헬라어 문장 검색 - Διοδορ́Λιβραρψ́7́08́

(디오도로스 시켈로스, Library, book xiv, chapter 11)

τούτων δὲ πραττομένων Φαρνάβαζοσ ὁ Δαρείου τοῦ βασιλέωσ σατράπησ Ἀλκιβιάδην τὸν Ἀθηναῖον συλλαβὼν ἀνεῖλε, χαρίσασθαι βουλόμενοσ Λακεδαιμονίοισ. τοῦ δ’ Ἐφόρου δι’ ἄλλασ αἰτίασ ἐπιβουλευθῆναι γεγραφότοσ, οὐκ ἄχρηστον εἶναι νομίζω παραθεῖναι τὴν παραδοθεῖσαν ὑπὸ τοῦ συγγραφέωσ ἐπιβουλὴν κατ’ Ἀλκιβιάδου. φησὶ γὰρ κατὰ τὴν ἑπτακαιδεκάτην βίβλον Κῦρον μὲν καὶ Λακεδαιμονίουσ λάθρᾳ παρασκευάζεσθαι ἅμα πολεμεῖν πρὸσ Ἀρταξέρξην τὸν ἀδελφόν, Ἀλκιβιάδην δὲ διά τινων αἰσθόμενον τὴν Κύρου προαίρεσιν ἐλθεῖν πρὸσ Φαρνάβαζον καὶ περὶ τούτων ἐξηγήσασθαι κατὰ μέροσ, ἀξιῶσαι δὲ αὐτὸν δοῦναι ἀναβάσεωσ ὁδηγὸν πρὸσ Ἀρταξέρξην·

βούλεσθαι γὰρ ἐμφανίσαι πρῶτον τὴν ἐπιβουλὴν τῷ βασιλεῖ. τὸν δὲ Φαρνάβαζον ἀκούσαντα τῶν λόγων, σφετερίσασθαι τὴν ἀπαγγελίαν καὶ πέμψαι πιστοὺσ ἄνδρασ ὑπὲρ τούτων τῷ βασιλεῖ δηλώσοντασ.

οὐ διδόντοσ δὲ τοῦ Φαρναβάζου τοὺσ παραπέμψοντασ εἰσ τὰ βασίλεια, φησὶ τὸν μὲν Ἀλκιβιάδην ὁρμῆσαι πρὸσ τὸν σατράπην τῆσ Παφλαγονίασ, ὅπωσ δι’ ἐκείνου ποιήσαιτο τὴν ἀνάβασιν· τὸν δὲ Φαρνάβαζον φοβηθέντα μὴ περὶ τούτων ἀκούσῃ τὴν ἀλήθειαν ὁ βασιλεύσ, ἐπαποστεῖλαι τοὺσ ἀνελοῦντασ κατὰ τὴν ὁδὸν τὸν Ἀλκιβιάδην. τοὺσ δὲ καταλαβόντασ αὐτὸν τῆσ Φρυγίασ ἔν τινι κώμῃ κατεσκηνωκότα νυκτὸσ περιθεῖναι ξύλων πλῆθοσ·

ἀναφθέντοσ οὖν πολλοῦ πυρὸσ τὸν Ἀλκιβιάδην ἐπιχειρῆσαι μὲν ἀμύνεσθαι, κρατηθέντα δὲ ὑπὸ τοῦ πυρὸσ καὶ τῶν εἰσ αὐτὸν ἀκοντιζόντων τελευτῆσαι. περὶ δὲ τὸν αὐτὸν χρόνον καὶ Δημόκριτοσ ὁ φιλόσοφοσ ἐτελεύτησε βιώσασ ἔτη ἐνενήκοντα.

Λασθένην δὲ τὸν Θηβαῖον τὸν νενικηκότα ταύτην τὴν Ὀλυμπιάδα λέγεται πρὸσ ἵππον ἀθλητὴν δραμόντα νικῆσαι· τὸν δὲ δρόμον ἀπὸ τῆσ Κορωνείασ μέχρι τῆσ Θηβαίων πόλεωσ γενέσθαι. κατὰ δὲ τὴν Ἰταλίαν Ῥωμαίων φρουρούντων Ἔρρουκαν πόλιν Οὐόλσκων ἐπελθόντεσ οἱ πολέμιοι τῆσ τε πόλεωσ ἐκράτησαν καὶ τῶν φρουρῶν τοὺσ πλείστουσ ἀνεῖλαν.

τῶν δὲ κατὰ τοῦτον τὸν ἐνιαυτὸν πράξεων τέλοσ ἐχουσῶν Ἀθήνησι μὲν ἦν ἄρχων Εὐκλείδησ, ἐν Ῥώμῃ δὲ τὴν ὑπατικὴν ἀρχὴν διεδέξαντο χιλίαρχοι τέσσαρεσ, Πόπλιοσ Κορνήλιοσ, Νουμέριοσ Φάβιοσ, Λεύκιοσ Οὐαλέριοσ.

τούτων δὲ τὴν ἀρχὴν παρειληφότων Βυζάντιοι πρὸσ μὲν ἀλλήλουσ στασιάζοντεσ, πρὸσ δὲ τοὺσ παροικοῦντασ Θρᾷκασ πόλεμον ἔχοντεσ, κακῶσ ἀπήλλαττον·

οὐ δυνάμενοι δὲ λύσιν πορίσασθαι τῆσ πρὸσ ἀλλήλουσ φιλονεικίασ, στρατηγὸν ᾐτήσαντο παρὰ Λακεδαιμονίων. ἐξέπεμψαν οὖν οἱ Σπαρτιᾶται Κλέαρχον καταστήσοντα τὰ κατὰ τὴν πόλιν· οὗτοσ δὲ πιστευθεὶσ περὶ τῶν ὅλων καὶ μισθοφόρουσ πολλοὺσ ἀθροίσασ, οὐκέτι προστάτησ ἦν, ἀλλὰ τύραννοσ.

καὶ τὸ μὲν πρῶτον τοὺσ ἄρχοντασ αὐτῶν ἐπί τινι θυσίᾳ καλέσασ ἀνεῖλε, μετὰ δὲ ταῦτα ἀναρχίασ οὔσησ ἐν τῇ πόλει, τριάκοντα μὲν τοὺσ ὀνομαζομένουσ Βυζαντίουσ συνήρπασε καὶ περιθεὶσ κάλων ἀπεστραγγάλισε· πάντων δὲ τῶν διαφθαρέντων τὰσ οὐσίασ σφετερισάμενοσ ἐπελέγετο καὶ τῶν ἄλλων τοὺσ εὐπόρουσ, καὶ ψευδεῖσ αἰτίασ ἐπιρρίπτων οὓσ μὲν ἀπέκτεινεν, οὓσ δ’ ἐφυγάδευσε. πολλῶν δὲ χρημάτων κυριεύσασ καὶ μισθοφόρων ἀθροίσασ πλῆθοσ τὰ κατὰ τὴν δυναστείαν ἠσφαλίσατο. διαβοηθείσησ δὲ τῆσ κατὰ τὸν τύραννον ὠμότητόσ τε καὶ δυνάμεωσ, Λακεδαιμόνιοι τὸ μὲν πρῶτον ἀπέστειλαν πρὸσ αὐτὸν πρέσβεισ τοὺσ πείσοντασ ἀποθέσθαι τὴν δυναστείαν·

οὐ προσέχοντοσ δὲ τοῖσ ἀξιουμένοισ ἔπεμψαν δύναμιν ἐπ’ αὐτὸν καὶ στρατηγὸν Πανθοίδαν. οὗ τὴν ἔφοδον αἰσθόμενοσ ὁ Κλέαρχοσ εἰσ Σηλυμβρίαν μετήγαγε τὴν δύναμιν, κύριοσ ὢν καὶ ταύτησ τῆσ πόλεωσ·

πολλὰ γὰρ εἰσ τοὺσ Βυζαντίουσ ἡμαρτηκὼσ ὑπελάμβανεν οὐ μόνον τοὺσ Λακεδαιμονίουσ, ἀλλὰ καὶ τοὺσ ἐν τῇ πόλει πολεμίουσ ἕξειν. διόπερ ἐκ Σηλυμβρίασ κρίνασ ἀσφαλέστερον διαπολεμήσειν, τά τε χρήματα καὶ τὴν δύναμιν μετέστησεν.

ὡσ δ’ ἐπύθετο τοὺσ Λακεδαιμονίουσ ἐγγὺσ ὄντασ, ἀπήντησεν αὐτοῖσ, καὶ περὶ τὸν καλούμενον πόρον συνῆψε μάχην τοῖσ περὶ τὸν Πανθοίδαν. γενομένου δ’ ἐπὶ πολὺν χρόνον τοῦ κινδύνου, καὶ λαμπρῶσ ἀγωνισαμένων τῶν Λακεδαιμονίων, οἱ τοῦ τυράννου διεφθάρησαν.

ὁ δὲ Κλέαρχοσ τὸ μὲν πρῶτον μετ’ ὀλίγων συγκλεισθεὶσ εἰσ Σηλυμβρίαν ἐπολιορκεῖτο· μετὰ δὲ ταῦτα φοβηθεὶσ διέδρα νυκτὸσ καὶ διέπλευσεν εἰσ τὴν Ιὠνίαν· ἐκεῖ δ’ εἰσ συνήθειαν ἐλθὼν Κύρῳ τῷ τοῦ βασιλέωσ ἀδελφῷ δυνάμεων ἀφηγήσατο. ὁ γὰρ Κῦροσ, ἄρχων ἀποδεδειγμένοσ τῶν ἐπὶ θαλάττῃ σατραπειῶν καὶ φρονήματοσ πλήρησ ὤν, διενοεῖτο στρατεύειν ἐπὶ τὸν ἀδελφὸν Ἀρταξέρξην.

ὁρῶν οὖν τὸν Κλέαρχον τόλμαν ἔχοντα καὶ θράσοσ πρόχειρον, ἔδωκεν αὐτῷ χρήματα καὶ προσέταξεν ὡσ πλείστουσ ξενολογεῖν, νομίζων εὔθετον ἕξειν συναγωνιστὴν τοῖσ ὑπ’ αὐτοῦ τολμωμένοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 11

(디오도로스 시켈로스, Library, book xiv, chapter 11)

상위

목록

SEARCH

MENU NAVIGATION