헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 3)

οὗτοσ δὲ παραλαβὼν τὴν τῶν ὅλων ἡγεμονίαν καὶ συνεδρεύσασ μετὰ τῶν ἡγεμόνων Πτολεμαίῳ μὲν τῷ Λάγου τὴν Αἴγυπτον ἔδωκεν, Λαομέδοντι δὲ τῷ Μιτυληναίῳ Συρίαν, Φιλώτᾳ δὲ Κιλικίαν καὶ Πίθωνι μὲν Μηδίαν, Εὐμενεῖ δὲ Παφλαγονίαν καὶ Καππαδοκίαν καὶ πάσασ τὰσ συνοριζούσασ ταύταισ χώρασ, ἃσ Ἀλέξανδροσ οὐκ ἐπῆλθεν ἐκκλεισθεὶσ ὑπὸ τῶν καιρῶν, ὅτε διεπολέμει πρὸσ Δαρεῖον, Ἀντιγόνῳ δὲ Παμφυλίαν καὶ Λυκίαν καὶ τὴν μεγάλην καλουμένην Φρυγίαν, μετὰ δὲ ταῦτα Κασάνδρῳ μὲν Καρίαν, Μελεάγρῳ δὲ Λυδίαν, Λεοννάτῳ δὲ τὴν ἐφ’ Ἑλλησπόντῳ Φρυγίαν. αὗται μὲν οὖν αἱ σατραπεῖαι τοῦτον τὸν τρόπον ἐμερίσθησαν. κατὰ δὲ τὴν Εὐρώπην Λυσιμάχῳ μὲν ἐδόθη Θρᾴκη καὶ τὰ συνορίζοντα τῶν ἐθνῶν παρὰ τὴν Ποντικὴν θάλασσαν, ἡ δὲ Μακεδονία καὶ τὰ πλησιόχωρα τῶν ἐθνῶν Ἀντιπάτρῳ προσωρίσθη.

τὰσ δὲ κατὰ τὴν Ασίαν παραλελειμμένασ σατραπείασ ἔδοξε μὴ κινεῖν, ἀλλ’ ἐᾶν ὑπὸ τοὺσ αὐτοὺσ ἡγεμόνασ τεταγμένασ· ὁμοίωσ δὲ καὶ Ταξίλην καὶ Πῶρον κυρίουσ εἶναι τῶν ἰδίων βασιλειῶν, καθάπερ αὐτὸσ Ἀλέξανδροσ ἦν τεταχώσ. τούτων δὲ τὴν συνορίζουσαν σατραπείαν τοῖσ περὶ Ταξίλην βασιλεῦσι συνεχώρησε· τὴν δὲ παρὰ τὸν Καύκασον κειμένην, ὀνομαζομένην δὲ Παροπανισαδῶν προσώρισεν Ὀξυάρτῃ τῷ Βακτριανῷ , οὗ τὴν θυγατέρα Ῥωξάνην γεγαμηκὼσ ἦν Ἀλέξανδροσ.

καὶ Σιβυρτίῳ μὲν ἔδωκεν Ἀραχωσίαν καὶ Κεδρωσίαν, Στασάνορι δὲ τῷ Σολίῳ τὴν Ἀρίαν καὶ Δραγγινήν, Φιλίππῳ δὲ προσώρισε Βακτριανὴν καὶ Σογδιανήν, Φραταφέρνῃ δὲ Παρθυαίαν καὶ Ὑρκανίαν καὶ Πευκέστῃ μὲν Περσίδα, Τληπολέμῳ δὲ Καρμανίαν, Ἀτροπάτῃ δὲ Μηδίαν, Ἄρχωνι δὲ τὴν Βαβυλωνίαν, Ἀρκεσιλάῳ δὲ Μεσοποταμίαν. Σέλευκον δ’ ἔταξεν ἐπὶ τὴν ἱππαρχίαν τῶν ἑταίρων, οὖσαν ἐπιφανεστάτην·

ταύτησ γὰρ Ἡφαιστίων πρῶτοσ μὲν ἡγήσατο, μετὰ δὲ τοῦτον Περδίκκασ, τρίτοσ δ’ ὁ προειρημένοσ Σέλευκοσ. ἐπὶ δὲ τὴν κατακομιδὴν τοῦ σώματοσ καὶ τὴν κατασκευὴν τῆσ ἁρμαμάξησ τῆσ μελλούσησ κομίζειν τὸ σῶμα τοῦ τετελευτηκότοσ βασιλέωσ εἰσ Ἄμμωνα ἔταξαν Ἀρριδαῖον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 3

(디오도로스 시켈로스, Bibliotheca Historica, Books XVIII-XX, book 18, chapter 3)

상위

목록

SEARCH

MENU NAVIGATION