헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 36)

ἀπολομένων δὲ πλειόνων ἢ δισχιλίων, ἐν οἷσ καὶ τῶν ἐπιφανῶν τινεσ ἡγεμόνων ὑπῆρχον, ἀλλοτρίωσ τὸ πλῆθοσ ἔσχε πρὸσ τὸν Περδίκκαν. ὁ δὲ Πτολεμαῖοσ τὰ σώματα τῶν πρὸσ αὐτὸν ἐκπεσόντων καύσασ καὶ τῆσ ἁρμοζούσησ κηδείασ ἀξιώσασ ἀπέστειλε τὰ ὀστᾶ πρὸσ τοὺσ οἰκείουσ τε καὶ φίλουσ τῶν τετελευτηκότων. τούτων δὲ πραχθέντων οἱ παρὰ τῷ Περδίκκᾳ Μακεδόνεσ πρὸσ μὲν τοῦτον πολλῷ μᾶλλον ἀπεθηριώθησαν, πρὸσ δὲ τὸν Πτολεμαῖον ἀπέκλιναν ταῖσ εὐνοίαισ.

ἐπιγενομένησ δὲ νυκτὸσ πλήρησ ἦν ἡ παρεμβολὴ κλαυθμοῦ καὶ πένθουσ, τοσούτων μὲν ἀνδρῶν ἀλόγωσ ἀπολωλότων ἄνευ πολεμίασ πληγῆσ καὶ τούτων οὐκ ἐλαττόνων ἢ χιλίων θηριοβρώτων γεγονότων.

πολλοὶ μὲν οὖν τῶν ἡγεμόνων συνίσταντο καὶ κατηγόρουν τοῦ Περδίκκου, πᾶσα δ’ ἡ φάλαγξ τῶν πεζῶν ἀπαλλοτριωθεῖσα φανερὰν διὰ τῆσ ἀπειλούσησ φωνῆσ τὴν ἰδίαν κατεσκεύασεν ἀλλοτριότητα.

διόπερ πρῶτοι τῶν ἡγεμόνων ἀπέστησαν ὡσ ἑκατόν, ὧν ἦν ἐπιφανέστατοσ Πίθων ὁ τοὺσ ἀποστάντασ Ἕλληνασ καταπολεμήσασ, οὐδενὸσ δὲ τῶν Ἀλεξάνδρου λειπόμενοσ φίλων ἀρετῇ τε καὶ δόξῃ·

μετὰ δὲ ταῦτα καὶ τῶν ἱππέων τινὲσ συμφρονήσαντεσ ἐπὶ τὴν σκηνὴν τοῦ Περδίκκου κατήντησαν καὶ προσπεσόντεσ ἀθρόοι κατέσφαξαν τὸν Περδίκκαν. τῇ δ’ ὑστεραίᾳ γενομένησ ἐκκλησίασ ὁ Πτολεμαῖοσ καταβὰσ καὶ τοὺσ Μακεδόνασ ἀσπασάμενοσ περί τε τῶν καθ’ αὑτὸν ἀπελογήσατο καὶ τῶν ἐπιτηδείων ἐκλελοιπότων ἐχορήγησε σῖτόν τε δαψιλῆ ταῖσ δυνάμεσι καὶ τῶν ἄλλων ἐπιτηδείων ἐπλήρωσε τὴν παρεμβολήν.

μεγάλησ δὲ τυγχάνων ἀποδοχῆσ καὶ δυνάμενοσ παραλαβεῖν τὴν ἐπιμέλειαν τῶν βασιλέων διὰ τὴν τοῦ πλήθουσ εὔνοιαν τούτου μὲν οὐκ ὠρέχθη, τῷ δὲ Πίθωνι καὶ Ἀρριδαίῳ χάριτασ ὀφείλων συγκατεσκεύασε τὴν τῶν ὅλων ἡγεμονίαν· οἱ γὰρ Μακεδόνεσ βουλῆσ προτεθείσησ περὶ τῆσ ἡγεμονίασ καὶ συμβουλεύσαντοσ Πτολεμαίου πάντεσ προθύμωσ εἵλαντο τῶν βασιλέων ἐπιμελητὰσ αὐτοκράτορασ Πίθωνα καὶ Ἀρριδαῖον τὸν τὸ σῶμα τοῦ βασιλέωσ κατακομίσαντα.

Περδίκκασ μὲν οὖν ἄρξασ ἔτη τρία τοῦτον τὸν τρόπον ἀπέβαλε τὴν ἡγεμονίαν ἅμα καὶ τὴν ψυχήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 36

(디오도로스 시켈로스, Bibliotheca Historica, Books XVIII-XX, book 18, chapter 36)

상위

목록

SEARCH

MENU NAVIGATION