헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 70)

τότε δ’ ὡσ ἤκουσε τοῦ Οὐαλερίου τὰ συμβάντα τῇ Λουκρητίᾳ καὶ τὴν ἀναίρεσιν αὐτῆσ διηγουμένου τὰσ χεῖρασ ἀνατείνασ εἰσ τὸν οὐρανὸν εἶπεν· ὦ Ζεῦ καὶ θεοὶ πάντεσ, ὅσοι τὸν ἀνθρώπινον ἐπισκοπεῖτε βίον, ἆρά γ’ ὁ καιρὸσ ἐκεῖνοσ ἥκει νῦν, ὃν ἐγὼ περιμένων ταύτην τοῦ βίου τὴν προσποίησιν ἐφύλαττον; ἆρα πέπρωται Ῥωμαίοισ ὑπ’ ἐμοῦ καὶ δι’ ἐμὲ τῆσ ἀφορήτου τυραννίδοσ ἀπαλλαγῆναι; ταῦτ’ εἰπὼν ἐχώρει κατὰ σπουδὴν ἐπὶ τὴν οἰκίαν ἅμα τῷ Κολλατίνῳ τε καὶ Οὐαλερίῳ.

νεκρὰν κατεφίλει καὶ ἀνεκαλεῖτο καὶ διελέγετο πρὸσ αὐτὴν ὥσπερ ζῶσαν ἔξω τοῦ φρονεῖν γεγονὼσ ὑπὸ τοῦ κακοῦ.

πολλὰ δ’ αὐτοῦ κατολοφυρομένου καὶ τοῦ πατρὸσ ἐν μέρει καὶ τῆσ οἰκίασ ὅλησ κλαυθμῷ καὶ θρήνοισ κατεχομένησ βλέψασ εἰσ αὐτοὺσ ὁ Βροῦτοσ λέγει· μυρίουσ ἕξετε καιρούσ, ὦ Λουκρήτιε καὶ Κολλατῖνε καὶ πάντεσ ὑμεῖσ οἱ τῇ γυναικὶ προσήκοντεσ, ἐν οἷσ αὐτὴν κλαύσετε, νυνὶ δ’ ὡσ τιμωρήσομεν αὐτῇ, σκοπῶμεν·

τοῦτο γὰρ ὁ παρὼν καιρὸσ ἀπαιτεῖ.

ἐδόκει ταῦτ’ εἰκότα λέγειν, καὶ καθεζόμενοι καθ’ ἑαυτοὺσ τόν τ’ οἰκετικὸν καὶ θητικὸν ὄχλον ἐκποδῶν μεταστήσαντεσ ἐβουλεύοντο, τί χρὴ πράττειν. πρῶτοσ δ’ ὁ Βροῦτοσ ἀρξάμενοσ ὑπὲρ ἑαυτοῦ λέγειν, ὅτι τὴν δοκοῦσαν τοῖσ πολλοῖσ μωρίαν οὐκ εἶχεν ἀληθινήν, ἀλλ’ ἐπίθετον, καὶ τὰσ αἰτίασ εἰπών, δι’ ἃσ τὸ προσποίημα τοῦθ’ ὑπέμεινε, καὶ δόξασ ἁπάντων ἀνθρώπων εἶναι φρονιμώτατοσ, μετὰ τοῦτ’ ἔπειθεν αὐτοὺσ τὴν αὐτὴν γνώμην ἅπαντασ λαβόντασ ἐξελάσαι Ταρκύνιόν τε καὶ τοὺσ παῖδασ ἐκ τῆσ πόλεωσ, πολλὰ καὶ ἐπαγωγὰ εἰσ τοῦτο διαλεχθείσ. ἐπεὶ δὲ πάντασ εἶδεν ἐπὶ τῆσ αὐτῆσ γνώμησ ὄντασ οὐ λόγων ἔφη δεῖν οὐδ’ ὑποσχέσεων, ἀλλ’ ἔργων, εἴ τι τῶν δεόντων μέλλει γενήσεσθαι· ἄρξειν δὲ τούτων αὐτὸσ ἔφη.

ταῦτ’ εἰπὼν καὶ λαβὼν τὸ ξιφίδιον, ᾧ διεχρήσατο ἑαυτὴν ἡ γυνή, καὶ τῷ πτώματι προσελθὼν αὐτῆσ·

ἔτι γὰρ ἔκειτο ἐν φανερῷ θέαμα οἴκτιστον· ὤμοσε τόν τ’ Ἄρη καὶ τοὺσ ἄλλουσ θεοὺσ πᾶν ὅσον δύναται πράξειν ἐπὶ καταλύσει τῆσ Ταρκυνίων δυναστείασ, καὶ οὔτ’ αὐτὸσ διαλλαγήσεσθαι πρὸσ τοὺσ τυράννουσ οὔτε τοῖσ διαλλαττομένοισ ἐπιτρέψειν, ἀλλ’ ἐχθρὸν ἡγήσεσθαι τὸν μὴ ταὐτὰ βουλόμενον καὶ μέχρι θανάτου τῇ τυραννίδι καὶ τοῖσ συναγωνιζομένοισ αὐτῇ διεχθρεύσειν. εἰ δὲ παραβαίη τὸν ὁρ́κον τοιαύτην αὑτῷ τελευτὴν ἠράσατο τοῦ βίου γενέσθαι καὶ τοῖσ αὑτοῦ παισίν, οἱάσ ἔτυχεν ἡ γυνή.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 70

(디오니시오스, Antiquitates Romanae, Books IV-VI, book 4, chapter 70)

상위

목록

SEARCH

MENU NAVIGATION