호흡부호 보기
강세부호 보기
장단부호 보기
작은 Iota 보기
모든 부호 보기
ὁ δὲ Θεμιστοκλέησ τοὺσ Ἕλληνασ ἐπισχεῖν ὧδε ποιέει· Εὐρυβιάδῃ τούτων τῶν χρημάτων μεταδιδοῖ πέντε τάλαντα ὡσ παρ’ ἑωυτοῦ δῆθεν διδούσ. ὡσ δέ οἱ οὗτοσ ἀνεπέπειστο, Ἀδείμαντοσ γὰρ ὁ Ὠκύτου ὁ Κορίνθιοσ στρατηγὸσ τῶν λοιπῶν ἤσπαιρε μοῦνοσ, φάμενοσ ἀποπλεύσεσθαί τε ἀπὸ τοῦ Ἀρτεμισίου καὶ οὐ παραμενέειν, πρὸσ δὴ τοῦτον εἶπε ὁ Θεμιστοκλέησ ἐπομόσασ "οὐ σύ γε ἡμέασ ἀπολείψεισ, ἐπεί τοι ἐγὼ μέζω δῶρα δώσω ἢ βασιλεὺσ ἄν τοι ὁ Μήδων πέμψειε ἀπολιπόντι τοὺσ συμμάχουσ. " ταῦτά τε ἅμα ἠγόρευε καὶ πέμπει ἐπὶ τὴν νέα τὴν Ἀδειμάντου τάλαντα ἀργυρίου τρία·
οὗτοί τε δὴ πάντεσ δώροισι ἀναπεπεισμένοι ἦσαν καὶ τοῖσι Εὐβοεῦσι ἐκεχάριστο, αὐτόσ τε ὁ Θεμιστοκλέησ ἐκέρδηνε, ἐλάνθανε δὲ τὰ λοιπὰ ἔχων, ἀλλ’ ἠπιστέατο οἱ μεταλαβόντεσ τούτων τῶν χρημάτων ἐκ τῶν Ἀθηνέων ἐλθεῖν ἐπὶ τῷ λόγῳ τούτῳ τὰ χρήματα.
호흡부호 보기
강세부호 보기
장단부호 보기
작은 Iota 보기
모든 부호 보기