헬라어 문장 검색 - Διοδορ́Λιβραρψ́7́06́

(디오도로스 시켈로스, Library, book xiv, chapter 7)

κατὰ δὲ τὴν Σικελίαν Διονύσιοσ ὁ τῶν Σικελῶν τύραννοσ ἐπειδὴ πρὸσ Καρχηδονίουσ εἰρήνην ἐποιήσατο, περὶ τὴν ἀσφάλειαν τῆσ τυραννίδοσ διενοεῖτο μᾶλλον γίνεσθαι· ὑπελάμβανε γὰρ τοὺσ Συρακοσίουσ ἀπολελυμένουσ τοῦ πολέμου σχολὴν ἕξειν εἰσ τὸ τὴν ἐλευθερίαν ἀνακτήσασθαι. θεωρῶν δὲ τῆσ πόλεωσ τὴν Νῆσον ὀχυρωτάτην οὖσαν καὶ δυναμένην ῥᾳδίωσ φυλάττεσθαι, ταύτην μὲν διῳκοδόμησεν ἀπὸ τῆσ ἄλλησ πόλεωσ τείχει πολυτελεῖ, καὶ πύργουσ ὑψηλοὺσ καὶ πυκνοὺσ ἐνῳκοδόμησε, καὶ πρὸ αὐτῆσ χρηματιστήρια καὶ στοὰσ δυναμένασ ὄχλων ἐπιδέχεσθαι πλῆθοσ.

ᾠκοδόμησε δ’ ἐν αὐτῇ πολυτελῶσ ὠχυρωμένην ἀκρόπολιν πρὸσ τὰσ αἰφνιδίουσ καταφυγάσ, καὶ συμπεριέλαβε τῷ ταύτησ τείχει τὰ πρὸσ τῷ μικρῷ λιμένι τῷ Λακκίῳ καλουμένῳ νεώρια·

ταῦτα δ’ ἑξήκοντα τριήρεισ χωροῦντα πύλην εἶχε κλειομένην, δι’ ἧσ κατὰ μίαν τῶν νεῶν εἰσπλεῖν συνέβαινεν. τῆσ δὲ χώρασ τὴν μὲν ἀρίστην ἐξελόμενοσ ἐδωρήσατο τοῖσ τε φίλοισ καὶ τοῖσ ἐφ’ ἡγεμονίασ τεταγμένοισ, τὴν δ’ ἄλλην ἐμέρισεν ἐπ’ ἴσησ ξένῳ τε καὶ πολίτῃ, συμπεριλαβὼν τῷ τῶν πολιτῶν ὀνόματι τοὺσ ἠλευθερωμένουσ δούλουσ, οὓσ ἐκάλει νεοπολίτασ.

διέδωκε δὲ καὶ τὰσ οἰκίασ τοῖσ ὄχλοισ πλὴν τῶν ἐν τῇ Νήσῳ·

ταύτασ δὲ τοῖσ φίλοισ καὶ τοῖσ μισθοφόροισ ἐδωρήσατο. ἐπεὶ δὲ τὰ κατὰ τὴν τυραννίδα καλῶσ ἐδόκει διῳκηκέναι, τὴν δύναμιν ἐξήγαγεν ἐπὶ τοὺσ Σικελούσ, πάντασ μὲν σπεύδων τοὺσ αὐτονόμουσ ὑφ’ ἑαυτὸν ποιήσασθαι, μάλιστα δὲ τούτουσ διὰ τὸ συμμαχῆσαι πρότερον Καρχηδονίοισ. οὗτοσ μὲν οὖν ἐπὶ τὴν τῶν Ἑρβησσίνων πόλιν στρατεύσασ τὰ πρὸσ τὴν πολιορκίαν παρεσκευάζετο.

οἱ δὲ συστρατευόμενοι Συρακόσιοι κύριοι τῶν ὅπλων ὄντεσ συστάσεισ ἐποιοῦντο καὶ κατηγόρουν ἀλλήλων, ὅτι τοῖσ ἱππεῦσιν οὐ συνεπελάβοντο τῆσ καταλύσεωσ τῆσ τοῦ τυράννου. ὁ δὲ καθεσταμένοσ ὑπὸ τοῦ Διονυσίου τῶν στρατιωτῶν ἡγεμὼν τὸ μὲν πρῶτον ἠπείλησέ τινι τῶν παρρησιαζομένων, ἀντειπόντοσ δ’ ἐκείνου θρασέωσ ἐπῆλθεν ὡσ πατάξων. ἐφ’ ᾧ παροξυνθέντεσ οἱ στρατιῶται τὸν μὲν ἔπαρχον ὄνομα Δωρικὸν ἀπέκτειναν, τοὺσ δὲ πολίτασ βοῶντεσ ἐπὶ τὴν ἐλευθερίαν μετεπέμποντο τοὺσ ἐκ τῆσ Αἴτνησ ἱππεῖσ·

οὗτοι γὰρ ἐν ἀρχῇ τῆσ τυραννίδοσ ἐκπεπτωκότεσ ᾤκουν τοῦτο τὸ φρούριον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 7

(디오도로스 시켈로스, Library, book xiv, chapter 7)

상위

목록

SEARCH

MENU NAVIGATION