυρὸν γενέσθαι τὸν τύραννον, στρατεύειν ἐπ’ αὐτὸν κατὰ τάχοσ.

παραχρῆμα δὲ συνεβάλοντο πρὸσ τὸν πόλεμον οὐκ ἐλάχιστα καὶ οἱ φυγαδευθέντεσ τῶν Συρακοσίων ὑπὸ Διονυσίου· τότε γὰρ οἱ πλεῖστοι διατρίβοντεσ ἐν Ῥηγίῳ διετέλουν περὶ τούτων διαλεγόμενοι, διδάσκοντεσ ὅτι συνεπιθήσονται τῷ καιρῷ πάντεσ οἱ Συρακόσιοι. τέλοσ δὲ καταστήσαντεσ στρατηγούσ, ἐξέπεμψαν μετ’ αὐτῶν πεζοὺσ μὲν ἑξακισχιλίουσ, ἱππεῖσ δὲ ἑξακοσίουσ, τριήρεισ δὲ πεντήκοντα.

οὗτοι δὲ διαπλεύσαντεσ τὸν πορθμὸν ἔπεισαν τοὺσ τῶν Μεσσηνίων στρατηγοὺσ κοινωνῆσαι τοῦ πολέμου, φάσκοντεσ δεινὸν εἶναι περιιδεῖν ἀστυγείτονασ Ἑλληνίδασ πόλεισ ἄρδην ἀνῃρημένασ ὑπὸ τοῦ τυράννου. οἱ μὲν οὖν στρατηγοὶ πεισθέντεσ τοῖσ Ῥηγίνοισ ἄνευ τῆσ τοῦ δήμου γνώμησ ἐξήγαγον τοὺσ στρατιώτασ·

ἦσαν δ’ οὗτοι πεζοὶ μὲν τετρακισχίλιοι, ἱππεῖσ δὲ τετρακόσιοι, τριήρεισ δὲ τριάκοντα. ἐπεὶ δὲ προῆλθον αἱ προειρημέναι δυνάμεισ πρὸσ τοὺσ ὁρ́ουσ τῆσ Μεσσήνησ, ἐνέπεσεν εἰσ τοὺσ στρατιώτασ στάσισ, Λαομέδοντοσ τοῦ Μεσσηνίου δημηγορήσαντοσ· οὗτοσ γὰρ συνεβούλευε μὴ κατάρχεσθαι πολέμου πρὸσ τὸν Διονύσιον μηδὲν αὐτοὺσ ἠδικηκότα.

οἱ μὲν οὖν τῶν Μεσσηνίων στρατιῶται, τὸν πόλεμον οὐκ ἐπικεκυρωκότοσ τοῦ δήμου, παραχρῆμ’ ἐπείσθησαν, καὶ τοὺσ στρατηγοὺσ καταλιπόντεσ ἀνέκαμψαν εἰσ τὴν πατρίδα· Ῥηγῖνοι δ’ οὐκ ὄντεσ ἀξιόμαχοι καθ’ ἑαυτούσ, ἐπειδὴ τοὺσ Μεσσηνίουσ ἑώρων διαλύοντασ τὸ στρατόπεδον, καὶ αὐτοὶ ταχέωσ ἀνέκαμψαν εἰσ Ῥήγιον.

Διονύσιοσ δὲ τὸ μὲν πρῶτον ἐπὶ τοὺσ ὁρ́ουσ τῆσ Συρακοσίασ ἐξήγαγε τὴν δύναμιν, προσδεχόμενοσ τὴν τῶν πολεμίων ἔφοδον· ὡσ δ’ ἤκουσε τὴν ἀνάζευξιν αὐτῶν, ἀπήγαγε τὴν στρατιὰν εἰσ τὰσ Συρακούσασ· διαπρεσβευσαμένων δὲ τῶν Ῥηγίνων καὶ τῶν Μεσσηνίων περὶ εἰρήνησ, κρίνων συμφέρον εἶναι διαλύεσθαι τὴν ἔχθραν πρὸσ τὰσ πόλεισ, συνέθετο τὴν εἰρήνην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 39

(디오도로스 시켈로스, Library, book xiv, chapter 39)

상위

목록

SEARCH

MENU NAVIGATION