헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 42)

ἐπεὶ δ’ ἐγκρατῶσ ἤδη κατέχειν ὑπελάμβανε τὴν ἀρχήν, παρασκευάσασ ἐκ τῶν ἑταίρων τοὺσ πονηροτάτουσ δι’ ἐκείνων ἦγεν εἰσ ἐγκλήματα καὶ θανάτου δίκασ πολλοὺσ τῶν ἐπιφανῶν· πρώτουσ μὲν τοὺσ ἐχθρῶσ διακειμένουσ πρὸσ αὐτόν, οἷσ οὐκ ἦν βουλομένοισ Τύλλιον ἐκ τῆσ ἀρχῆσ ἐκπεσεῖν· ἔπειτα καὶ τῶν ἄλλων, οὓσ ὑπελάμβανε βαρεῖαν ἡγεῖσθαι τὴν μεταβολὴν καὶ οἷσ πολὺσ πλοῦτοσ ἦν. μάλιστα δ’ ἐπιβουλεύειν αἰτιώμενοι τῷ βασιλεῖ, κατηγόρουν ἐπ’ αὐτῷ δικαστῇ.

ὁ δὲ τῶν μὲν θάνατον κατεδίκαζε, τῶν δὲ φυγήν, καὶ τὰ χρήματα τούσ τ’ ἀναιρουμένουσ καὶ τοὺσ ἐξελαυνομένουσ ἀφαιρούμενοσ τοῖσ μὲν κατηγόροισ μικράν τινα μοῖραν ἀπέθυεν, αὐτὸσ δὲ τὰ πλείω κατεῖχεν. ἔμελλον δ’ ἄρα πολλοὶ τῶν δυνατῶν, πρὶν ἁλῶναι τὰσ ἐπαγομένασ σφίσι δίκασ, εἰδότεσ ὧν ἕνεκεν ἐπεβουλεύοντο, καταλείψειν τῷ τυράννῳ τὴν πόλιν ἑκόντεσ καὶ πολλῷ πλείονεσ ἐγένοντο τῶν ἑτέρων.

ἦσαν δέ τινεσ, οἳ καὶ κρύφα διεφθάρησαν ὑπ’ αὐτοῦ κατ’ οἰκίασ τε καὶ ἐπ’ ἀγρῶν ἀναρπαζόμενοι, λόγου ἄξιοι ἄνδρεσ, ὧν οὐδὲ τὰ σώματα ἐφάνη. ἐπεὶ δὲ διέφθειρε τὸ κράτιστον τῆσ βουλῆσ μέροσ θανάτοισ τε καὶ ἀειφυγίαισ, ἑτέραν βουλὴν αὐτὸσ κατεστήσατο παραγαγὼν ἐπὶ τὰσ τῶν ἐκλιπόντων τιμὰσ τοὺσ ἰδίουσ ἑταίρουσ.

καὶ οὐδὲ τούτοισ μέντοι τοῖσ ἀνδράσιν οὔτε πράττειν ἐπέτρεπεν οὐδὲν οὔτε λέγειν ὅ τι μὴ κελεύσειεν αὐτόσ. ὥσθ’ ὁπόσοι κατελείφθησαν ἐν τῷ συνεδρίῳ βουλευταὶ τῶν ἐπὶ Τυλλίου καταλεγέντων, διάφοροι τοῖσ δημοτικοῖσ τέωσ ὄντεσ καὶ τὴν μεταβολὴν τῆσ πολιτείασ ἐπὶ τῷ σφετέρῳ νομίζοντεσ ἀγαθῷ γενήσεσθαι·

τοιαύτασ γὰρ αὐτοῖσ ὑπέτεινεν ὁ Ταρκύνιοσ ὑποσχέσεισ ἐξαπατῶν καὶ φενακίζων·

τότε μαθόντεσ, ὅτι τῶν κοινῶν οὐδενὸσ ἔτι μετεῖχον, ἀλλὰ καὶ αὐτοὶ τὴν παρρησίαν ἅμα τοῖσ δημοτικοῖσ ἀφῃρέθησαν, ὠδύροντο μὲν καὶ τὰ μέλλοντα τῶν παρόντων δεινότερα ὑπώπτευον, στέργειν δὲ τὰ παρόντα ἠναγκάζοντο δύναμιν οὐκ ἔχοντεσ κωλύειν τὰ πραττόμενα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 42

(디오니시오스, Antiquitates Romanae, Books IV-VI, book 4, chapter 42)

상위

목록

SEARCH

MENU NAVIGATION