헬라어 문장 검색 - Διοδορ́Λιβραρψ́7́59́

(디오도로스 시켈로스, Library, book xiv, chapter 100)

κατὰ δὲ τὴν Σικελίαν ὁ τῶν Συρακοσίων τύραννοσ Διονύσιοσ σπεύδων τῇ κατὰ τὴν νῆσον δυναστείᾳ καὶ τοὺσ κατ’ Ἰταλίαν Ἕλληνασ προσλαβέσθαι, τὴν μὲν ἐπ’ ἐκείνουσ κοινὴν στρατείαν εἰσ ἕτερον καιρὸν ἀνεβάλετο, κρίνασ δὲ συμφέρειν ἐπιχειρεῖν πρώτῃ τῇ τῶν Ῥηγίνων πόλει διὰ τὸ προπολεμητήριον αὐτὴν εἶναι τῆσ Ἰταλίασ, ὡρ́μησεν ἐκ Συρακουσῶν μετὰ τῆσ δυνάμεωσ. εἶχε δὲ πεζοὺσ μὲν δισμυρίουσ, ἱππεῖσ δὲ χιλίουσ, ναῦσ δ’ ἑκατὸν εἴκοσι.

περαιώσασ δὲ τὴν δύναμιν ἐπὶ τοὺσ ὁρ́ουσ τῆσ Λοκρίδοσ, ἐκεῖθεν διὰ τῆσ μεσογείου τὴν πορείαν ἐποιεῖτο, τέμνων καὶ πυρπολῶν τὴν τῶν Ῥηγίνων χώραν· συμπαρέπλευσε δὲ καὶ ὁ στόλοσ ἐπὶ θάτερα μέρη τῆσ θαλάττησ, καὶ πάσῃ τῇ δυνάμει περὶ τὸν πορθμὸν κατεστρατοπέδευσεν. οἱ δ’ Ἰταλοὶ πυθόμενοι τὴν τοῦ Διονυσίου διάβασιν ἐπὶ τὸ Ῥήγιον, ἀπέστειλαν ἐκ Κρότωνοσ ναῦσ ἑξήκοντα, σπεύδοντεσ παραδοῦναι τοῖσ Ῥηγίνοισ.

μετεώρων δὲ πλεουσῶν αὐτῶν ὁ Διονύσιοσ πεντήκοντα ναῦσ ἔχων ἐπέπλευσε, καὶ φυγόντων αὐτῶν ἐπὶ τὴν γῆν οὐδὲν ἧττον ἐπέκειτο, καὶ συνδήσασ ἀπέσπα τὰσ παρορμούσασ τῇ γῇ. κινδυνευουσῶν δὲ τῶν ἑξήκοντα τριήρων ἁλῶναι Ῥηγῖνοι πανδημεὶ παρεβοήθησαν, καὶ ἀπὸ τῆσ γῆσ τῷ πλήθει τῶν βελῶν ἀνεῖρξαν τὸν Διονύσιον.

ἐπιγενομένων δὲ πνευμάτων μεγάλων οἱ μὲν Ῥηγῖνοι τὰσ ναῦσ ἀνείλκυσαν ἐπὶ τὴν γῆν, Διονύσιοσ δ’ ἰσχυρῶσ χειμασθεὶσ ἑπτὰ ναῦσ ἀπώλεσε καὶ σὺν αὐταῖσ ἄνδρασ οὐκ ἐλάττουσ χιλίων πεντακοσίων. τούτων δ’ ἅμα ταῖσ ναυσὶν ἐκβρασθέντων ἐπὶ τὴν Ῥηγίνην, οἱ Ῥηγῖνοι πολλοὺσ τῶν ναυτῶν ἐζώγρησαν.

Διονύσιοσ δ’ ἐπὶ πεντήρουσ πλέων, καὶ πολλάκισ παρ’ ὀλίγον ἐλθὼν ὑποβρύχιοσ, μόγισ περὶ μέσασ νύκτασ εἰσ τὸν ἐν Μεσσήνῃ λιμένα κατέφυγεν. ἤδη δὲ καὶ τῆσ χειμερινῆσ ὡρ́ασ ἐνισταμένησ οὗτοσ μὲν πρὸσ Λευκανοὺσ συμμαχίαν ποιησάμενοσ ἀπήγαγε τὰσ δυνάμεισ εἰσ Συρακούσασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 100

(디오도로스 시켈로스, Library, book xiv, chapter 100)

상위

목록

SEARCH

MENU NAVIGATION