헬라어 문장 검색 - Διοδορ́Λιβραρψ́7́47́

(디오도로스 시켈로스, Library, book xiv, chapter 83)

Λακεδαιμόνιοι δ’ ὁρῶντεσ τὰσ μεγίστασ τῶν κατὰ τὴν Ἑλλάδα πόλεων ἐφ’ ἑαυτοὺσ συνισταμένασ, ἐψηφίσαντο τόν τε Ἀγησίλαον ἐκ τῆσ Ἀσίασ μεταπέμψασθαι καὶ τὴν μετ’ αὐτοῦ δύναμιν, αὐτοὶ δὲ ἐν τοσούτῳ παρά τε σφῶν καὶ τῶν συμμάχων ἀθροίσαντεσ πεζοὺσ μὲν δισμυρίουσ τρισχιλίουσ, ἱππεῖσ δὲ πεντακοσίουσ, ἀπήντησαν τοῖσ πολεμίοισ. γενομένησ δὲ παρατάξεωσ παρὰ τὸν Νεμέαν ποταμὸν μέχρι νυκτόσ, ἑκατέρων προετέρησε τὰ μέρη τοῦ στρατεύματοσ·

καὶ τῶν μὲν Λακεδαιμονίων καὶ τῶν συμμάχων ἔπεσον ἑκατὸν πρὸσ τοῖσ χιλίοισ, Βοιωτῶν δὲ καὶ τῶν ἄλλων συμμάχων περὶ δισχιλίουσ ὀκτακοσίουσ. Ἀγησίλαοσ δὲ τὴν δύναμιν ἐκ τῆσ Ἀσίασ διαβιβάσασ εἰσ τὴν Εὐρώπην, τὸ μὲν πρῶτον Θρᾳκῶν τινων ἀπαντησάντων αὐτῷ πολλῇ στρατιᾷ, μάχῃ τε ἐνίκησε καὶ τοὺσ πλείστουσ τῶν βαρβάρων ἀνεῖλε·

μετὰ δὲ ταῦτα διὰ Μακεδονίασ τὴν πορείαν ἐποιεῖτο, τὴν αὐτὴν διεξιὼν χώραν ἣν καὶ Ξέρξησ ἐπορεύθη, καθ’ ὃν καιρὸν ἐστράτευσεν ἐπὶ τοὺσ Ἕλληνασ. Ἀγησίλαοσ μὲν οὖν διὰ Μακεδονίασ καὶ Θετταλίασ πορευθείσ, ὡσ διῆλθε τὰ περὶ Θερμοπύλασ στενά, τὴν πορείαν ἐποιεῖτο.

Κόνων δὲ ὁ Ἀθηναῖοσ καὶ Φαρνάβαζοσ ἀφηγοῦντο μὲν τοῦ βασιλικοῦ στόλου, διέτριβον δὲ περὶ Λώρυμα τῆσ Χερρονήσου, τριήρεισ ἔχοντεσ πλείουσ τῶν ἐνενήκοντα. πυθόμενοι δὲ ἐν Κνίδῳ τὸ ναυτικὸν τῶν πολεμίων εἶναι, τὰ πρὸσ τὴν ναυμαχίαν παρεσκευάζοντο.

Πείσανδροσ δ’ ὁ τῶν Λακεδαιμονίων ναύαρχοσ ἐξέπλευσεν ἐκ τῆσ Κνίδου τριήρεσιν ὀγδοήκοντα πέντε, καὶ κατηνέχθη πρὸσ Φύσκον τῆσ Χερρονήσου. ἐκεῖθεν δ’ ἐκπλεύσασ περιέπεσε τῷ στόλῳ τοῦ βασιλέωσ, καὶ ταῖσ μὲν προπλεούσαισ ναυσὶ συμβαλὼν προετέρει, τῶν δὲ Περσῶν ἅμα ταῖσ τριήρεσιν ἀθρόαισ παραβοηθησάντων, ἐπειδὴ πάντεσ οἱ σύμμαχοι πρὸσ τὴν γῆν ἔφυγον, τὴν ἰδίαν ναῦν ἐπέστρεψεν, αἰσχρὸν εἶναι νομίσασ καὶ τῆσ Σπάρτησ ἀνάξιον τὸ φυγεῖν ἀγεννῶσ.

ἀγωνισάμενοσ δὲ λαμπρῶσ καὶ πολλοὺσ τῶν πολεμίων ἀνελών, τὸ τελευταῖον ἀξίωσ τῆσ πατρίδοσ ἀνῃρέθη μαχόμενοσ.

οἱ δὲ περὶ τὸν Κόνωνα μέχρι τῆσ γῆσ καταδιώξαντεσ τοὺσ Λακεδαιμονίουσ πεντήκοντα μὲν τριήρων ἐκυρίευσαν, τῶν δ’ ἀνδρῶν οἱ πλεῖστοι μὲν ἐκκολυμβήσαντεσ κατὰ γῆν ἔφυγον, ἑάλωσαν δὲ περὶ πεντακοσίουσ· αἱ δὲ λοιπαὶ τριήρεισ εἰσ Κνίδον διεσώθησαν. Ἀγησίλαοσ δὲ προσλαβόμενοσ ἐκ Πελοποννήσου στρατιώτασ, ἐπειδὴ μετὰ τῆσ δυνάμεωσ ἐπέβαινεν εἰσ Βοιωτίαν, εὐθὺσ οἱ Βοιωτοὶ μετὰ τῶν συμμάχων ἀπήντησαν εἰσ Κορώνειαν.

γενομένησ δὲ παρατάξεωσ Θηβαῖοι μὲν τὸ καθ’ αὑτοὺσ μέροσ τρεψάμενοι μέχρι τῆσ παρεμβολῆσ κατεδίωξαν, οἱ δ’ ἄλλοι μικρὸν ἀντισχόντεσ χρόνον ὑπ’ Ἀγησιλάου καὶ τῶν ἄλλων φυγεῖν ἠναγκάσθησαν. διὸ καὶ νενικηκέναι τῇ μάχῃ Λακεδαιμόνιοι διαλαβόντεσ ἔστησαν τρόπαιον καὶ τοὺσ νεκροὺσ τοῖσ πολεμίοισ ὑποσπόνδουσ ἀπέδωκαν.

ἀπέθανον δὲ τῶν Βοιωτῶν καὶ τῶν συμμάχων πλείουσ τῶν ἑξακοσίων, Λακεδαιμονίων δὲ καὶ τῶν συναγωνισαμένων τριακόσιοι πεντήκοντα· καὶ αὐτὸσ Ἀγησίλαοσ πολλοῖσ περιπεπτωκὼσ τραύμασιν εἰσ Δελφοὺσ ἐκομίσθη, κἀκεῖ τὴν ἐπιμέλειαν τοῦ σώματοσ ἐποιεῖτο. Φαρνάβαζοσ δὲ καὶ Κόνων μετὰ τὴν ναυμαχίαν ἀνήχθησαν ἁπάσαισ ταῖσ ναυσὶν ἐπὶ τοὺσ τῶν Λακεδαιμονίων συμμάχουσ.

καὶ πρῶτον μὲν Κῴουσ ἀπέστησαν, εἶτα Νισυρίουσ καὶ Τηίουσ. μετὰ δὲ ταῦτα Χῖοι τὴν φρουρὰν ἐκβαλόντεσ προσέθεντο τοῖσ περὶ Κόνωνα· παραπλησίωσ δὲ μετέβαλον καὶ Μιτυληναῖοι καὶ Ἐφέσιοι καὶ Ἐρυθραῖοι. τοιαύτη δὲ τῆσ μεταστάσεωσ σπουδή τισ εἰσ τὰσ πόλεισ ἐνέπεσεν, ὧν αἱ μὲν ἐκβάλλουσαι τὰσ φρουρὰσ τῶν Λακεδαιμονίων τὴν ἐλευθερίαν διεφύλαττον, αἱ δὲ τοῖσ περὶ Κόνωνα προσετίθεντο.

καὶ Λακεδαιμόνιοι μὲν ἀπὸ τούτου τοῦ χρόνου τὴν κατὰ θάλατταν ἀρχὴν ἀπέβαλον, οἱ δὲ περὶ Κόνωνα κρίναντεσ παντὶ τῷ στόλῳ πλεῖν ἐπὶ τὴν Ἀττικὴν ἀνέζευξαν, καὶ τὰσ Κυκλάδασ νήσουσ προσαγαγόμενοι κατέπλευσαν ἐπὶ Κύθηρα τὴν νῆσον. εὐθὺ δὲ ταύτησ ἐξ ἐφόδου κυριεύσαντεσ τοὺσ μὲν Κυθηρίουσ ὑποσπόνδουσ ἐξέπεμψαν εἰσ τὴν Λακωνικήν, αὐτοὶ δὲ καταλιπόντεσ τῆσ πόλεωσ τὴν ἱκανὴν φρουρὰν ἔπλεον ἐπὶ Κορίνθου.

ἐκεῖ δὲ καταπλεύσαντεσ τοῖσ συνέδροισ διελέχθησαν ὑπὲρ ὧν ἤθελον, καὶ συμμαχίαν ποιησάμενοι τούτοισ μὲν χρήματα κατέλιπον, αὐτοὶ δ’ εἰσ τὴν Ἀσίαν ἐξέπλευσαν. περὶ δὲ τὸν αὐτὸν χρόνον Αἔροποσ ὁ τῶν Μακεδόνων βασιλεὺσ ἐτελεύτησε νόσῳ, βασιλεύσασ ἔτη ἕξ·

τὴν δ’ ἡγεμονίαν διαδεξάμενοσ Παυσανίασ υἱὸσ ἦρξεν ἐνιαυτόν. Θεόπομποσ δ’ ὁ Χῖοσ τὴν τῶν Ἑλληνικῶν σύνταξιν κατέστροφεν εἰσ τοῦτον τὸν ἐνιαυτὸν καὶ εἰσ τὴν περὶ Κνίδον ναυμαχίαν, γράψασ βύβλουσ δώδεκα.

ὁ δὲ συγγραφεὺσ οὗτοσ ἦρκται μὲν ἀπὸ τῆσ περὶ Κυνὸσ σῆμα ναυμαχίασ, εἰσ ἣν Θουκυδίδησ κατέληξε τὴν πραγματείαν, ἔγραψε δὲ χρόνον ἐτῶν δεκαεπτά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xiv, chapter 83

(디오도로스 시켈로스, Library, book xiv, chapter 83)

상위

목록

SEARCH

MENU NAVIGATION