헬라어 텍스트

Athenaeus, The Deipnosophists, Book 11, book 11, chapter 64

(아테나이오스, The Deipnosophists, Book 11, book 11, chapter 64)

Ἐρατοσθένησ δ’ ἐν τῇ πρὸσ Ἀγήτορα τὸν Λάκωνα Ἐπιστολῇ ὡσ κυαθῶδεσ ἀγγεῖον τὸ κυμβίον παραδίδωσι γράφων οὕτωσ· "θαυμάζουσι δὲ οἱ αὐτοὶ καὶ πῶσ κύαθον μὴ κεκτημένοσ, ἀλλὰ κυμβίον μόνον, φιάλην προσεκέκτητο. "δοκεῖ δὴ μοι τὸ μὲν τῆσ τῶν ἀνθρώπων χρείασ ἕνεκα, τὸ δὲ τῆσ τῶν θεῶν τιμῆσ εἰσ τὴν κτῆσιν παρειληφέναι. "κυάθῳ μὲν οὖν οὐδὲν ἐχρῶντο τότε οὐδὲ κοτύλῃ. κρατῆρα γὰρ ἵστασαν τοῖσ θεοῖσ, οὐκ ἀργυροῦν οὐδὲ λιθοκόλλητον, ἀλλὰ γῆσ Κωλιάδοσ. "τοῦτον δ’ ὁσάκισ ἐπιπληρώσαιεν,10 ἀποσπείσαντεσ τοῖσ θεοῖσ ἐκ τῆσ φιάλησ ᾠνοχόουν ἐφεξῆσ, τὸν νεοκρᾶτα βάπτοντεσ τῷ κυμβίῳ, καθὰ καὶ νῦν παρ’ ὑμῖν ποιοῦσιν ἐν τοῖσ φιδιτίοισ. "εἰ δέ ποτε πλεῖον πιεῖν βουληθεῖεν, προσπαρετίθεσαν τοὺσ καλουμένουσ κοτύλουσ, κάλλιστα καὶ εὐποτώτατα ἐκπωμάτων. "ἦσαν δὲ καὶ οὗτοι τῆσ αὐτῆσ κεραμείασ. ὅταν δ’ Ἔφιπποσ ἐν Ἐφήβοισ λέγῃ οὐ κύλικασ ἐπὶ τὰ δεῖπνα Χαιρήμων φέρει, οὐ κυμβίοισι πεπολέμηκ’ Εὐριπίδησ; οὐ τὸν τραγικὸν λέγει ποιητήν, ἀλλά τινα ὁμώνυμον αὐτῷ, ἤτοι φίλοινόν τινα ἢ αἰτίαν ἔχοντα οὐ χρηστήν, ὥσ φησιν Ἀντίοχοσ ὁ Ἀλεξανδρεὺσ ἐν τῷ περὶ τῶν ἐν τῇ μέσῃ κωμῳδίᾳ κωμῳδουμένων Ποιητῶν.

τὸ γὰρ ἐπάγεσθαι κατὰ τὰσ ἑστιάσεισ κυμβία καὶ δοκεῖν τούτοισ διαμάχεσθαι εἰσ ἑκάτερα τείνει, μνημονεύει δ’ αὐτοῦ καὶ Ἀναξανδρίδησ ἐν Νηρηίσιν· δὸσ δὴ τὸν χόα αὐτῷ σύ, Κῶμε,2 καὶ τὸ κυμβίον φέρων·

Εὐριπίδησ τισ σήμερον γενήσεται. καὶ Ἔφιπποσ ἐν Ὁμοίοισ ἢ Ὀβελιαφόροισ· Διονυσίου δὲ δράματ’ ἐκμαθεῖν δέοι καὶ Δημοφῶντοσ ἅττ’ ἐποίησεν εἰσ Κότυν,4 ῥήσεισ τε κατὰ δεῖπνον Θεόδωρόσ μοι λέγοι, Λάχητὶ τ’6 οἰκήσαιμι τὴν ἑξῆσ θύραν, κυμβία τε παρέχοιμ’ ἑστιῶν Εὐριπίδῃ,7 ὅτι δὲ καὶ πλοῖον ἡ κύμβη Σοφοκλῆσ ἐν Ἀνδρομέδᾳ φησίν· ἵπποισιν ἢ κύμβαισι ναυστολεῖσ χθόνα;

κύββα ποτήριον Ἀπολλόδωροσ Παφίουσ.