헬라어 문장 검색 - Διοδορ́Λιβραρψ́7́16́

(디오도로스 시켈로스, Library, book xiv, chapter 30)

εὑρίσκετο δὲ καὶ σμήνη παμπληθῆ περὶ τοὺσ τόπουσ, ἐξ ὧν πολυτελῆ προσεφέρετο κηρία. τούτων δ’ οἱ γευσάμενοι παραλόγῳ περιέπιπτον συμπτώματι· οἱ γὰρ μεταλαβόντεσ αὐτῶν ἄφρονεσ ἐγίνοντο καὶ πίπτοντεσ ἐπὶ τὴν γῆν ὅμοιοι τοῖσ τετελευτηκόσιν ὑπῆρχον. πολλῶν δὲ φαγόντων διὰ τὴν γλυκύτητα τῆσ ἀπολαύσεωσ, ταχὺ τὸ πλῆθοσ ἐγεγόνει τῶν πεπτωκότων οἱονεὶ τροπῆσ ἐν πολέμῳ γεγενημένησ.

ἐκείνην μὲν οὖν τὴν ἡμέραν ἠθύμησεν ἡ δύναμισ, καταπεπληγμένη τό τε παράδοξον καὶ τὸ πλῆθοσ τῶν ἠτυχηκότων· τῇ δ’ ὑστεραίᾳ περὶ τὴν αὐτὴν ὡρ́αν ἅπαντεσ ἑαυτοὺσ ἀνελάμβανον καὶ κατ’ ὀλίγον ἀνακτώμενοι τὸ φρονεῖν ἀνέστησαν, καὶ τὸ σῶμα διετέθησαν ὁμοίωσ τοῖσ ἐκ φαρμακοποσίασ διασωθεῖσιν. ὡσ δ’ ἀνέλαβον ἑαυτοὺσ ἐν τρισὶν ἡμέραισ, ἐπορεύθησαν εἰσ Τραπεζοῦντα πόλιν Ἑλληνίδα, Σινωπέων μὲν ἄποικον, κειμένην δ’ ἐν τῇ Κόλχων χώρᾳ.

ἐνταῦθα δὲ διατρίψαντεσ ἡμέρασ τριάκοντα, παρὰ μὲν τοῖσ ἐγχωρίοισ λαμπρῶσ ἐξενίσθησαν, αὐτοὶ δὲ τῷ τε Ἡρακλεῖ καὶ Διὶ σωτηρίῳ θυσίαν ἐποίησαν καὶ γυμνικὸν ἀγῶνα, καθ’ ὃν τόπον φασὶ προσπλεῦσαι τὴν Ἀργὼ καὶ τοὺσ περὶ Ιἄσονα. ἐκεῖθεν δὲ Χειρίσοφον μὲν τὸν ἀφηγούμενον ἀπέστειλαν εἰσ Βυζάντιον ἐπὶ πλοῖα καὶ τριήρεισ·

ἔλεγε γὰρ εἶναι φίλοσ Ἀναξιβίῳ τῷ Βυζαντίων ναυάρχῳ. τοῦτον μὲν οὖν ἐπὶ κέλητοσ ἐξέπεμψαν· λαβόντεσ δὲ τῶν ἐπικώπων δύο πλοιάρια παρὰ τῶν Τραπεζουντίων, ἐλῄστευον τοὺσ περιοικοῦντασ βαρβάρουσ καὶ κατὰ γῆν καὶ κατὰ θάλατταν. ἐφ’ ἡμέρασ μὲν οὖν τριάκοντα περιέμειναν τὸν Χειρίσοφον·

ὡσ δ’ ἐκεῖνοσ ἐβράδυνεν, αἱ δὲ τροφαὶ τοῖσ ἀνθρώποισ ἐσπάνιζον, ἀνέζευξαν ἐκ Τραπεζοῦντοσ, καὶ τριταῖοι παρεγενήθησαν εἰσ Κερασοῦντα πόλιν Ἑλληνίδα, Σινωπέων ἄποικον. ἐν ταύτῃ δὲ ἡμέρασ διατρίψαντέσ τινασ παρεγενήθησαν εἰσ τὸ τῶν Μοσυνοίκων ἔθνοσ. τῶν δὲ βαρβάρων συστραφέντων ἐπ’ αὐτοὺσ ἐκράτησαν μάχῃ καὶ πολλοὺσ ἀνεῖλον.

συμφυγόντων δ’ εἴσ τι χωρίον, ἐν ᾧ κατῴκουν ἑπτωρόφουσ ἔχοντεσ ξυλίνουσ πύργουσ, συνεχεῖσ προσβολὰσ ποιησάμενοι κατὰ κράτοσ εἷλαν. ἦν δὲ τὸ χωρίον τοῦτο μητρόπολισ τῶν ἄλλων ἐρυμάτων, ἐν ᾧ καὶ ὁ βασιλεὺσ αὐτῶν κατῴκει τὸν ὑψηλότατον τόπον ἔχων. ἔθοσ δ’ ἔχει πάτριον μένειν ἐν αὐτῷ τὸν πάντα βίον, κἀκεῖθεν διαδιδόναι τοῖσ ὄχλοισ τὰ προστάγματα.

βαρβαρώτατον δ’ ἔφασαν οἱ στρατιῶται τοῦτο διεληλυθέναι τὸ ἔθνοσ, καὶ ταῖσ μὲν γυναιξὶν αὐτοὺσ πλησιάζειν ἁπάντων ὁρώντων, τοὺσ δὲ παῖδασ τῶν πλουσιωτάτων τρέφεσθαι καρύοισ ἑφθοῖσ, ἅπαντασ δ’ ἐκ παιδὸσ στίγμασι τόν τε νῶτον καὶ τὰ στήθη καταπεποικίλθαι. ταύτην μὲν οὖν τὴν χώραν ἐν ἡμέραισ ὀκτὼ διεπορεύθησαν, τὴν δ’ ἐχομένην ἐν τρισίν, ἣν ἐκάλουν Τιβαρηνήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 30

(디오도로스 시켈로스, Library, book xiv, chapter 30)

상위

목록

SEARCH

MENU NAVIGATION