헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 75)

ὃν δὲ τρόπον ἔσται τούτων ἕκαστον, ἀκούσατέ μου· συνάξω μὲν ἐγὼ τὴν ἐκκλησίαν, ὥσπερ ἔφην, ἐπειδὴ συγκεχώρηταί μοι κατὰ νόμον καὶ γνώμην εἰσηγήσομαι·

φεύγειν Ταρκύνιον ἅμα τοῖσ παισὶ καὶ τῇ γυναικὶ πόλεώσ τε καὶ χώρασ τῆσ Ῥωμαίων εἰργομένουσ τὸν ἀεὶ χρόνον καὶ γένοσ τὸ ἐξ αὐτῶν· ὅταν δ’ ἐπιψηφίσωσι τὴν γνώμην οἱ πολῖται, δηλώσασ αὐτοῖσ ἣν διανοούμεθα καταστήσασθαι πολιτείαν μεσοβασιλέα ἑλοῦμαι τὸν ἀποδείξοντα τοὺσ παραληψομένουσ τὰ κοινά, καὶ αὐτὸσ ἀποθήσομαι τὴν τῶν Κελερίων ἀρχήν. ὁ δὲ κατασταθεὶσ ὑπ’ ἐμοῦ μεσοβασιλεὺσ συναγαγὼν τὴν λοχῖτιν ἐκκλησίαν ὀνομασάτω τε τοὺσ μέλλοντασ ἕξειν τὴν ἐνιαύσιον ἡγεμονίαν καὶ ψῆφον ὑπὲρ αὐτῶν τοῖσ πολίταισ δότω·

ἐὰν δὲ τοῖσ πλείοσι δόξῃ λόχοισ κυρίαν εἶναι τὴν τῶν ἀνδρῶν αἱρ́εσιν καὶ τὰ μαντεύματα γένηται περὶ αὐτῶν καλά, τοὺσ πελέκεισ οὗτοι παραλαβόντεσ καὶ τὰ λοιπὰ τῆσ βασιλικῆσ ἐξουσίασ σύμβολα πραττέτωσαν, ὅπωσ ἐλευθέραν οἰκήσομεν τὴν πατρίδα καὶ μηκέτι κάθοδον ἕξουσιν εἰσ αὐτὴν Ταρκύνιοι· πειράσονται γάρ, εὖ ἴστε, καὶ πειθοῖ καὶ βίᾳ καὶ δόλῳ καὶ παντὶ ἄλλῳ τρόπῳ παρελθεῖν πάλιν ἐπὶ τὴν δυναστείαν, ἐὰν μὴ φυλαττώμεθα αὐτούσ.

ταυτὶ μὲν οὖν ἐστι τὰ μέγιστα καὶ κυριώτατα ὧν ὑμῖν ἐν τῷ παρόντι λέγειν ἔχω καὶ παραινεῖν·

τὰ δὲ κατὰ μέροσ πολλὰ ὄντα καὶ οὐ ῥᾴδια νῦν δι’ ἀκριβείασ ἐξετασθῆναι· συνήγμεθα γὰρ εἰσ καιρὸν ὀξύν· ἐπ’ αὐτοῖσ οἰόμαι δεῖν ποιῆσαι τοῖσ παραληψομένοισ τὴν ἀρχήν. σκοπεῖσθαι μέντοι φημὶ χρῆναι τοὺσ ἄνδρασ ἅπαντα μετὰ τοῦ συνεδρίου τῆσ βουλῆσ, ὥσπερ οἱ βασιλεῖσ ἐποίουν, καὶ μηδὲν πράττειν δίχα ὑμῶν καὶ τὰ δόξαντα τῇ βουλῇ φέρειν εἰσ τὸν δῆμον, ὡσ τοῖσ προγόνοισ ἡμῶν ποιεῖν ἔθοσ ἦν, μηδενὸσ ἀφαιρουμένουσ αὐτὸν ὧν ἐν τοῖσ πρότερον καιροῖσ κύριοσ ἦν.

οὕτω γὰρ αὐτοῖσ ἀσφαλέστατα καὶ κάλλιστα ἕξει τὰ τῆσ ἀρχῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 75

(디오니시오스, Antiquitates Romanae, Books IV-VI, book 4, chapter 75)

상위

목록

SEARCH

MENU NAVIGATION