헬라어 문장 검색 - Διοδορ́Λιβραρψ́7́15́

(디오도로스 시켈로스, Library, book xiv, chapter 29)

ἐμμείναντεσ δὲ ταῖσ κώμαισ ἡμέρασ ὀκτὼ παρεγενήθησαν πρὸσ τὸν Φᾶσιν ποταμόν. ἐκεῖ δὲ τέτταρασ ἡμέρασ διανύσαντεσ διεπορεύοντο τὴν Χάων καὶ Φασιανῶν χώραν. ἐπιθεμένων δ’ αὐτοῖσ τῶν ἐγχωρίων, τούτουσ μὲν ἐν τῇ μάχῃ νικήσαντεσ πολλοὺσ ἀνεῖλον, αὐτοὶ δὲ καταλαμβάνοντεσ τὰσ τῶν ἐγχωρίων κτήσεισ γεμούσασ ἀγαθῶν ἐνδιέτριψαν ἐν αὐταῖσ ἡμέρασ πεντεκαίδεκα. ἀναζεύξαντεσ δ’ ἐκεῖθεν διῆλθον τὴν Χαλδαίων καλουμένων χώραν ἐν ἡμέραισ ἑπτά, καὶ παρεγενήθησαν πρὸσ τὸν Ἅρπαγον ὀνομαζόμενον ποταμόν, ὄντα τὸ πλάτοσ πλέθρων τεττάρων.

ἐντεῦθεν δὲ διὰ τῆσ Σκυτίνων πορευόμενοι διῆλθον ὁδὸν πεδινήν, ἐν ᾗ τρεῖσ ἡμέρασ αὑτοὺσ ἀνέλαβον, εὐποροῦντεσ ἁπάντων τῶν ἀναγκαίων. μετὰ δὲ ταῦτ’ ἀναζεύξαντεσ τεταρταῖοι παρεγενήθησαν πρὸσ πόλιν μεγάλην Γυμνασίαν ὀνομαζομένην. ἐκ δὲ ταύτησ ὁ τῶν τόπων τούτων ἀφηγούμενοσ ἐσπείσατο πρὸσ αὐτοὺσ καὶ τοὺσ ὁδηγήσοντασ ἐπὶ θάλατταν συνέστησεν.

ἐν ἡμέραισ δὲ πεντεκαίδεκα παραγενόμενοι ἐπὶ τὸ Χήνιον ὄροσ, ὡσ εἶδον πορευόμενοι οἱ πρῶτοι τὴν θάλατταν, περιχαρεῖσ ἦσαν καὶ τοιαύτην ἐποίουν κραυγήν, ὥστε τοὺσ ἐπὶ τῆσ οὐραγίασ ὄντασ ὑπολαμβάνοντασ πολεμίων ἔφοδον εἶναι χωρεῖν εἰσ ὅπλα. ὡσ δ’ ἅπαντεσ ἀνέβησαν ἐπὶ τὸν τόπον, ἐξ οὗ τὴν θάλατταν ἦν ὁρᾶν, τοῖσ θεοῖσ ἀνατείναντεσ τὰσ χεῖρασ ηὐχαρίστουν ὡσ ἤδη διασεσωσμένοι·

συνενέγκαντεσ δ’ εἰσ ἕνα τόπον λίθουσ παμπληθεῖσ, καὶ ποιήσαντεσ ἐξ αὐτῶν ἀναστήματα μεγάλα, σκῦλα τῶν βαρβάρων ἀνέθεσαν, βουλόμενοι τῆσ στρατείασ ἀθάνατον ὑπόμνημα καταλιπεῖν. καὶ τῷ μὲν ὁδηγήσαντι φιάλην ἀργυρᾶν καὶ στολὴν Περσικὴν ἐδωρήσαντο· ὃσ δείξασ αὐτοῖσ τὴν ἐπὶ Μάκρωνασ ὁδὸν ἀπηλλάγη. οἱ δ’ Ἕλληνεσ εἰσβαλόντεσ εἰσ τὴν τῶν Μακρώνων χώραν ἐσπείσαντο, καὶ πρὸσ πίστιν παρὰ μὲν ἐκείνων λόγχην ἔλαβον βαρβαρικήν, αὐτοὶ δ’ Ἑλληνικὴν ἔδωκαν·

ταῦτα γὰρ ἔφασαν αὑτοῖσ οἱ βάρβαροι διὰ προγόνων παραδεδόσθαι πρὸσ πίστιν βεβαιότατα. ὡσ δὲ τοὺσ τούτων ὁρ́ουσ διῆλθον, παρεγενήθησαν εἰσ τὴν τῶν Κόλχων χώραν. εἰσ ἣν ἀθροισθέντων τῶν ἐγχωρίων ἐπ’ αὐτούσ, τούτουσ μὲν κρατήσαντεσ μάχῃ πολλοὺσ ἀνεῖλαν, αὐτοὶ δὲ λόφον ὀχυρὸν καταλαβόμενοι τὴν χώραν ἐπόρθουν, καὶ τὰσ ὠφελείασ εἰσ τοῦτον ἀθροίσαντεσ ἀφθόνωσ ἑαυτοὺσ ἀνελάμβανον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 29

(디오도로스 시켈로스, Library, book xiv, chapter 29)

상위

목록

SEARCH

MENU NAVIGATION