Ancient Greek Text

Athenaeus, The Deipnosophists, Book 11, book 11, chapter 67

(아테나이오스, The Deipnosophists, Book 11, book 11, chapter 67)

περὶ δὲ τοῦ κωθωνίζεσθαι καὶ ὅτι χρήσιμόσ ἐστι διὰ χρόνου ὁ κωθωνισμὸσ Μνησίθεοσ ὁ Ἀθηναῖοσ ἰατρὸσ ἐν τῇ περὶ Κωθωνισμοῦ ἐπιστολῇ φησιν οὕτωσ · "συμβαίνει τοὺσ μὲν πολὺν ἄκρατον ἐν ταῖσ συνουσίαισ πίνοντασ μεγάλα βλάπτεσθαι καὶ τὸ σῶμα καὶ τὴν ψυχήν. τὸ μέντοι κωθωνίζεσθαι διά τινων ἡμερῶν δοκεῖ μοι ποιεῖν τινα καὶ τοῦ σώματοσ κάθαρσιν καὶ τῆσ ψυχῆσ ἄνεσιν. "γίγνονται γάρ τινεσ ἡμῖν ἐκ τῶν καθ’ ἡμέραν συμποσίων ἐπιπόλαιοι δριμύτητεσ· "ταύταισ οὖν ἐστι τῶν μὲν πόρων οἰκειότατοσ ὁ διὰ τῆσ οὐρήσεωσ, τῶν δὲ καθάρσεων ἡ διὰ τῶν κωθωνισμῶν πρέπει μάλιστα, κατανίζεται γὰρ τὸ σῶμα τοῖσ οἴνοισ· "ὑγρὸν γὰρ καὶ θερμὸν ὁ οἶνοσ· "τὸ δὲ ἀφ’ ἡμῶν διηθούμενον οὖρόν ἐστιν δριμύ, τὰ γοῦν ἱμάτια τούτῳ χρώμενοι ῥύμματι πλύνουσιν οἱ γναφεῖσ. τρία δὲ παραφύλαττε ὅταν κωθωνίζῃ· "μὴ πονηρὸν οἶνον πίνειν μηδὲ ἄκρατον μηδὲ τραγηματίζεσθαι ἐν τοῖσ κωθωνισμοῖσ. ὅταν δ’ ἱκανῶσ ἔχῃσ ἤδη, μὴ κοιμῶ πρὶν ἂν ἐμέσῃσ πλέον ἢ ἔλαττον. "εἶτα ἐὰν μὲν ἐμέσῃσ ἱκανῶσ, ἀναπαύου μικρόν· "περιχεάμενοσ· "ἐὰν δὲ μὴ δυνηθῇσ ἱκανῶσ κενῶσαι σαυτόν, πλείονι χρῆσαι τῷ λουτρῷ καὶ · "εἰσ τὴν πύελον κατακλίθητι σφόδρα εἰσ θερμὸν ὕδωρ. ̔ Πολέμων δ’ ἐν πέμπτῳ τῶν πρὸσ Ἀδαῖον καὶ Ἀντίγονόν φησι· "Διόνυσοσ τέλειοσ καθήμενοσ ἐπὶ πέτρασ·