헬라어 문장 검색 - ΠολψβίΗιστορί04́078́

(폴리비오스, Histories, book 4, chapter 78)

Πλὴν ὅ γε Φιλλίδασ τοὺσ μὲν Ἠλείουσ εἰσ Λέπρεον, τοὺσ δὲ μισθοφόρουσ εἰσ Ἀλίφειραν ἀποστείλασ, αὐτὸσ δὲ τοὺσ Αἰτωλοὺσ ἔχων ἐν Τυπανέαισ ἐκαραδόκει τὸ συμβησόμενον. ἧκε πρὸσ τὴν Ἀλίφειραν, ἣ κεῖται μὲν ἐπὶ λόφου κρημνώδουσ πανταχόθεν, ἔχοντοσ πλεῖον ἢ δέκα σταδίων πρόσβασιν, ἔχει δ’ ἄκραν ἐν αὐτῇ τῇ κορυφῇ τοῦ σύμπαντοσ λόφου καὶ χαλκοῦν Ἀθηνᾶσ ἀνδριάντα, κάλλει καὶ μεγέθει διαφέροντα.

τὸ μέντοι γε τῆσ τέχνησ ἀποτέλεσμα συμφωνεῖται παρὰ πᾶσι, διότι τῶν μεγαλομερεστάτων καὶ τεχνικωτάτων ἔργων ἐστίν, Ὑπατοδώρου καὶ Σωστράτου κατεσκευακότων.

ἐπὶ δὲ τοῖσ προειρημένοισ τοὺσ Μακεδόνασ διῃρημένουσ κατόπιν ἑκάστοισ ἐπιστήσασ, ἅμα τῷ τὸν ἥλιον ἐπιβάλλειν πᾶσι προσέταξε προσβαίνειν πρὸσ τὸν λόφον.

ποιούντων δὲ τὸ παραγγελθὲν ἐκθύμωσ καὶ καταπληκτικῶσ τῶν Μακεδόνων, συνέβαινε τοὺσ Ἀλιφειρεῖσ πρὸσ τούτουσ ὁρμᾶν ἀεὶ καὶ συντρέχειν τοὺσ τόπουσ, οἷσ μάλιστα τοὺσ Μακεδόνασ ἑώρων προσπελάζοντασ.

κατὰ δὲ τὸν καιρὸν τοῦτον αὐτὸσ ὁ βασιλεὺσ ἔχων τοὺσ ἐπιτηδειοτάτουσ διά τινων κρημνῶν ἔλαθε πρὸσ τὸ τῆσ ἄκρασ προάστειον ἀναβάσ.

ἀποδοθέντοσ δὲ τοῦ συνθήματοσ, πάντεσ ἅμα προσερείσαντεσ τὰσ κλίμακασ κατεπείραζον τῆσ πόλεωσ.

πρῶτοσ μὲν οὖν ὁ βασιλεὺσ κατέσχε τὸ προάστειον τῆσ ἄκρασ, ἔρημον καταλαβών·

τούτου δ’ ἐμπιπραμένου, προϊδόμενοι τὸ μέλλον οἱ τοῖσ τείχεσιν ἐπαμύνοντεσ, καὶ περιδεεῖσ γενόμενοι μὴ τῆσ ἄκρασ προκαταληφθείσησ στερηθῶσι καὶ τῆσ τελευταίασ ἐλπίδοσ, ὡρ́μησαν ἀπολιπόντεσ τὰ τείχη φεύγειν πρὸσ τὴν ἀκρόπολιν. γενομένου τούτου, παραχρῆμα καὶ τῶν τειχῶν καὶ τῆσ πόλεωσ ἐκυρίευσαν.

μετὰ δὲ ταῦτα διαπρεσβευσαμένων τῶν ἐκ τῆσ ἄκρασ πρὸσ τὸν Φίλιππον, δοὺσ τὴν ἀσφάλειαν παρέλαβε καὶ ταύτην καθ’ ὁμολογίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 4, chapter 78

(폴리비오스, Histories, book 4, chapter 78)

상위

목록

SEARCH

MENU NAVIGATION