헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 59)

εὐθὺσ οὖν παραγγείλασ τοῖσ περὶ αὐτὸν ἀναζευγνύειν προῆγεν ἐκ Καππαδοκίασ, ἔχων ἱππεῖσ μὲν περὶ πεντακοσίουσ, πεζοὺσ δὲ πλείουσ τῶν δισχιλίων· οὐ γὰρ ἔσχεν ἀναστροφὴν προσδέξασθαι τοὺσ ἀφυστεροῦντασ τῶν ἐπηγγελμένων συστρατεύσεσθαι διὰ τὸ προσάγειν παρ’ Ἀντιγόνου δύναμιν ἀξιόλογον καὶ στρατηγοὺσ τοὺσ περὶ Μένανδρον, κωλύσοντασ αὐτὸν ἐνδιατρίβειν τῇ Καππαδοκίᾳ, πολέμιον γενόμενον τοῖσ περὶ Ἀντίγονον. ἀλλὰ γὰρ ἡ δύναμισ αὕτη τρισὶν ὕστερον ἡμέραισ παραγενομένη καὶ τῶν καιρῶν ὑστεροῦσα ἐπεβάλετο μὲν διώκειν τοὺσ μετ’ Εὐμενοῦσ προάγοντασ, οὐ δυναμένη δὲ καταλαβεῖν ἐπανῆλθεν εἰσ Καππαδοκίαν.

ὁ δ’ Εὐμενὴσ συντόνουσ τὰσ ὁδοιπορίασ ποιησάμενοσ καὶ ταχὺ τὸν Ταῦρον ὑπερβαλὼν ἧκεν εἰσ τὴν Κιλικίαν.

οἱ δὲ τῶν ἀργυρασπίδων ἡγεμόνεσ Ἀντιγένησ καὶ Τεύταμοσ, πειθαρχοῦντεσ ταῖσ παρὰ τῶν βασιλέων ἐπιστολαῖσ, ἀπάντησιν ἐποιήσαντο τῷ Εὐμενεῖ μετὰ τῶν φίλων ἐκ πολλοῦ διαστήματοσ. ἀσπασάμενοι δὲ φιλοφρόνωσ καὶ συγχαρέντεσ ἐπὶ τῷ διασεσῶσθαι παραδόξωσ αὐτὸν ἐκ τῶν μεγίστων κινδύνων ἐπηγγέλλοντο πάντα συμπράξειν αὐτῷ προθύμωσ· οἵ τε ἀργυράσπιδεσ Μακεδόνεσ, ὄντεσ περὶ τρισχιλίουσ, ὁμοίωσ ἀπήντησαν μετὰ φιλοφροσύνησ τε καὶ ὁρμῆσ. πάντεσ δ’ ἐθαύμαζον τὸ τῆσ τύχησ εὐμετάβολον καὶ παράδοξον, ὁρῶντεσ τούσ τε βασιλεῖσ καὶ τοὺσ Μακεδόνασ ὀλίγῳ μὲν χρόνῳ πρότερον κατεγνωκότασ Εὐμενοῦσ καὶ τῶν φίλων αὐτοῦ θάνατον, τότε δὲ ἐπιλαθομένουσ τῆσ ἰδίασ κρίσεωσ μὴ μόνον ἀθῷον ἀφεικότασ τῆσ τιμωρίασ, ἀλλὰ καὶ πάσησ τῆσ βασιλείασ τὴν ἡγεμονίαν αὐτῷ παραδεδωκότασ.

καὶ τοῦτ’ εὐλόγωσ ἔπασχον ἅπαντεσ οἱ τότε τὰσ Εὐμενοῦσ ἐπισκοπούμενοι περιπετείασ.

τίσ γὰρ οὐκ ἂν λαβὼν ἔννοιαν τῆσ κατὰ τὸν ἀνθρώπινον βίον ἀνωμαλίασ καταπλαγείη τὴν ἐπ’ ἀμφότερα τὰ μέρη τῆσ τύχησ παλίρροιαν; ἢ τίσ ἂν ταῖσ κατὰ τὴν εὐτυχίαν ἐξουσίαισ πιστεύσασ ἀναλάβοι φρόνημα μεῖζον τῆσ ἀνθρωπίνησ ἀσθενείασ; ὁ γὰρ κοινὸσ βίοσ ὥσπερ ὑπὸ θεῶν τινοσ οἰακιζόμενοσ ἐναλλὰξ ἀγαθοῖσ τε καὶ κακοῖσ κυκλεῖται πάντα τὸν αἰῶνα.

διόπερ παράδοξόν ἐστιν οὐκ εἰ γέγονέν τι παράλογον, ἀλλ’ εἰ μὴ πᾶν ἐστι τὸ γινόμενον ἀνέλπιστον. διὸ καὶ τὴν ἱστορίαν προσηκόντωσ ἄν τισ ἀποδέξαιτο· τῇ γὰρ τῶν πράξεων ἀνωμαλίᾳ καὶ μεταβολῇ διορθοῦται τῶν μὲν εὐτυχούντων τὴν ὑπερηφανίαν, τῶν δ’ ἀκληρούντων τὴν ἀτυχίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 59

(디오도로스 시켈로스, Bibliotheca Historica, Books XVIII-XX, book 18, chapter 59)

상위

목록

SEARCH

MENU NAVIGATION