헬라어 문장 검색 - Διοδορ́Λιβραρψ́7́19́

(디오도로스 시켈로스, Library, book xiv, chapter 34)

Ἠλεῖοι δὲ φοβηθέντεσ τὴν τῶν Λακεδαιμονίων ὑπεροχήν, κατέλυσαν τὸν πρὸσ αὐτοὺσ πόλεμον, ἐφ’ ᾧ τὰσ τριήρεισ δοῦναι Λακεδαιμονίοισ καὶ τὰσ περιοικούσασ πόλεισ αὐτονόμουσ ἀφεῖναι. Λακεδαιμόνιοι δὲ καταλελυκότεσ τοὺσ πολέμουσ καὶ σχολὴν ἔχοντεσ ἐστράτευσαν ἐπὶ Μεσσηνίουσ, ὧν οἱ μὲν ἐν Κεφαλληνίᾳ φρούριόν τι κατῴκουν, οἱ δὲ Ναύπακτον ἐν τοῖσ προσεσπερίοισ λεγομένοισ Λοκροῖσ, δόντων Ἀθηναίων.

ἐκβαλόντεσ δ’ αὐτοὺσ ἐκ τῶν τόπων ἀπέδωκαν τὰ φρούρια, τὸ μὲν τοῖσ τὴν Κεφαλληνίαν οἰκοῦσι, τὸ δὲ τοῖσ Λοκροῖσ. οἱ δὲ Μεσσήνιοι διὰ τὸ παλαιὸν πρὸσ τοὺσ Σπαρτιάτασ μῖσοσ πανταχόθεν ἐλαυνόμενοι, μετὰ τῶν ὅπλων ἀπηλλάγησαν ἐκ τῆσ Ἑλλάδοσ, καὶ τινὲσ μὲν αὐτῶν πλεύσαντεσ εἰσ Σικελίαν ἐγένοντο Διονυσίου μισθοφόροι, τινὲσ δ’ εἰσ Κυρήνην ἔπλευσαν, περὶ τρισχιλίουσ ὄντεσ, καὶ μετὰ τῶν ἐκεῖ φυγάδων ἐτάχθησαν.

οἱ γὰρ Κυρηναῖοι κατ’ ἐκεῖνον τὸν καιρὸν ἐν ταραχῇ καθειστήκεισαν, Ἀρίστωνοσ καί τινων ἑτέρων κατειληφότων τὴν πόλιν.

προσφάτωσ μὲν πεντακόσιοι οἱ δυνατώτατοι τῶν Κυρηναίων ἀνῄρηντο, τῶν δ’ ἄλλων ἐπεφεύγεισαν οἱ χαριέστατοι. οὐ μὴν ἀλλ’ οἱ φυγάδεσ προσλαμβανόμενοι τοὺσ Μεσσηνίουσ παρετάξαντο πρὸσ τοὺσ τὴν πόλιν κατειληφότασ, καὶ τῶν μὲν Κυρηναίων πολλοὶ παρ’ ἀμφοτέροισ ἔπεσον, οἱ δὲ Μεσσήνιοι σχεδὸν ἅπαντεσ ἀνῃρέθησαν.

μετὰ δὲ τὴν παράταξιν οἱ Κυρηναῖοι πρὸσ ἀλλήλουσ διαπρεσβευσάμενοι διηλλάγησαν, καὶ παραχρῆμα ὁρκωμοτήσαντεσ μὴ μνησικακήσειν, κοινῇ τὴν πόλιν κατῴκησαν.

περὶ δὲ τοὺσ αὐτοὺσ χρόνουσ Ῥωμαῖοι προσέθηκαν οἰκήτορασ εἰσ τὰσ ὀνομαζομένασ Οὐελίτρασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Library, book xiv, chapter 34

(디오도로스 시켈로스, Library, book xiv, chapter 34)

상위

목록

SEARCH

MENU NAVIGATION