헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 22)

Περδίκκασ δὲ καὶ ὁ βασιλεὺσ Φίλιπποσ καταπεπολεμηκότεσ Ἀριαράθην καὶ τὴν σατραπείαν αὐτοῦ Εὐμενεῖ παραδόντεσ ἐχωρίσθησαν ἐκ τῆσ Καππαδοκίασ. καταντήσαντεσ δὲ εἰσ τὴν Πισιδικὴν ἔκριναν ἀναστάτουσ ποιῆσαι δύο πόλεισ, τήν τε τῶν Λαρανδέων καὶ τὴν τῶν Ἰσαυρέων· αὗται γὰρ ἔτι ζῶντοσ Ἀλεξάνδρου Βάλακρον τὸν Νικάνοροσ ἀπέκτειναν, ἀποδεδειγμένον στρατηγὸν ἅμα καὶ σατράπην. τὴν μὲν οὖν τῶν Λαρανδέων πόλιν ἐξ ἐφόδου χειρωσάμενοι καὶ τοὺσ ἡβῶντασ κατασφάξαντεσ, τοὺσ δ’ ἄλλουσ ἐξανδραποδισάμενοι κατέσκαψαν·

τὴν δὲ τῶν Ἰσαυρέων, οὖσαν ὀχυρὰν καὶ μεγάλην, ἔτι δὲ πλήθουσαν ἀλκίμων ἀνδρῶν, ἐπὶ μὲν ἡμέραισ δύο πολιορκήσαντεσ ἐνεργῶσ καὶ πολλοὺσ τῶν ἰδίων ἀποβαλόντεσ ἀνεχώρησαν· οἱ γὰρ ἐγχώριοι βελῶν καὶ τῶν ἄλλων τῶν πρὸσ πολιορκίαν ἀνηκόντων εὐποροῦντεσ, ἔτι δὲ ταῖσ ψυχαῖσ ὑπομένοντεσ τὸ δεινὸν παραστατικῶσ ἑτοίμωσ ὑπὲρ τῆσ ἐλευθερίασ ἀπέθνησκον.

τῇ δὲ τρίτῃ πολλῶν μὲν ἀνῃρημένων, τῶν δὲ τειχῶν ἐλλειπεῖσ ἐχόντων τὰσ φυλακὰσ διὰ τὴν σπάνιν τῶν ἀνδρῶν ἐπετελέσαντο πρᾶξιν οἱ κατὰ τὴν πόλιν ἡρωικὴν καὶ μνήμησ ἀξίαν.

ὁρῶντεσ γὰρ ἀπαραίτητον οὖσαν τὴν κατ’ αὐτῶν τιμωρίαν καὶ δύναμιν οὐκ ἔχοντεσ ἀξιόχρεων τὴν ἀμυνομένην τὸ μὲν ἐγχειρίσαι τὴν πόλιν καὶ τὰ κατ’ αὐτοὺσ ἐπιτρέψαι τοῖσ πολεμίοισ οὐκ ἔκριναν, ἐμφανοῦσ οὔσησ τῆσ μεθ’ ὕβρεωσ τιμωρίασ, νυκτὸσ δ’ ὁμοθυμαδὸν πρὸσ τὸν εὐγενῆ θάνατον ὁρμήσαντεσ τέκνα μὲν καὶ γυναῖκασ καὶ γονεῖσ εἰσ τὰσ οἰκίασ ἐγκλείσαντεσ ἐνέπρησαν, κοινὸν θάνατον καὶ τάφον διὰ τοῦ πυρὸσ ἑλόμενοι. τῆσ δὲ φλογὸσ ἄφνω πρὸσ ὕψοσ αἰρομένησ οἱ μὲν Ἰσαυρεῖσ τὰ κτήματα καὶ πάντα τὰ δυνάμενα τοῖσ κρατοῦσιν ὠφελείασ παρέχεσθαι τῷ πυρὶ παρέβαλον, οἱ δὲ περὶ τὸν Περδίκκαν θαυμάσαντεσ τὸ γινόμενον περιέστησαν τὴν δύναμιν καὶ κατὰ πάντα τόπον ἐβιάζοντο παρεισπεσεῖν εἰσ τὴν πόλιν.

τῶν δ’ ἐγχωρίων ἀπὸ τῶν τειχῶν ἀμυνομένων καὶ πολλοὺσ τῶν Μακεδόνων καταβαλλόντων ἔτι μᾶλλον ὁ Περδίκκασ καταπληττόμενοσ ἐζήτει τὴν αἰτίαν δι’ ἣν οἱ τὰσ οἰκίασ καὶ τὰ λοιπὰ πάντα τῷ πυρὶ παραδεδωκότεσ φιλοτίμωσ τὰ τείχη φυλάττουσι.

τέλοσ δὲ τοῦ Περδίκκου καὶ τῶν Μακεδόνων ἀπὸ τῆσ πόλεωσ ἀποχωρησάντων οἱ Ἰσαυρεῖσ εἰσ τὸ πῦρ ἑαυτοὺσ ῥίψαντεσ ἐν ταῖσ οἰκίαισ συνετάφησαν τοῖσ οἰκείοισ.

Περδίκκασ δὲ νυκτὸσ διελθούσησ ἔδωκε τοῖσ στρατιώταισ τὴν πόλιν εἰσ διαρπαγήν.

οὗτοι δὲ τὴν φλόγα κατασβέσαντεσ πολὺν ἄργυρόν τε καὶ χρυσόν εὑρ͂ον, ὡσ ἂν πόλεωσ γεγενημένησ εὐδαίμονοσ ἐκ πολλῶν χρόνων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 22

(디오도로스 시켈로스, Bibliotheca Historica, Books XVIII-XX, book 18, chapter 22)

상위

목록

SEARCH

MENU NAVIGATION