헬라어 문장 검색 - Παυσαν́Δεσξριπ́4́24́

(파우사니아스, Description of Greece, Μεσσηνιακά, chapter 24)

Ἀριστομένησ δὲ ὡσ τὴν ἡγεμονίαν ἀπείπατο τῶν ἐσ τὴν ἀποικίαν στελλομένων, τὰσ θυγατέρασ τὴν πρεσβυτάτην καὶ τὴν ἐπὶ ταύτῃ καὶ Ἁγναγόραν τὴν ἀδελφὴν τὴν μὲν Θάρυκι ἐσ Φιγαλίαν, Δαμοθοί̈δᾳ δὲ Λεπρεάτῃ καὶ Ἡραιεῖ Θεοπόμπῳ τὰσ θυγατέρασ συνῴκισεν· αὐτὸσ δὲ ἀφικόμενοσ ἐσ Δελφοὺσ ἐχρῆτο τῷ θεῷ. καὶ τὸ μὲν τῷ Ἀριστομένει γενόμενον μάντευμα οὐ λέγεται· Δαμαγήτῳ δὲ Ῥοδίῳ βασιλεύοντι ἐν Ιἀλυσῷ, τότε δὲ ἥκοντι παρὰ τὸν Ἀπόλλωνα καὶ ἐρωτῶντι ὁπόθεν ἀγαγέσθαι χρὴ γυναῖκα, ἔχρησεν ἡ Πυθία θυγατέρα ἀνδρὸσ τῶν Ἑλλήνων τοῦ ἀρίστου λαβεῖν.

ὁ δὲ ‐ ἦν γὰρ καὶ τρίτη τῷ Ἀριστομένει θυγάτηρ ‐ γαμεῖ ταύτην, Ἑλλήνων τῶν τότε ἐκεῖνον μακρῷ δή τινι ἄριστον νομίζων. Ἀριστομένησ δὲ ἐσ μὲν τὴν Ῥόδον ἀφίκετο σὺν τῇ θυγατρί, ἐκεῖθεν δὲ ἔσ τε Σάρδεισ ἐνενόει παρὰ Ἄρδυν τὸν Γύγου καὶ ἐσ Ἐκβάτανα τὰ Μηδικὰ ἀναβῆναι παρὰ τὸν βασιλέα Φραόρτην· ἀλλὰ γὰρ πρότερον τούτων συνέπεσεν ἀποθανεῖν αὐτῷ νοσήσαντι, οὐ γὰρ ἔδει συμφορὰν οὐδεμίαν Λακεδαιμονίοισ ἔτι ἐξ Ἀριστομένουσ γενέσθαι.

δὲ αὐτῷ Δαμάγητοσ καὶ οἱ Ῥόδιοι μνῆμά τε ἐπιφανὲσ ἐποίησαν καὶ ἔνεμον ἀπὸ ἐκείνου τιμάσ.

τὰ μὲν δὴ λεγόμενα ἐσ τοὺσ Διαγορίδασ καλουμένουσ ἐν Ῥόδῳ, γεγονότασ δὲ ἀπὸ Διαγόρου τοῦ Δαμαγήτου τοῦ Δωριέωσ τοῦ Δαμαγήτου τε καὶ τῆσ Ἀριστομένουσ θυγατρόσ, παρῆκα, μὴ οὐ κατὰ καιρὸν δοκοίην γράφειν· Λακεδαιμόνιοι δὲ τότε, ὡσ ἐπεκράτησαν τῆσ Μεσσηνίασ, τὴν μὲν ἄλλην πλὴν τῆσ Ἀσιναίων αὐτοὶ διελάγχανον, Μοθώνην δὲ Ναυπλιεῦσιν ἐδίδοσαν ἐκπεπτωκόσιν ἐκ Ναυπλίασ ἔναγχοσ ὑπὸ Ἀργείων.

Μεσσηνίων δὲ τοὺσ ἐγκαταληφθέντασ ἐν τῇ γῇ, συντελοῦντασ κατὰ ἀνάγκην ἐσ τοὺσ εἵλωτασ, ἐπέλαβεν ἀπὸ Λακεδαιμονίων ὕστερον ἀποστῆναι κατὰ τὴν ἐνάτην Ὀλυμπιάδα καὶ ἑβδομηκοστήν, ἣν Κορίνθιοσ ἐνίκα Ξενοφῶν, Ἀρχιμήδουσ Ἀθήνῃσιν ἄρχοντοσ·

ἀπέστησαν δὲ καιρὸν τοιόνδε εὑρόντεσ. Λακεδαιμονίων ἄνδρεσ ἀποθανεῖν ἐπὶ ἐγκλήματι ὅτῳ δὴ καταγνωσθέντεσ ἱκέται καταφεύγουσιν ἐσ Ταίναρον· ἐντεῦθεν δὲ ἡ ἀρχὴ τῶν ἐφόρων ἀπὸ τοῦ βωμοῦ σφᾶσ ἀποσπάσασα ἀπέκτεινε. Σπαρτιάταισ δὲ ἐν οὐδενὶ λόγῳ θεμένοισ τοὺσ ἱκέτασ ἀπήντησεν ἐκ Ποσειδῶνοσ μήνιμα, καί σφισιν ἐσ ἔδαφοσ τὴν πόλιν πᾶσαν κατέβαλεν ὁ θεόσ.

ἐπὶ δὲ τῇ συμφορᾷ ταύτῃ καὶ τῶν εἱλώτων ὅσοι Μεσσήνιοι τὸ ἀρχαῖον ἦσαν, ἐσ τὸ ὄροσ τὴν Ἰθώμην ἀπέστησαν. Λακεδαιμόνιοι δὲ ἄλλα τε μετεπέμποντο συμμαχικὰ ἐπ’ αὐτοὺσ καὶ Κίμωνα τὸν Μιλτιάδου πρόξενόν σφισιν ὄντα καὶ Ἀθηναίων δύναμιν· Ἀθηναίουσ ὑποπτεῦσαι δοκοῦσιν ὡσ τάχα νεωτερίσοντασ καὶ ὑπὸ τῆσ ὑποψίασ ἀποπέμψασθαι μετ’ οὐ πολὺ ἐξ Ἰθώμησ.

Ἀθηναῖοι δὲ τὴν ἐσ αὐτοὺσ τῶν Λακεδαιμονίων ὑπόνοιαν συνέντεσ Ἀργείοισ τε φίλοι δι’ αὐτὸ ἐγένοντο καὶ Μεσσηνίων τοῖσ ἐν Ἰθώμῃ πολιορκουμένοισ ἐκπεσοῦσιν ὑποσπόνδοισ ἔδοσαν Ναύπακτον, ἀφελόμενοι Λοκροὺσ τοὺσ πρὸσ Αἰτωλίᾳ καλουμένουσ Ὀζόλασ.

τοῖσ δὲ Μεσσηνίοισ παρέσχεν ἀπελθεῖν ἐξ Ἰθώμησ τοῦ τε χωρίου τὸ ἐχυρὸν καὶ ἅμα Λακεδαιμονίοισ προεῖπεν ἡ Πυθία ἦ μὴν εἶναί σφισι δίκην ἁμαρτοῦσιν ἐσ τοῦ Διὸσ τοῦ Ἰθωμάτα τὸν ἱκέτην. ὑπόσπονδοι μὲν ἐκ Πελοποννήσου τούτων ἕνεκα ἀφείθησαν·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Μεσσηνιακά, chapter 24

(파우사니아스, Description of Greece, Μεσσηνιακά, chapter 24)

상위

목록

SEARCH

MENU NAVIGATION