헬라어 텍스트

Diodorus Siculus, Library, book xiv, chapter 6

(디오도로스 시켈로스, Library, book xiv, chapter 6)

Λακεδαιμόνιοι δὲ ταπεινὴν τὴν πόλιν τῶν Ἀθηναίων ὁρῶντεσ, οὐδέποτε ἰσχῦσαι βουλόμενοι τοὺσ Ἀθηναίουσ, ἔχαιρον καὶ φανερὰν ἑαυτῶν ἐποίουν τὴν διάθεσιν· ἐψηφίσαντο γὰρ τοὺσ Ἀθηναίων φυγάδασ ἐξ ἁπάσησ τῆσ Ἑλλάδοσ ἀγωγίμουσ τοῖσ τριάκοντα εἶναι, τὸν δὲ κωλύσοντα πέντε ταλάντοισ ἔνοχον εἶναι. δεινοῦ δ’ ὄντοσ τοῦ ψηφίσματοσ, αἱ μὲν ἄλλαι πόλεισ καταπεπληγμέναι τὸ βάροσ τῶν Σπαρτιατῶν ὑπήκουον, Ἀργεῖοι δὲ πρῶτοι, μισοῦντεσ μὲν τὴν Λακεδαιμονίων ὠμότητα, κατελεοῦντεσ δὲ τὰσ τύχασ τῶν ἀκληρούντων, ὑπεδέχοντο φιλανθρώπωσ τοὺσ φυγάδασ.

καὶ Θηβαῖοι δὲ ἐψηφίσαντο ὑπάρχειν πρόστιμον τῷ θεασαμένῳ μὲν ἀγόμενον φυγάδα, μὴ βοηθήσαντι δὲ κατὰ τὸ δυνατόν.

τὰ μὲν οὖν περὶ Ἀθηναίουσ ἐν τούτοισ ἦν.