헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 21

(디오니시오스, Antiquitates Romanae, Books IV-VI, book 4, chapter 21)

τοῦτο τὸ πολίτευμα καταστησάμενοσ καὶ πλεονέκτημα τοῖσ πλουσίοισ τηλικοῦτο δοὺσ ἔλαθε τὸν δῆμον, ὥσπερ ἔφην, καταστρατηγήσασ καὶ τοὺσ πένητασ ἀπελάσασ τῶν κοινῶν. ὑπελάμβανον μὲν γὰρ ἅπαντεσ ἴσον ἔχειν τῆσ πολιτείασ μέροσ κατ’ ἄνδρα διερωτώμενοι τὰσ γνώμασ ἐν τοῖσ ἰδίοισ ἕκαστοι λόχοισ, ἐξηπατῶντο δὲ τῷ μίαν εἶναι ψῆφον ὅλου τοῦ λόχου τοῦ τ’ ὀλίγουσ ἔχοντοσ ἐν αὑτῷ πολίτασ καὶ τοῦ πάνυ πολλούσ· καὶ τῷ πρώτουσ ἐπιφέρειν ψῆφον τοὺσ τὸ μέγιστον ἔχοντασ τίμημα λόχουσ, πλείουσ μὲν ὄντασ τῶν ὑπολειπομένων, ἐλάττονα δ’ ἀριθμὸν ἀνθρώπων ἔχοντασ· μάλιστα δὲ τῷ τοὺσ ἀπόρουσ μίαν ψῆφον ἔχειν πολλοὺσ ὄντασ καὶ τελευταίουσ καλεῖσθαι. γενομένου δὲ τούτου τοῖσ μὲν πλουσίοισ τοῖσ πολλὰ δαπανωμένοισ καὶ μηδεμίαν ἀνάπαυσιν τῶν πολεμικῶν κινδύνων λαμβάνουσιν ἧττον ἐσῄει βαρύνεσθαι κυρίοισ τε γεγονόσι τῶν μεγίστων καὶ πᾶν τὸ κράτοσ ἀφῃρημένοισ τῶν μὴ ταὐτὰ ποιούντων·

τοῖσ δὲ πένησι τοῖσ πολλοστὴν ἔχουσι τῶν πολιτικῶν μοῖραν εὐλογίστωσ καὶ πρᾴωσ φέρειν τὴν ἐν τούτοισ ἐλάττωσιν, ἀφειμένοισ τῶν εἰσφορῶν καὶ τῶν στρατειῶν·

τῇ δὲ πόλει τοὺσ αὐτοὺσ ἔχειν τοὺσ βουλευσομένουσ θ’ ὑπὲρ αὐτῆσ ἃ δεῖ, καὶ τοὺσ τῶν κινδύνων πλεῖστον τῶν ἄλλων μεταλαχόντασ καὶ πράξοντασ ὅσα δεῖ. οὗτοσ ὁ κόσμοσ τοῦ πολιτεύματοσ ἐπὶ πολλὰσ διέμεινε γενεὰσ φυλαττόμενοσ ὑπὸ Ῥωμαίων·

ἀρχαίαν ἀκρίβειαν φυλαττούσησ, ὡσ ἔγνων ταῖσ ἀρχαιρεσίαισ αὐτῶν πολλάκισ παρών.

ἀλλ’ ὑπὲρ μὲν τούτων οὐχ ὁ παρὼν καιρὸσ ἁρμόττων τοῖσ λόγοισ.