헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 7)

οἱ δ’ ἐν ταῖσ ἄνω καλουμέναισ σατραπείαισ κατοικισθέντεσ Ἕλληνεσ ὑπ’ Ἀλεξάνδρου, ποθοῦντεσ μὲν τὴν Ἑλληνικὴν ἀγωγὴν καὶ δίαιταν, ἐν δὲ ταῖσ ἐσχατιαῖσ τῆσ βασιλείασ ἐξερριμμένοι, ζῶντοσ μὲν τοῦ βασιλέωσ ὑπέμενον διὰ τὸν φόβον, τελευτήσαντοσ δὲ ἀπέστησαν. συμφρονήσαντεσ δὲ καὶ ἑλόμενοι στρατηγὸν Φίλωνα τὸν Αἰνιᾶνα δύναμιν ἀξιόλογον συνεστήσαντο.

πεζοὺσ μὲν γὰρ εἶχον πλείουσ τῶν δισμυρίων, ἱππεῖσ δὲ τρισχιλίουσ, πάντασ δὲ τῶν κατὰ τὸν πόλεμον ἀγώνων πολλάκισ πεῖραν εἰληφότασ καὶ διαφόρουσ ταῖσ ἀνδραγαθίαισ. Περδίκκασ δὲ πυθόμενοσ τὴν τῶν Ἑλλήνων ἀπόστασιν ἐκλήρωσεν ἐκ τῶν Μακεδόνων πεζοὺσ μὲν τρισχιλίουσ, ἱππεῖσ δὲ ὀκτακοσίουσ.

τοῦ δὲ πλήθουσ ἑλόμενοσ στρατηγὸν Πίθωνα τὸν σωματοφύλακα μὲν Ἀλεξάνδρου γεγονότα, φρονήματοσ δὲ πλήρη καὶ δυνάμενον στρατηγεῖν παρέδωκε τούτῳ τοὺσ ἀποκληρωθέντασ. δοὺσ δ’ αὐτῷ πρὸσ τοὺσ σατράπασ ἐπιστολὰσ, ἐν αἷσ γεγραμμένον ἦν στρατιώτασ δοῦναι τῷ Πίθωνι μυρίουσ μὲν πεζούσ, ἱππεῖσ δὲ ὀκτακισχιλίουσ, ἐξαπέστειλεν ἐπὶ τοὺσ ἀποστάντασ. ὁ δὲ Πίθων μεγαλεπίβολοσ ὢν ἀσμένωσ ὑπήκουσεν εἰσ τὴν στρατείαν, διανοούμενοσ τοὺσ μὲν Ἕλληνασ ταῖσ φιλανθρωπίαισ προσάγεσθαι, τὴν δὲ δύναμιν τῇ τούτων συμμαχίᾳ μεγάλην ποιήσασ ἰδιοπραγεῖν καὶ τῶν ἄνω σατραπειῶν δυναστεύειν.

ὁ δὲ Περδίκκασ ὑφορώμενοσ αὐτοῦ τὴν ἐπιβολήν διεκελεύσατο καταπολεμήσαντα τοὺσ ἀφεστηκότασ ἅπαντασ ἀποκτεῖναι καὶ τὰ λάφυρα διαδοῦναι τοῖσ στρατιώταισ.

ὁ δὲ Πίθων ἀναζεύξασ μετὰ τῶν δεδομένων αὐτῷ στρατιωτῶν καὶ παρὰ τῶν σατραπῶν προσλαβόμενοσ τοὺσ συμμάχουσ ἧκεν μετὰ πάσησ τῆσ δυνάμεωσ ἐπὶ τοὺσ ἀφεστηκότασ. διὰ δέ τινοσ Αἰνιᾶνοσ διαφθείρασ Λητόδωρον, ἐπὶ τρισχιλίων στρατιωτῶν παρὰ τοῖσ ἀποστάταισ τεταγμένον, τοῖσ ὅλοισ προετέρησε. γινομένησ γὰρ τῆσ παρατάξεωσ καὶ τῆσ νίκησ ἀμφιδοξουμένησ ὁ προδότησ ἐγκαταλιπὼν τοὺσ συμμάχουσ ἀλόγωσ ἀπῆλθεν ἐπί τινα λόφον, ἔχων τρισχιλίουσ.

οἱ δ’ ἄλλοι δόξαντεσ τούτουσ πρὸσ φυγὴν ὡρμηκέναι διεταράχθησαν καὶ τραπέντεσ ἔφυγον. ὁ δὲ Πίθων νικήσασ τῇ μάχῃ διεκηρύξατο πρὸσ τοὺσ ἡττημένουσ, κελεύων τὰ μὲν ὅπλα καταθέσθαι, αὐτοὺσ δὲ τὰ πιστὰ λαβόντασ ἐπὶ τὰσ ἰδίασ κατοικίασ ἀναχωρῆσαι.

γενομένων δ’ ἐπὶ τούτοισ ὁρ́κων καὶ τῶν Ἑλλήνων ἀναμιχθέντων τοῖσ Μακεδόσιν ὁ μὲν Πίθων περιχαρὴσ ἦν, κατὰ νοῦν αὐτῷ προχωρούντων τῶν πραγμάτων, οἱ δὲ Μακεδόνεσ μνησθέντεσ μὲν τῆσ τοῦ Περδίκκου παραγγελίασ, οὐδὲν δὲ φροντίσαντεσ τῶν γεγενημένων ὁρ́κων παρεσπόνδησαν τοὺσ Ἕλληνασ.

ἀπροσδοκήτωσ γὰρ αὐτοῖσ ἐπιθέμενοι καὶ λαβόντεσ ἀφυλάκτουσ ἅπαντασ κατηκόντισαν καὶ τὰ χρήματα διήρπασαν.

ὁ μὲν οὖν Πίθων διαψευσθεὶσ τῶν ἐλπίδων ἀπῆλθε μετὰ τῶν Μακεδόνων πρὸσ τὸν Περδίκκαν. καὶ τὰ μὲν κατὰ τὴν Ἀσίαν ἐν τούτοισ ἦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 7

(디오도로스 시켈로스, Bibliotheca Historica, Books XVIII-XX, book 18, chapter 7)

상위

목록

SEARCH

MENU NAVIGATION