헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 17)

ἱππεῖσ δὲ πεντακισχίλιοι. οἱ δὲ Ἕλληνεσ κατὰ τοῦτον τὸν καιρὸν ἀντεστρατοπέδευσαν πολὺ τοῖσ πλήθεσι λειπόμενοι· πολλοὶ γὰρ αὐτῶν διὰ τὰσ προγεγενημένασ εὐημερίασ καταφρονοῦντεσ τῶν πολεμίων εἰσ τὰσ πατρίδασ ἦσαν ἀπεληλυθότεσ πρὸσ τὴν τῶν ἰδίων ἐπίσκεψιν. δι’ ἃσ αἰτίασ τῶν στρατιωτῶν ἀτακτούντων ὑπολοίπουσ εἶχον ἐν τῇ παρεμβολῇ πεζοὺσ μὲν δισμυρίουσ καὶ πεντακισχιλίουσ, ἱππεῖσ δὲ τρισχιλίουσ καὶ πεντακοσίουσ, ἐν οἷσ μάλιστα εἶχον τὰσ τῆσ νίκησ ἐλπίδασ διά τε τὰσ τῶν ἀνδρῶν ἀρετὰσ καὶ διὰ τὸ πεδινὴν ὑποκεῖσθαι χώραν.

τέλοσ δὲ τῶν περὶ Ἀντίπατρον καθ’ ἡμέραν προαγόντων τὰσ δυνάμεισ καὶ προκαλουμένων εἰσ μάχην τὸ μὲν πρῶτον ἀνέμενον τοὺσ ἀπὸ τῶν πόλεων παραγενησομένουσ, τῶν δὲ καιρῶν κατεπειγόντων ἠναγκάζοντο συγκαταβαίνειν εἰσ τὸν ὑπὲρ τῶν ὅλων κίνδυνον.

ἐκτάξαντεσ δὲ τὴν δύναμιν καὶ σπεύδοντεσ διὰ τῶν ἱππέων κρῖναι τὸν πόλεμον τούτουσ πρὸ τῆσ τῶν πεζῶν φάλαγγοσ ἔστησαν. γενομένησ δὲ ἱππομαχίασ καὶ τῶν Θετταλῶν ἱππέων πλεονεκτούντων διὰ τὰσ ἀρετὰσ οἱ περὶ τὸν Ἀντίπατρον ἐπήγαγον τὴν ἰδίαν φάλαγγα καὶ τοῖσ πεζοῖσ τῶν πολεμίων ἐπιρράξαντεσ πολὺν ἐποιοῦντο φόνον.

οἱ δ’ Ἕλληνεσ τὸ βάροσ καὶ τὸ πλῆθοσ τῶν πολεμίων οὐ δυνάμενοι φέρειν εὐθὺσ ἀπεχώρησαν πρὸσ τὰσ δυσχωρίασ, τηροῦντεσ τὰσ τάξεισ ἐπιμελῶσ. διὸ καὶ δραξάμενοι τόπων ὑπερδεξίων ῥᾳδίωσ ἠμύναντο τοὺσ Μακεδόνασ, ὑπερδέξιον ἔχοντεσ τὴν στάσιν. οἱ δὲ τῶν Ἑλλήνων ἱππεῖσ ἐπὶ τοῦ προτερήματοσ ὄντεσ, ὡσ ἔγνωσαν τὴν τῶν πεζῶν ἀποχώρησιν, εὐθὺσ πρὸσ ἐκείνουσ ἀφίππευσαν.

τότε μὲν οὖν τοῦτον τὸν τρόπον ἀγωνισάμενοι διελύθησαν, ῥεπούσησ τῆσ νίκησ πρὸσ τοὺσ Μακεδόνασ· ἀπέθανον δ’ ἐν τῇ μάχῃ τῶν μὲν Ἑλλήνων πλείουσ τῶν πεντακοσίων, τῶν δὲ Μακεδόνων ἑκατὸν καὶ τριάκοντα. τῇ δ’ ὑστεραίᾳ Μένων μὲν καὶ Ἀντίφιλοσ οἱ τῶν Ἑλλήνων ἡγεμόνεσ συνεδρεύσαντεσ ἐβουλεύσαντο πότερον ἀναμείναντεσ τοὺσ ἀπὸ τῶν πόλεων συμμάχουσ καὶ καταστάντεσ ἀξιόμαχοι περὶ τῶν ὅλων διακρίνωνται ἢ τῷ παρόντι καιρῷ συνείξαντεσ πρεσβεύωνται περὶ διαλύσεωσ.

ἔδοξεν οὖν ἀποστέλλειν κήρυκασ περὶ τῆσ τοῦ πολέμου καταλύσεωσ. πραξάντων δ’ αὐτῶν τὸ δόξαν ἀπεκρίθησαν οἱ περὶ τὸν Ἀντίπατρον κατὰ πόλεισ πρεσβεύειν·

οὐδενὶ γὰρ τρόπῳ κοινὴν σύλλυσιν ποιήσεσθαι. τῶν δὲ Ἑλλήνων οὐ προσδεχομένων τὰσ κατὰ πόλιν διαλύσεισ οἱ μὲν περὶ τὸν Ἀντίπατρον καὶ Κρατερὸν ἐπολιόρκουν τὰσ ἐπὶ Θετταλίασ πόλεισ καὶ κατὰ κράτοσ ᾕρουν, μὴ δυναμένων τῶν Ἑλλήνων βοηθεῖν. διὸ καὶ τῶν πόλεων περιφόβων οὐσῶν καὶ κατ’ ἰδίαν ἑκάστησ πρεσβευούσησ περὶ διαλύσεωσ πάσαισ συγχωρῶν τὴν εἰρήνην ἐπιεικῶσ προσεφέρετο. διόπερ ἐμπεσούσησ ὁρμῆσ εἰσ τὰσ πόλεισ ἰδίᾳ πορίζεσθαι τὴν σωτηρίαν ταχὺ πᾶσαι τῆσ εἰρήνησ ἔτυχον.

οἱ δ’ ἀλλοτριώτατα διακείμενοι πρὸσ τοὺσ Μακεδόνασ Αἰτωλοὶ καὶ Ἀθηναῖοι, συμμάχων ὄντεσ ἔρημοι, μετὰ τῶν ἰδίων στρατηγῶν ἐβουλεύοντο περὶ τοῦ πολέμου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 17

(디오도로스 시켈로스, Bibliotheca Historica, Books XVIII-XX, book 18, chapter 17)

상위

목록

SEARCH

MENU NAVIGATION