Pausanias, Description of Greece, Μεσσηνιακά, chapter 3 7:

Ἀριστόδημοσ μὲν οὖν ἐτύγχανεν ἤδη τεθνεώσ, Θήρασ δὲ ὁ Αὐτεσίωνοσ τῷ Κρεσφόντῃ μάλιστα ἠναντιοῦτο, τὸ μὲν ἀνέκαθεν Θηβαῖόσ τε καὶ ἀπόγονοσ πέμπτοσ Πολυνείκουσ τοῦ Οἰδίποδοσ, τότε δὲ ἐπετρόπευεν Ἀριστοδήμου τοὺσ παῖδασ θεῖοσ ὢν πρὸσ μητρόσ· Αὐτεσίωνοσ γὰρ θυγατέρα Ἀριστόδημοσ ἔγημεν ὄνομα Ἀργείαν. Κρεσφόντησ δὲ ‐ γενέσθαι γάρ οἱ ἤθελε τὴν Μεσσηνίαν πάντωσ μοῖραν ‐ Τημένου δεῖται, παρεσκευασμένοσ <δὲ> τοῦτον τῷ κλήρῳ δῆθεν ἐφίησι.