헬라어 문장 검색 - Διοδορ́Λιβραρψ́7́03́

(디오도로스 시켈로스, Library, book xiv, chapter 2)

παρὰ μὲν γὰρ Ἀθηναίοισ τριάκοντα τύραννοι γενόμενοι διὰ τὴν ἰδίαν πλεονεξίαν τήν τε πατρίδα μεγάλοισ ἀτυχήμασι περιέβαλον καὶ αὐτοὶ ταχὺ τὴν δύναμιν ἀποβαλόντεσ ἀθάνατον ἑαυτῶν ὄνειδοσ καταλελοίπασι, Λακεδαιμόνιοι δὲ περιποιησάμενοι τὴν τῆσ Ἑλλάδοσ ἀρχὴν ἀναμφισβήτητον, τότε ταύτησ ἐστερήθησαν, ὅτε πράξεισ ἀδίκουσ κατὰ τῶν συμμάχων ἐπιτελεῖν ἐπεχείρησαν· αἱ γὰρ τῶν ἡγεμόνων ὑπεροχαὶ τηροῦνται μὲν εὐνοίᾳ καὶ δικαιοσύνῃ, καταλύονται δὲ ἀδικήμασι καὶ μίσει τῶν ὑποτεταγμένων. παραπλησίωσ δὲ καὶ Διονύσιοσ ὁ Συρακοσίων τύραννοσ, καίπερ εὐτυχέστατοσ τῶν δυναστῶν γεγονώσ, ζῶν μὲν οὐ διέλιπεν ἐπιβουλευόμενοσ, καὶ διὰ τὸν φόβον ἠναγκάζετο φέρειν ὑπὸ τὸν χιτῶνα σιδηροῦν θώρακα, τελευτήσασ δὲ μέγιστον εἰσ βλασφημίασ παράδειγμα καταλέλοιπε τὸν ἑαυτοῦ βίον εἰσ ἅπαντα τὸν αἰῶνα.

ἀλλὰ περὶ μὲν τούτων ἐν τοῖσ οἰκείοισ χρόνοισ ἕκαστον ἀναγράψομεν σαφέστερον, νῦν δ’ ἐπὶ τὰ συνεχῆ τοῖσ προϊστορημένοισ τρεψόμεθα, τοὺσ χρόνουσ μόνον διορίζοντεσ.

ἐν μὲν γὰρ ταῖσ πρὸ ταύτησ βίβλοισ ἀνεγράψαμεν τὰσ ἀπὸ Τροίασ ἁλώσεωσ πράξεισ ἑώσ ἐπὶ τὴν κατάλυσιν τοῦ τε Πελοποννησιακοῦ πολέμου καὶ τῆσ Ἀθηναίων ἡγεμονίασ, διελθόντεσ ἔτη ἑπτακόσια ἑβδομήκοντα ἐννέα·

ἐν ταύτῃ δὲ τὰσ συνεχεῖσ πράξεισ προσαναπληροῦντεσ ἀρξόμεθα ἐκ τῶν κατασταθέντων Ἀθήνησι τριάκοντα τυράννων, καταλήξομεν δὲ ἐπὶ τὴν Ῥώμησ ἅλωσιν ὑπὸ Γαλατῶν, περιλαβόντεσ ἔτη δέκα ὀκτώ. ἀναρχίασ γὰρ οὔσησ Ἀθήνησι διὰ τὴν κατάλυσιν τῆσ ἡγεμονίασ, ἔτοσ μὲν ἦν ὀγδοηκοστὸν πρὸσ τοῖσ ἑπτακοσίοισ μετὰ τὴν Τροίασ ἅλωσιν, ἐν δὲ τῇ Ῥώμῃ χιλίαρχοι διεδέξαντο τὴν ὕπατον ἀρχὴν τέτταρεσ, Γάιοσ Φολούιοσ καὶ Γάιοσ Σερουίλιοσ καὶ Γάιοσ Οὐαλέριοσ καὶ Νουμέριοσ Φάβιοσ, ἤχθη δὲ Ὀλυμπιὰσ κατὰ τοῦτον τὸν ἐνιαυτὸν τετάρτη πρὸσ ταῖσ ἐνενήκοντα, καθ’ ἣν ἐνίκα Κορκίνασ Λαρισαῖοσ.

κατὰ δὲ τούτουσ τοὺσ χρόνουσ Ἀθηναῖοι μὲν καταπεπονημένοι ἐποιήσαντο συνθήκασ πρὸσ Λακεδαιμονίουσ, καθ’ ἃσ ἔδει τὰ τείχη τῆσ πόλεωσ καθελεῖν καὶ τῇ πατρίῳ πολιτείᾳ χρῆσθαι.

καὶ τὰ μὲν τείχη περιεῖλον, περὶ δὲ τῆσ πολιτείασ πρὸσ ἀλλήλουσ διεφέροντο. οἱ γὰρ τῆσ ὀλιγαρχίασ ὀρεγόμενοι τὴν παλαιὰν κατάστασιν ἔφασαν δεῖν ἀνανεοῦσθαι, καθ’ ἣν παντελῶσ ὀλίγοι τῶν ὅλων προειστήκεισαν·

οἱ δὲ πλεῖστοι δημοκρατίασ ὄντεσ ἐπιθυμηταὶ τὴν τῶν πατέρων πολιτείαν προεφέροντο, καὶ ταύτην ἀπέφηναν ὁμολογουμένωσ οὖσαν δημοκρατίαν. ἀντιλογίασ δὲ γενομένησ περὶ τούτων ἐπί τινασ ἡμέρασ, οἱ τὰσ ὀλιγαρχίασ αἱρούμενοι πρὸσ Λύσανδρον διεπρεσβεύσαντο τὸν Σπαρτιάτην ‐ οὗτοσ γὰρ καταλυθέντοσ τοῦ πολέμου τὰ κατὰ τὰσ πόλεισ ἀπέσταλτο διοικῆσαι, καὶ ὀλιγαρχίαι ἐν ταῖσ πλείσταισ καθίσταντο ‐ ἐλπίζοντεσ ὅπερ ἦν εἰκόσ, συνεπιλήψεσθαι τῆσ ἐπιβολῆσ αὐτοῖσ.

διέπλευσαν οὖν εἰσ Σάμον· ἐκεῖ γὰρ ἐτύγχανε διατρίβων ὁ Λύσανδροσ, προσφάτωσ κατειληφὼσ τὴν πόλιν. παρακαλούντων δὲ αὐτὸν πρὸσ τὸ συνεργῆσαι συνεπένευσε, καὶ τῆσ μὲν Σάμου Θώρακα τὸν Σπαρτιάτην ἁρμοστὴν κατέστησεν, αὐτὸσ δὲ μετὰ νεῶν ἑκατὸν κατέπλευσεν εἰσ τὸν Πειραιέα.

συναγαγὼν δ’ ἐκκλησίαν συνεβούλευσε τοῖσ Ἀθηναίοισ ἑλέσθαι τριάκοντα ἄνδρασ τοὺσ ἀφηγησομένουσ τῆσ πολιτείασ καὶ πάντα διοικήσοντασ τὰ κατὰ τὴν πόλιν. ἀντειπόντοσ δὲ τοῦ Θηραμένουσ καὶ τὰσ συνθήκασ ἀναγινώσκοντοσ, ὅτι τῇ πατρίῳ συνεφώνησε χρήσεσθαι πολιτείᾳ, καὶ δεινὸν εἶναι λέγοντοσ, εἰ παρὰ τοὺσ ὁρ́κουσ ἀφαιρεθήσονται τὴν ἐλευθερίαν, ὁ Λύσανδροσ ἔφη λελύσθαι τὰσ συνθήκασ ὑπὸ Ἀθηναίων·

ὕστερον γὰρ τῶν συγκειμένων ἡμερῶν καθῃρηκέναι τὰ τείχη. ἀνετείνατο δὲ καὶ τῷ Θηραμένει τὰσ μεγίστασ ἀπειλάσ, ἀποκτενεῖν φήσασ, εἰ μὴ παύσεται Λακεδαιμονίοισ ἐναντιούμενοσ. διόπερ ὅ τε Θηραμένησ καὶ ὁ δῆμοσ καταπλαγεὶσ ἠναγκάζετο χειροτονίᾳ καταλῦσαι τὴν δημοκρατίαν.

ᾑρέθησαν οὖν τριάκοντα ἄνδρεσ οἱ διοικήσοντεσ τὰ κοινὰ τῆσ πόλεωσ, ἁρμόζοντεσ μὲν τῷ λόγῳ, τύραννοι δὲ τοῖσ πράγμασιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 2

(디오도로스 시켈로스, Library, book xiv, chapter 2)

상위

목록

SEARCH

MENU NAVIGATION