Athenaeus, The Deipnosophists, Book 11, book 11, chapter 58 1:

(아테나이오스, The Deipnosophists, Book 11, book 11, chapter 58 1:)

"ὁ καλούμενοσ κότταβοσ παρῆλθεν εἰσ τὰ συμπόσια τῶν περὶ Σικελίαν, ὥσ φησιν Δικαίαρχοσ, πρῶτον εἰσαγαγόντων. "τοσαύτη δὲ ἐγένετο σπουδὴ περὶ τὸ ἐπιτήδευμα ὥστε εἰσ τὰ συμπόσια παρεισφέρειν ἆθλα κοτταβεῖα καλούμενα, εἶτα κύλικεσ αἱ πρὸσ τὸ πρᾶγμα χρήσιμαι μάλιστ’ εἶναι δοκοῦσαι κατεσκευάζοντο, καλούμεναι κοτταβίδεσ. "πρὸσ δὲ τούτοισ οἶκοι κατεσκευάζοντο κυκλοτερεῖσ, ἵνα πάντεσ εἰσ τὸ μέσον τοῦ κοττάβου τεθέντοσ ἐξ ἀποστήματοσ ἴσου καὶ τόπων ὁμοίων ἀγωνίζοιντο περὶ τῆσ νίκησ, οὐ γὰρ μόνον ἐφιλοτιμοῦντο βάλλειν ἐπὶ τὸν σκοπόν, ἀλλὰ καὶ καλῶσ ἕκαστα ἀνύτειν. "ἔδει γὰρ εἰσ τὸν ἀριστερὸν ἀγκῶνα ἐρείσαντα καὶ τῇ δεξιᾷ κυκλώσαντα ὑγρῶσ ἀφεῖναι τὴν λάταγα· "οὕτω γὰρ ἐκάλουν τὸ πῖπτον ἐκ τῆσ κύλικοσ ὑγρόν· "ὥστε ἔνιοι μεῖζον ἐφρόνουν ἐπὶ τῷ καλῶσ κοτταβίζειν τῶν ἐπὶ τῷ ἀκοντίζειν μέγα φρονούντων.

일치하는 문장이 없습니다.

SEARCH

MENU NAVIGATION