호흡부호 보기
강세부호 보기
장단부호 보기
작은 Iota 보기
모든 부호 보기
Ἀθηναῖοι δὲ πρὸσ μὲν Ἀλέξανδρον ὑπεκρίναντο τάδε. "καὶ αὐτοὶ τοῦτό γε ἐπιστάμεθα ὅτι πολλαπλησίη ἐστὶ τῷ Μήδῳ δύναμισ ἤ περ ἡμῖν, ὥστε οὐδὲν δέει τοῦτό γε ὀνειδίζειν. ἀλλ’ ὅμωσ ἐλευθερίησ γλιχόμενοι ἀμυνεύμεθα οὕτω ὅκωσ ἂν καὶ δυνώμεθα. ὁμολογῆσαι δὲ τῷ βαρβάρῳ μήτε σὺ ἡμέασ πειρῶ ἀναπείθειν οὔτε ἡμεῖσ πεισόμεθα. νῦν τε ἀπάγγελλε Μαρδονίῳ ὡσ Ἀθηναῖοι λέγουσι, ἔστ’ ἂν ὁ ἥλιοσ τὴν αὐτὴν ὁδὸν ἰῄ τῇ περ καὶ νῦν ἔρχεται, μήκοτε ὁμολογήσειν ἡμέασ Ξέρξῃ·
ἀλλὰ θεοῖσί τε συμμάχοισι πίσυνοί μιν ἐπέξιμεν ἀμυνόμενοι καὶ τοῖσι ἡρ́ωσι, τῶν ἐκεῖνοσ οὐδεμίαν ὄπιν ἔχων ἐνέπρησε τούσ τε οἴκουσ καὶ τὰ ἀγάλματα. σύ τε τοῦ λοιποῦ λόγουσ ἔχων τοιούσδε μὴ ἐπιφαίνεο Ἀθηναίοισι, μηδὲ δοκέων χρηστὰ ὑπουργέειν ἀθέμιστα ἔρδειν παραίνεε·
οὐ γάρ σε βουλόμεθα οὐδὲν ἄχαρι πρὸσ Ἀθηναίων παθεῖν ἐόντα πρόξεινόν τε καὶ φίλον.
호흡부호 보기
강세부호 보기
장단부호 보기
작은 Iota 보기
모든 부호 보기