헬라어 문장 검색 - Διοδορ́Λιβραρψ́7́10́

(디오도로스 시켈로스, Library, book xiv, chapter 20)

ἐπεὶ δὲ διῆλθε Λυδίαν καὶ Φρυγίαν, ἔτι δὲ Καππαδοκίασ τὰ συνορίζοντα, παρεγενήθη πρὸσ τοὺσ ὁρ́ουσ τῆσ Κιλικίασ καὶ τὴν πρὸσ ταῖσ Κιλικίαισ πύλαισ εἰσβολήν· αὕτη δ’ ἐστὶ στενὴ καὶ παράκρημνοσ ἐπὶ σταδίουσ μὲν εἴκοσι παρατείνουσα, πλησίον δ’ αὐτῆσ ἐστιν ἐξ ἀμφοτέρων καθ’ ὑπερβολὴν ὄρη μεγάλα καὶ δυσπρόσιτα· ἀπὸ δὲ τῶν ὀρῶν ἐξ ἑκατέρου μέρουσ τείχη κατατείνει μέχρι τῆσ ὁδοῦ, καθ’ ἣν ἐνῳκοδόμηνται πύλαι. διεξαγαγὼν δὲ διὰ τούτων τὴν δύναμιν εἰσέβαλεν εἴσ τι πεδίον τῶν κατὰ τὴν Ἀσίαν οὐδενὸσ τῷ κάλλει λειπόμενον·

δι’ οὗ πορευθεὶσ εἰσ Ταρσόν, μεγίστην τῶν ἐν Κιλικίᾳ πόλεων, ταχέωσ αὐτῆσ ἐγκρατὴσ ἐγένετο. Συέννεσισ δ’ ὁ τῆσ Κιλικίασ δυναστεύων ὡσ ἤκουσε τὸ μέγεθοσ τῆσ τῶν πολεμίων δυνάμεωσ, εἰσ ἀπορίαν πολλὴν ἐνέπιπτεν, οὐκ ὢν ἀξιόμαχοσ. μεταπεμπομένου δ’ αὐτὸν Κύρου καὶ τὰ πιστὰ δόντοσ ἐπορεύθη πρὸσ αὐτόν, καὶ τὴν ἀλήθειαν τοῦ πολέμου πυθόμενοσ ὡμολόγησε συμμαχήσειν ἐπὶ τὸν Ἀρταξέρξην, καὶ τὸν ἕνα τῶν υἱῶν τῷ Κύρῳ συνεξαπέστειλεν, αὐτῷ δοὺσ τῶν Κιλίκων τοὺσ ἱκανοὺσ συστρατευσομένουσ·

πανοῦργοσ γὰρ ὢν τὴν φύσιν καὶ πρὸσ τὸ τῆσ τύχησ ἄδηλον ἀρτισάμενοσ, τὸν ἕτερον τῶν υἱῶν ἐξέπεμψε λάθρᾳ πρὸσ τὸν βασιλέα, δηλώσοντα καὶ τὰσ δυνάμεισ ἐπ’ ἐκεῖνον ἠθροισμένασ καὶ διότι τῆσ μὲν συμμαχίασ δι’ ἀνάγκην τῷ Κύρῳ μετέχει, τῇ δ’ εὐνοίᾳ προσμένων, ἂν καιρὸσ γένηται, καταλιπὼν ἐκεῖνον τῷ βασιλεῖ συστρατεύσεσθαι. Κῦροσ δ’ εἴκοσι μὲν ἡμέρασ ἐν Ταρσῷ τὴν δύναμιν ἀνέλαβε·

μετὰ δὲ ταῦτα ἀναζευγνύντοσ αὐτοῦ τὸ πλῆθοσ ὑπώπτευσε τὴν στρατείαν ἐπὶ τὸν Ἀρταξέρξην γίνεσθαι. ἀναλογιζόμενοσ δὲ ἕκαστοσ τὰ μήκη τῶν ὁδῶν καὶ τὰ πλήθη τῶν πολεμίων ἐθνῶν, δι’ ὧν ἀναγκαῖον ἦν τὴν πορείαν ποιεῖσθαι, τελέωσ ἠγωνία· διαβεβόητο γὰρ ἡ μὲν ἑώσ Βάκτρων ὁδὸσ οὖσα στρατοπέδῳ τετραμήνου, δύναμισ δ’ ἠθροισμένη τῷ βασιλεῖπλείω τῶν τετταράκοντα μυριάδων. διὸ δὴ περιδεεῖσ ὄντεσ ἐκεῖνοι ἠγανάκτουν, καὶ τοὺσ ἡγεμόνασ δι’ ὀργῆσ ἔχοντεσ ἐνεχείρησαν ἀναιρεῖν ὡσ προδότασ ἑαυτῶν ὄντασ.

τοῦ δὲ Κύρου δεομένου πάντων, καὶ διαβεβαιουμένου τὴν στρατιὰν ἀνάγειν οὐκ ἐπ’ Ἀρταξέρξην, ἀλλ’ ἐπί τινα σατράπην τῆσ Συρίασ, ἐπείσθησαν οἱ στρατιῶται, καὶ λαβόντεσ πλείω μισθὸν ἀποκατέστησαν εἰσ τὴν ἐξ ἀρχῆσ εὔνοιαν. ὁ δὲ Κῦροσ ἐπειδὴ διῆλθε τὴν Κιλικίαν, παρεγενήθη πρὸσ πόλιν Ἰσσόν, ἐπὶ θαλάττησ μὲν κειμένην, ἐσχάτην δ’ οὖσαν τῆσ Κιλικίασ.

κατέπλευσε δ’ εἰσ αὐτὴν περὶ τὸν αὐτὸν καιρὸν καὶ ὁ στόλοσ ὁ τῶν Λακεδαιμονίων, καὶ οἱ στρατηγοῦντεσ ἐξέβησαν καὶ συντυχόντεσ τῷ Κύρῳ τὴν τῶν Σπαρτιατῶν εἰσ αὐτὸν εὔνοιαν ἀπήγγειλαν, καὶ τοὺσ μετὰ Χειρισόφου πεζοὺσ ὀκτακοσίουσ ἐκβιβάσαντεσ παρέδωκαν. τούτουσ δὲ προσεποιοῦντο μὲν οἱ φίλοι τοῦ Κύρου πέμψαι μισθοφόρουσ, τῇ δ’ ἀληθείᾳ μετὰ τῆσ τῶν ἐφόρων γνώμησ ἅπαντ’ ἐπράττετο·

οἱ δὲ Λακεδαιμόνιοι φανερὸν οὔπω τὸν πόλεμον ἐπανῃροῦντο, κατέκρυπτον δὲ τὴν προαίρεσιν, ἐπιτηροῦντεσ τὴν ῥοπὴν τοῦ πολέμου. ὁ δὲ Κῦροσ μετὰ τῆσ δυνάμεωσ ἀνέζευξεν ἐπὶ Συρίασ τὴν πορείαν ποιούμενοσ, καὶ τοὺσ ναυάρχουσ ἐκέλευσε συμπαραπλεῖν ἁπάσαισ ταῖσ ναυσίν. ὡσ δ’ ἦλθεν ἐπὶ τὰσ Πύλασ καλουμένασ καὶ τὸν τόπον εὑρ͂εν ἔρημον τῶν φυλαττόντων, περιχαρὴσ ἦν·

ἠγωνία γὰρ σφόδρα, μή τινεσ αὐτὰσ εἰε͂ν προκατειλημμένοι. ἔστι δὲ ἡ φύσισ τοῦ τόπου στενὴ καὶ παράκρημνοσ, ὥστε δι’ ὀλίγων ῥᾳδίωσ παραφυλάττεσθαι. ὄρη γὰρ πλησίον ἀλλήλων κεῖται, τὸ μὲν τραχὺ καὶ κρημνοὺσ ἔχον ἀξιολόγουσ, ἐπ’ αὐτῆσ δ’ ἄρχεται τῆσ ὁδοῦ ἕτερον ὄροσ μέγιστον τῶν περὶ τοὺσ τόπουσ ἐκείνουσ, καὶ καλεῖται μὲν Ἄμανοσ, παρεκτείνει δὲ παρὰ τὴν Φοινίκην·

ὁ δ’ ἀνὰ μέσον τόποσ τῶν ὀρῶν, ὑπάρχων ὡσ τριῶν σταδίων, παντελῶσ τετειχισμένοσ καὶ πύλασ ἔχων εἰσ στενὸν συγκλειομένασ. διελθὼν οὖν ὁ Κῦροσ ταύτασ ἀκινδύνωσ, τὸν μὲν λοιπὸν στόλον ἀπέστειλεν ἀνακάμψαι εἰσ Ἔφεσον·

οὐκέτι γὰρ αὐτῷ χρήσιμοσ ἦν μέλλοντι διὰ μεσογείου τὴν πορείαν ποιεῖσθαι· ὁδοιπορήσασ δ’ ἡμέρασ εἴκοσι παρεγενήθη πρὸσ Θάψακον πόλιν, ἣ κεῖται παρὰ τὸν ποταμὸν τὸν Εὐφράτην. ἐνταῦθα δὲ πένθ’ ἡμέρασ διατρίψασ, καὶ τὴν δύναμιν ἐξιδιοποιησάμενοσ ταῖσ τε τῶν ἐπιτηδείων ἀφθονίαισ καὶ ταῖσ ἐκ τῶν προνομῶν ὠφελείαισ, συνήγαγεν ἐκκλησίαν, καὶ τὴν ἀλήθειαν τῆσ στρατείασ ἐδήλωσεν.

προσάντωσ δὲ δεξαμένων τὸν λόγον τῶν στρατιωτῶν, ἐδεῖτο πάντων μὴ καταλιπεῖν ἑαυτόν, ἐπαγγελλόμενοσ ἄλλασ τε μεγάλασ δωρεὰσ καὶ ὅτι παραγενομένοισ αὐτοῖσ εἰσ Βαβυλῶνα κατ’ ἄνδρα ἕκαστον δώσει πέντε μνᾶσ ἀργυρίου. οἱ μὲν οὖν στρατιῶται ταῖσ ἐλπίσι μετεωρισθέντεσ ἐπείσθησαν ἀκολουθεῖν· ὁ δὲ Κῦροσ ὡσ διέβη τῇ δυνάμει τὸν Εὐφράτην, ἠπείγετο κατὰ τὸ συνεχὲσ ὁδοιπορῶν, καὶ παραγενηθεὶσ ἐπὶ τοὺσ ὁρ́ουσ τῆσ Βαβυλωνίασ ἀνελάμβανε τὴν δύναμιν.

ὁ δὲ βασιλεὺσ Ἀρταξέρξησ καὶ πάλαι μὲν ἦν παρὰ Φαρναβάζου πεπυσμένοσ ὅτι στρατόπεδον ἐπ’ αὐτὸν ἀθροίζει λάθρᾳ Κῦροσ, καὶ τότε δὴ πυθόμενοσ αὐτοῦ τὴν ἀνάβασιν μετεπέμπετο τὰσ πανταχόθεν δυνάμεισ εἰσ Ἐκβάτανα τῆσ Μηδίασ.

ἐπεὶ δὲ αἵ τε παρ’ Ἰνδῶν καί τινων ἄλλων ἐθνῶν καθυστέρουν διὰ τὸ μακρὰν ἀφεστάναι τοὺσ τόπουσ, μετὰ τῆσ συναχθείσησ στρατιᾶσ ὡρ́μησεν ἀπαντήσων τῷ Κύρῳ.

εἶχε δὲ τοὺσ ἅπαντασ στρατιώτασ σὺν ἱππεῦσιν οὐκ ἐλάττουσ τετταράκοντα μυριάδων, καθά φησιν Ἔφοροσ. ὡσ δ’ εἰσ τὸ Βαβυλώνιον ἧκε πεδίον, παρὰ τὸν Εὐφράτην στρατοπεδείαν ἐβάλετο, διανοούμενοσ ἐν ταύτῃ καταλιπεῖν τὴν ἀποσκευήν·

ἐπυνθάνετο γὰρ τοὺσ πολεμίουσ οὐ μακρὰν ὄντασ, καὶ τὸ παράβολον αὐτῶν τῆσ τόλμησ ὑπώπτευεν. ὀρύξασ οὖν τάφρον τὸ μὲν πλάτοσ ποδῶν ἑξήκοντα, τὸ δὲ βάθοσ ποδῶν δέκα, περιέθηκε κύκλῳ τὰσ συνακολουθούσασ ἁρμαμάξασ καθαπερεὶ τεῖχοσ.

καταλιπὼν δ’ ἐν τῇ παρεμβολῇ τὴν ἀποσκευὴν καὶ τὸν ἀχρεῖον ὄχλον, ἐπὶ μὲν ταύτησ ἱκανὴν φυλακὴν παρέστησεν, αὐτὸσ δὲ τὴν δύναμιν εὔζωνον προαγαγὼν ἀπήντα τοῖσ πολεμίοισ ἐγγὺσ ὑπάρχουσιν. ὁ δὲ Κῦροσ ὡσ εἶδε προϊοῦσαν τὴν τοῦ βασιλέωσ στρατιάν, εὐθὺσ εἰσ τάξεισ κατέστησε τὸ σφέτερον στρατόπεδον.

τὸ μὲν οὖν δεξιὸν κέρασ παρὰ τὸν Εὐφράτην παρεκτεῖνον πεζοὶ μὲν ἐπεῖχον Λακεδαιμόνιοι καί τινεσ τῶν μισθοφόρων, ὧν ἁπάντων Κλέαρχοσ ὁ Λακεδαιμόνιοσ ἀφηγεῖτο· συνηγωνίζοντο δ’ αὐτῷ τῶν ἱππέων οἱ συναχθέντεσ ἀπὸ Παφλαγονίασ, ὄντεσ ὑπὲρ τοὺσ χιλίουσ· τὸ δὲ θάτερον μέροσ ἐπεῖχον οἵ τ’ ἀπὸ Φρυγίασ καὶ Λυδίασ, ἔτι δὲ τῶν ἱππέων περὶ χιλίουσ, ὧν εἶχε τὴν ἡγεμονίαν Ἀριδαῖοσ. αὐτὸσ δὲ ὁ Κῦροσ ἐτέτακτο κατὰ μέσην τὴν φάλαγγα τοὺσ κρατίστουσ ἔχων Περσῶν τε καὶ τῶν ἄλλων βαρβάρων ὡσ μυρίουσ·

προηγοῦντο δ’ αὐτῷ τῶν ἱππέων οἱ κάλλιστα διεσκευασμένοι χίλιοι, θώρακασ ἔχοντεσ καὶ μαχαίρασ Ἑλληνικάσ. Ἀρταξέρξησ δὲ πρὸ μὲν τῆσ φάλαγγοσ πάσησ ἔστησεν ἁρ́ματα δρεπανηφόρα τὸν ἀριθμὸν οὐκ ὀλίγα·

καὶ τῶν μὲν κεράτων Πέρσασ ἡγεμόνασ κατέστησε, κατὰ δὲ τὸ μέσον αὐτὸσ ἐτάχθη τῶν ἐπιλέκτων ἔχων οὐκ ἐλάττουσ πεντακισμυρίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 20

(디오도로스 시켈로스, Library, book xiv, chapter 20)

상위

목록

SEARCH

MENU NAVIGATION