헬라어 문장 검색 - Διοδορ́Λιβραρψ́7́14́

(디오도로스 시켈로스, Library, book xiv, chapter 27)

οἱ δὲ στρατιῶται πυθόμενοι τὰ γεγενημένα παρ’ αὐτὸν μὲν τὸν καιρὸν ἐξεπλάγησαν καὶ πάντεσ ἐχώρουν εἰσ ὅπλα μετὰ πολλῆσ ἀταξίασ, ὡσ ἂν ἀναρχίασ οὔσησ· μετὰ δὲ ταῦτα, οὐδενὸσ αὐτοῖσ παρενοχλοῦντοσ, εἵλοντο στρατηγοὺσ μὲν πλείουσ, ἑνὶ δὲ τῶν ὅλων τὴν ἡγεμονίαν ἀπέδωκαν Χειρισόφῳ τῷ Λακεδαιμονίῳ. οὗτοι δὲ διατάξαντεσ τὸ στρατόπεδον εἰσ τὴν ὁδοιπορίαν ὥσ ποτ’ αὐτοῖσ ἐδόκει κάλλιστα προῆγον ἐπὶ Παφλαγονίαν.

Τισσαφέρνησ δὲ τοὺσ στρατηγοὺσ δήσασ ἀπέστειλε πρὸσ Ἀρταξέρξην· ἐκεῖνοσ δὲ τοὺσ μὲν ἄλλουσ ἀνεῖλε, Μένωνα δὲ μόνον ἀφῆκεν· ἐδόκει γὰρ μόνοσ οὗτοσ στασιάζων πρὸσ τοὺσ συμμάχουσ προδώσειν τοὺσ Ἕλληνασ. Τισσαφέρνησ δὲ μετὰ τῆσ δυνάμεωσ ἐπακολουθῶν τοῖσ Ἕλλησιν ἐξήπτετο, καὶ κατὰ στόμα μὲν οὐκ ἐτόλμα παρατάττεσθαι, φοβούμενοσ ἀπεγνωσμένων ἀνδρῶν θράσοσ καὶ ἀπόνοιαν, ἐν δὲ τοῖσ εὐθέτοισ τόποισ παρενοχλῶν μεγάλῳ μὲν οὐδενὶ κακῷ περιβάλλειν αὐτοὺσ ἠδύνατο, μικρὰ δὲ βλάπτων μέχρι τοῦ τῶν Καρδούχων καλουμένων ἔθνουσ ἐπηκολούθησεν.

καὶ Τισσαφέρνησ μὲν οὐδὲν ἔτι δυνάμενοσ πρᾶξαι, μετὰ τῆσ δυνάμεωσ ἐπ’ Ιὠνίασ ἀνέζευξεν·

οἱ δὲ Ἕλληνεσ ἐφ’ ἑπτὰ μὲν ἡμέρασ διεπορεύοντο τὰ τῶν Καρδούχων ὄρη, πολλὰ κακὰ πάσχοντεσ ὑπὸ τῶν ἐγχωρίων ἀλκίμων τε ὄντων καὶ τῆσ χώρασ ἐμπείρων. ἦσαν δ’ οὗτοι πολέμιοι μὲν τοῦ βασιλέωσ, ἐλεύθεροι δὲ καὶ τὰ κατὰ πόλεμον ἀσκοῦντεσ, μάλιστα δ’ ἐκπονοῦντεσ σφενδόναισ ὡσ μεγίστουσ λίθουσ ἐμβάλλειν καὶ τοξεύμασιν ὑπερμεγέθεσι χρῆσθαι, δι’ ὧν τοὺσ Ἕλληνασ κατατιτρώσκοντεσ ἐξ ὑπερδεξίων τόπων πολλοὺσ μὲν ἀνεῖλον, οὐκ ὀλίγουσ δὲ κακῶσ διέθεσαν.

τὰ γὰρ βέλη μείζω καθεστῶτα δυεῖν πηχῶν ἔδυνε διά τε τῶν ἀσπίδων καὶ θωράκων, ὥστε μηδὲν τῶν ὅπλων ἰσχύειν τὴν βίαν αὐτῶν ὑπομένειν·

οὕτω γάρ φασι μεγάλοισ κεχρῆσθαι οἰστοῖσ, ὥστε τοὺσ Ἕλληνασ ἐναγκυλοῦντασ τὰ ῥιπτόμενα βέλη τούτοισ σαυνίοισ χρωμένουσ ἐξακοντίζειν. διελθόντεσ οὖν τὴν προειρημένην χώραν ἐπιπόνωσ παρεγενήθησαν πρὸσ τὸν Κεντρίτην ποταμόν·

ὃν διαβάντεσ εἰσέβαλον εἰσ τὴν Ἀρμενίαν. ταύτησ δ’ ἦν σατράπησ Τιρίβαζοσ, πρὸσ ὃν σπεισάμενοι διεπορεύοντο τὴν χώραν ὡσ φίλοι. ὁδοιποροῦντεσ δὲ διὰ τῶν Ἀρμενίων ὀρῶν ἐλήφθησαν ὑπὸ χιόνοσ πολλῆσ, καὶ παρεκινδύνευσαν ἀπολέσθαι πάντεσ.

τοῦ γὰρ ἀέροσ τεταραγμένου τὸ μὲν πρῶτον κατ’ ὀλίγον ἤρξατο χιὼν πίπτειν ἐκ τοῦ περιέχοντοσ, ὥστε τοὺσ ὁδοιποροῦντασ μηδὲν ἐμποδίζεσθαι τῆσ εἰσ τοὔμπροσθεν πορείασ· μετὰ δὲ ταῦτα πνεύματοσ ἐπιγινομένου μᾶλλον αἰεὶ κατερρίπτετο καὶ τὴν χώραν ἐπεκάλυπτεν, ὥστε μηκέτι δύνασθαι μήτε τὰσ ὁδοὺσ μήτε ὁλοσχερῶσ τὰσ ἰδιότητασ τῶν τόπων θεωρεῖσθαι. διόπερ ἀθυμία τὸ στρατόπεδον ὑπεδύετο καὶ δέοσ, ἀνακάμπτειν μὲν εἰσ ἀπώλειαν οὐ βουλομένων, προάγειν δὲ διὰ τὸ πλῆθοσ τῶν χιόνων οὐ δυναμένων.

τοῦ δὲ χειμῶνοσ ἐπίτασιν λαμβάνοντοσ ἐπεγενήθη πνευμάτων μέγεθοσ μετὰ πολλῆσ χαλάζησ, ὥστε τοῦ συρμοῦ κατὰ πρόσωπον ὄντοσ ἀναγκασθῆναι καθίσαι τὴν δύναμιν ἅπασαν· ἕκαστοσ γὰρ τὴν ἐκ τῆσ ὁδοιπορίασ κακοπάθειαν ὑπομένειν ἀδυνατῶν, οὗ ποτε τύχοι, μένειν ἠναγκάζετο. ἀποροῦντεσ δὲ πάντων τῶν ἀναγκαίων ἐκείνην μὲν τὴν ἡμέραν καὶ τὴν νύκτα διεκαρτέρουν ὑπαίθριοι, πολλοῖσ συνεχόμενοι κακοῖσ·

διὰ γὰρ τὸ πλῆθοσ τῆσ κατὰ τὸ συνεχὲσ ἐκχεομένησ χιόνοσ τά τε ὅπλα πάντα συνεκαλύφθη καὶ τὰ σώματα διὰ τὸν ἀπὸ τῆσ αἰθρίασ πάγον περιεψύχετο. διὰ δὲ τὴν ὑπερβολὴν τῶν κακῶν ὅλην τὴν νύκτα διηγρύπνουν· καὶ τινὲσ μὲν πῦρ ἐκκαύσαντεσ τῆσ ἀπὸ τούτου βοηθείασ ἐτύγχανον, τινὲσ δὲ περικαταληφθέντεσ ὑπὸ τοῦ πάγου τὰ σώματα πᾶσαν ἀπεγίνωσκον ἐπικουρίαν, τῶν ἀκρωτηρίων αὐτοῖσ σχεδὸν ἁπάντων ἀπονεκρουμένων. διόπερ ὡσ ἡ νὺξ διῆλθε, τῶν θ’ ὑποζυγίων τὰ πλεῖστα εὑρέθη διεφθαρμένα καὶ τῶν ἀνδρῶν πολλοὶ μὲν τετελευτηκότεσ, οὐκ ὀλίγοι δὲ τὴν μὲν ψυχὴν ἔχοντεσ ἔμφρονα, τὸ δὲ σῶμα διὰ τὸν πάγον ἀκίνητον·

ἔνιοι δὲ καὶ τοὺσ ὀφθαλμοὺσ ἐτυφλώθησαν διά τε τὸ ψῦχοσ καὶ τὴν ἀνταύγειαν τῆσ χιόνοσ. καὶ τελείωσ ἂν ἅπαντεσ διεφθάρησαν, εἰ μὴ βραχὺ διελθόντεσ εὑρ͂ον κώμασ γεμούσασ τῶν ἐπιτηδείων.

αὗται δὲ τὰσ μὲν τοῖσ ὑποζυγίοισ καταβάσεισ εἶχον ὀρυκτάσ, τὰσ δὲ τοῖσ ἀνδράσι κατὰ κλιμάκων ταῖσ οἰκίαισ τά τε βοσκήματα τρεφόμενα χόρτῳ, τοῖσ δ’ ἀνδράσι πολλὴν ἀφθονίαν πάντων τῶν πρὸσ τὸ ζῆν ἀναγκαίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 27

(디오도로스 시켈로스, Library, book xiv, chapter 27)

상위

목록

SEARCH

MENU NAVIGATION