헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 31)

λέγει πρὸσ αὐτὸν ὁ Ταρκύνιοσ· βραχύσ ἐστιν ὁ παρ’ ἐμοῦ λόγοσ, ὦ Τύλλιε, καὶ δίκαιοσ· καὶ διὰ τοῦτο προειλόμην αὐτὸν εἰσ τούτουσ ἐκφέρειν. Ταρκύνιοσ ἐμὸσ ὢν πάπποσ ἐκτήσατο τὴν Ῥωμαίων ἀρχὴν πολλοὺσ καὶ μεγάλουσ ἀγῶνασ ὑπὲρ αὐτῆσ ἀράμενοσ· ἐκείνου τελευτήσαντοσ ἐγὼ διάδοχόσ εἰμι κατὰ τοὺσ κοινοὺσ ἁπάντων Ἑλλήνων τε καὶ βαρβάρων νόμουσ· καὶ προσήκει μοι καθάπερ καὶ τοῖσ ἄλλοισ τοῖσ διαδεχομένοισ τὰ παππῷα, μὴ μόνον τῶν χρημάτων, ἀλλὰ καὶ τῆσ βασιλείασ αὐτοῦ κληρονομεῖν. σὺ δὲ τὰ μὲν χρήματα τὰ καταλειφθέντα ὑπ’ αὐτοῦ παραδέδωκάσ μοι, τὴν δὲ βασιλείαν ἀποστερεῖσ με καὶ τοσοῦτον ἤδη κατέχεισ χρόνον, οὐκ ἐκ τοῦ δικαίου λαβών· οὔτε γὰρ μεσοβασιλεῖσ σε ἀπέδειξαν, οὔτε ἡ βουλὴ ψῆφον ὑπὲρ σοῦ διήνεγκεν, οὔτε ἀρχαιρεσίαισ νομίμοισ τῆσ ἐξουσίασ ταύτησ ἔτυχεσ, ὡσ ὁ πάπποσ τε οὑμὸσ καὶ πάντεσ οἱ πρὸ αὐτοῦ γενόμενοι βασιλεῖσ·

παραδώσειν ὄντι πρεσβυτέρῳ τὴν ἀρχήν.

ἐχρῆν μὲν οὖν σε, εἰ τὰ δίκαια ποιεῖν ἤθελεσ, ὅτε μοι τὸν οἶκον τοῦ πάππου παρεδίδουσ, ἅμα τοῖσ χρήμασι καὶ τὴν βασιλείαν ἀποδεδωκέναι παραδείγμασι χρώμενον τοῖσ τῶν καλῶν καὶ ἀγαθῶν ἐπιτρόπων ἔργοισ, ὅσοι βασιλικοὺσ παῖδασ ὀρφανοὺσ πατέρων παραλαβόντεσ εἰσ ἄνδρασ ἐλθοῦσιν ὀρθῶσ καὶ δικαίωσ τὰσ πατρῴασ καὶ προγονικὰσ ἀπέδωκαν ἀρχάσ· εἰ δὲ μήπω σοι φρονεῖν τὰ καθήκοντα ἐφαινόμην, ἀλλ’ ἔτι διὰ τὸ νέον τῆσ ἡλικίασ οὐχ ἱκανὸσ εἶναι πόλιν τηλικαύτην διοικεῖν, ὅτ’ εἰσ τὴν κρατίστην παρεγενόμην τοῦ σώματοσ καὶ τῆσ φρονήσεωσ ἀκμὴν τριάκοντα γεγονὼσ ἔτη, μετὰ τοῦ γάμου τῆσ θυγατρὸσ καὶ τὰ τῆσ πόλεωσ ἐγχειρίσαι πράγματα·

ταύτην γέ τοι τὴν ἡλικίαν ἔχων καὶ σὺ τόν τ’ οἶκον τὸν ἡμέτερον ἐπιτροπεύειν ἤρξω καὶ τῆσ βασιλείασ ἐπιμελεῖσθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 31

(디오니시오스, Antiquitates Romanae, Books IV-VI, book 4, chapter 31)

상위

목록

SEARCH

MENU NAVIGATION