헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 34)

μεσοπορούντων δ’ αὐτῶν ἐπεφάνησαν οἱ περὶ τὸν Πτολεμαῖον δρόμῳ προσιόντεσ πρὸσ τὴν τοῦ πολίσματοσ ἐπικουρίαν. φθασάντων δ’ αὐτῶν καὶ παρεισπεσόντων εἰσ τὸ χωρίον καὶ διά τε τῶν σαλπίγγων καὶ βοῆσ φανερὰν ποιησάντων τὴν ἑαυτῶν παρουσίαν οἱ μὲν περὶ τὸν Περδίκκαν οὐ κατεπλάγησαν, ἀλλὰ τολμηρῶσ προσῆγον τοῖσ τειχίσμασιν. εὐθὺ δ’ οἱ μὲν ὑπασπισταὶ προσθέμενοι τὰσ κλίμακασ ἀνέβαινον, οἱ δ’ ἐπὶ τῶν ἐλεφάντων τὸν χάρακα διέσπων καὶ τὰσ ἐπάλξεισ ἐρρίπτουν.

ὁ δὲ Πτολεμαῖοσ ἔχων περὶ αὐτὸν τοὺσ ἀρίστουσ καὶ βουλόμενοσ προτρέψασθαι τοὺσ ἄλλουσ ἡγεμόνασ καὶ φίλουσ προσιέναι τοῖσ δεινοῖσ αὐτὸσ ἀναλαβὼν τὴν σάρισαν καὶ στὰσ ἐπ’ ἄκρου τοῦ προτειχίσματοσ τὸν μὲν ἡγούμενον τῶν ἐλεφάντων ἐξετύφλωσεν, ὑπερδέξιον ἔχων τὴν στάσιν, τὸν δὲ ἐπικαθήμενον Ἰνδὸν τραυματίαν ἐποίησεν, τοὺσ δὲ διὰ τῆσ κλίμακοσ ἀναβαίνοντασ καταπεφρονηκότωσ τύπτων καὶ κατατραυματίζων περιεκύλισεν εἰσ τὸν ποταμὸν μετὰ τῶν ὅπλων. ἀκολούθωσ δὲ τούτῳ καὶ τῶν φίλων τοῦ Πτολεμαίου διαγωνιζομένων τὸ μὲν ἐχόμενον θηρίον κατακοντισθέντοσ τοῦ κυβερνῶντοσ αὐτὸ Ἰνδοῦ παντελῶσ ἄχρηστον ἐγένετο.

ἐπὶ πολὺν δὲ χρόνον τῆσ τειχομαχίασ συνεστώσησ οἱ μὲν περὶ τὸν Περδίκκαν ἐκ διαδοχῆσ προσβάλλοντεσ πᾶσαν σπουδὴν εἰσεφέροντο κατὰ κράτοσ ἑλεῖν τὸ χωρίον, ὁ δὲ Πτολεμαῖοσ, αὐτὸσ ἀριστεύων καὶ τοὺσ φίλουσ παρακαλῶν ἐνδείξασθαι τὴν εὔνοιαν ἅμα καὶ τὴν ἀρετήν, ἡρωικοὺσ ἀγῶνασ συνεστήσατο.

πολλῶν δ’ ἀπολλυμένων παρ’ ἀμφοτέροισ διὰ τὴν ὑπερβολὴν τῆσ τῶν ἡγεμόνων φιλοτιμίασ καὶ τῶν περὶ τὸν Πτολεμαῖον ταῖσ ὑπεροχαῖσ τῶν τόπων πλεονεκτούντων, τῶν δὲ περὶ τὸν Περδίκκαν τοῖσ πλήθεσιν ὑπερεχόντων, τὸ τελευταῖον ἀμφοτέρων διημερευσάντων ἐν τοῖσ κινδύνοισ ὁ μὲν Περδίκκασ λύσασ τὴν πολιορκίαν ἐπανῆλθεν εἰσ τὴν ἰδίαν στρατοπεδείαν.

νυκτὸσ δ’ ἀναζεύξασ λαθραίαν ἐποιεῖτο τὴν πορείαν καὶ κατήντησεν εἰσ τὸν ἀπέναντι τόπον τῆσ Μέμφεωσ, πρὸσ ᾗ συμβαίνει σχίζεσθαι τὸν Νεῖλον καὶ ποιεῖν νῆσον δυναμένην ἀσφαλῶσ δέξασθαι στρατοπεδείαν τε καὶ δύναμιν τὴν μεγίστην.

εἰσ ταύτην οὖν διεβίβαζε τὴν δύναμιν ἐπιπόνωσ τῶν στρατιωτῶν περαιουμένων διὰ τὸ βάθοσ τοῦ ποταμοῦ·

μέχρι γὰρ τοῦ γενείου τὸ ῥεῦμα προσπῖπτον ἐσάλευε τὰ σώματα τῶν διαβαινόντων, ἅτε καὶ τῶν ὅπλων ἐμποδιζόντων τοὺσ ἄνδρασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 34

(디오도로스 시켈로스, Bibliotheca Historica, Books XVIII-XX, book 18, chapter 34)

상위

목록

SEARCH

MENU NAVIGATION