헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 40)

τοιαύτησ τελευτῆσ ἔτυχε Τύλλιοσ ἔτη τετταράκοντα καὶ τέτταρα τὴν βασιλείαν κατασχών. τοῦτον τὸν ἄνδρα λέγουσι Ῥωμαῖοι πρῶτον τὰ πάτρια ἔθη καὶ νόμιμα κινῆσαι, τὴν ἀρχὴν λαβόντα οὐ παρὰ τῆσ βουλῆσ καὶ τοῦ δήμου, καθάπερ οἱ πρὸ αὐτοῦ πάντεσ, ἀλλὰ παρὰ μόνου τοῦ δήμου, δεκασμοῖσ δὲ καὶ ἄλλαισ πολλαῖσ κολακείαισ ἐκθεραπεύσαντα τοὺσ ἀπόρουσ· καὶ ἔχει τἀληθὲσ οὕτωσ. ἐν γὰρ τοῖσ πρότερον χρόνοισ, ὁπότε βασιλεὺσ ἀποθάνοι, τὴν μὲν ἐξουσίαν ὁ δῆμοσ ἐδίδου τῷ συνεδρίῳ τῆσ βουλῆσ, οἱάν προέλοιτο καταστήσασθαι πολιτείαν·

ἡ δὲ βουλὴ μεσοβασιλεῖσ ἀπεδείκνυεν· ἐκεῖνοι δὲ τὸν ἄριστον ἄνδρα, εἴτ’ ἐκ τῶν ἐπιχωρίων, εἴτ’ ἐκ τῶν ξένων, βασιλέα καθίστασαν. εἰ μὲν οὖν ἥ τε βουλὴ τὸν αἱρεθέντα ὑπ’ αὐτῶν ἐδοκίμασε, καὶ ὁ δῆμοσ ἐπεψήφισε καὶ τὰ μαντεύματα ἐπεκύρωσε, παρελάμβανεν οὗτοσ τὴν ἀρχήν· ἐλλείποντοσ δέ τινοσ τούτων ἕτερον ὠνόμαζον, καὶ τρίτον, εἰ μὴ συμβαίη μηδὲ τῷ δευτέρῳ τά τε παρ’ ἀνθρώπων καὶ τὰ παρὰ τῶν θεῶν ἀνεπίληπτα.

ὁ δὲ Τύλλιοσ ἐπιτρόπου βασιλικοῦ σχῆμα κατ’ ἀρχὰσ λαβών, ὡσ εἴρηταί μοι πρότερον, ἔπειτα φιλανθρωπίαισ τισὶ τὸν δῆμον οἰκειωσάμενοσ ὑπ’ ἐκείνου βασιλεὺσ ἀπεδείχθη μόνου.

ἐπιεικὴσ δὲ καὶ μέτριοσ ἀνὴρ γενόμενοσ ἔλυσε τὰσ ἐπὶ τῷ μὴ πάντα τὰ κατὰ τοὺσ νόμουσ πρᾶξαι. διαβολὰσ τοῖσ μετὰ ταῦτ’ ἔργοισ, παρέσχε τε πολλοῖσ ὑπόληψιν ὡσ, εἰ μὴ θᾶττον ἀνῃρέθη, μεταστήσων τὸ σχῆμα τῆσ πολιτείασ εἰσ δημοκρατίαν. καὶ ἐπὶ ταύτῃ μάλιστα τῇ αἰτίᾳ λέγεται τῶν πατρικίων αὐτῷ τινασ συνεπιβουλεῦσαι·

ἐπειλημμένον ἐκ τῆσ Τυλλίου πολιτείασ, καὶ τὴν ἰδίαν ἀξίωσιν, ἣν πρότερον εἶχον, ἀναλαβεῖν.

θορύβου δὲ γενομένου πολλοῦ κατὰ τὴν πόλιν ὅλην καὶ οἰμωγῆσ ἐπὶ τῷ Τυλλίου θανάτῳ δείσασ ὁ Ταρκύνιοσ, εἰ διὰ τῆσ ἀγορᾶσ ὁ νεκρὸσ φέροιτο, ὡσ ἔστι Ῥωμαίοισ ἔθοσ, τόν τε βασίλειον κόσμον ἔχων καὶ τἆλλ’, ὅσα νόμοσ ἐπὶ ταφαῖσ βασιλικαῖσ μή τισ εἰσ ἑαυτὸν ὁρμὴ γένηται τοῦ δημοτικοῦ, πρὶν ἢ βεβαίωσ κρατύνασθαι τὴν ἀρχήν, οὐκ εἰάσε τῶν νομίμων οὐδὲν αὐτῷ γενέσθαι·

ἀλλ’ ἡ γυνὴ τοῦ Τυλλίου σὺν ὀλίγοισ τισὶ τῶν φίλων, Ταρκυνίου θυγάτηρ οὖσα τοῦ προτέρου βασιλέωσ, νυκτὸσ ἐκκομίζει τὸ σῶμα τῆσ πόλεωσ, ὡσ τῶν ἐπιτυχόντων τινόσ· καὶ πολλὰ μὲν τὸν ἑαυτῆσ καὶ ἐκείνου δαίμονα κατοδυραμένη, μυρίασ δὲ κατάρασ τῷ τε γαμβρῷ καὶ τῇ θυγατρὶ καταρασαμένη κρύπτει γῇ τὸ σῶμα. ἀπελθοῦσα δ’ ἀπὸ τοῦ σήματοσ οἴκαδε καὶ μίαν ἡμέραν ἐπιβιώσασα μετὰ τὴν ταφὴν τῇ κατόπιν νυκτὶ ἀποθνήσκει.

τοῦ θανάτου δ’ ὁ τρόποσ, ὅστισ ἦν, ἠγνοεῖτο τοῖσ πολλοῖσ·

ἔλεγον δ’ οἱ μὲν ὑπὸ λύπησ αὐτοχειρίᾳ τὸ ζῆν προεμένην αὐτὴν ἀποθανεῖν· οἱ δ’ ὑπὸ τοῦ γαμβροῦ καὶ τῆσ θυγατρὸσ ἀναιρεθῆναι τῆσ εἰσ τὸν ἄνδρα συμπαθείασ τε καὶ εὐνοίασ ἕνεκα. ταφῆσ μὲν οὖν βασιλικῆσ καὶ μνήματοσ ἐπιφανοῦσ διὰ ταύτασ τὰσ αἰτίασ οὐκ ἐξεγένετο τυχεῖν τῷ Τυλλίου σώματι, μνήμησ δ’ αἰωνίου τοῖσ ἔργοισ αὐτοῦ παρὰ πάντα τὸν χρόνον ὑπάρχει τυγχάνειν. ἐδήλωσε δέ τι καὶ ἄλλο δαιμόνιον ἔργον, ὅτι θεοφιλὴσ ἦν ἁνήρ, ἐξ οὗ καὶ ἡ περὶ τῆσ γενέσεωσ αὐτοῦ μυθικὴ καὶ ἄπιστοσ ὑπόληψισ, ὥσπερ εἴρηταί μοι πρότερον, ἀληθὴσ εἶναι ὑπὸ πολλῶν ἐπιστεύθη.

ἐν γὰρ τῷ ναῷ τῆσ Τύχησ, ὃν αὐτὸσ κατεσκεύασεν, εἰκὼν αὐτοῦ κειμένη ξυλίνη κατάχρυσοσ ἐμπρήσεωσ γενομένησ καὶ τῶν ἄλλων ἁπάντων διαφθαρέντων μόνη διέμεινεν οὐδὲν λωβηθεῖσα ὑπὸ τοῦ πυρόσ. καὶ ἔτι νῦν ὁ μὲν νεὼσ καὶ τὰ ἐν αὐτῷ πάντα, ὅσα μετὰ τὴν ἔμπρησιν εἰσ τὸν ἀρχαῖον κόσμον ἐπετελέσθη φανερά, ὅτι τῆσ καινῆσ ἐστι τέχνησ, ἡ δ’ εἰκών, οἱά πρότερον ἦν, ἀρχαικὴ τὴν κατασκευήν· διαμένει γὰρ ἔτι σεβασμοῦ τυγχάνουσα ὑπὸ Ῥωμαίων.

καὶ περὶ μὲν Τυλλίου τοσαῦτα παρελάβομεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 40

(디오니시오스, Antiquitates Romanae, Books IV-VI, book 4, chapter 40)

상위

목록

SEARCH

MENU NAVIGATION