헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 18, chapter 65)

κατὰ δὲ τοῦτον τὸν καιρὸν ἧκεν ἐπιστολὴ Νικάνορι παρ’ Ὀλυμπιάδοσ, ἐν ᾗ προσέταττεν ἀποδοῦναι Ἀθηναίοισ τήν τε Μουνυχίαν καὶ τὸν Πειραιᾶ. ὁ δὲ Νικάνωρ ἀκούων ὅτι μέλλουσιν οἱ βασιλεῖσ καὶ Πολυπέρχων κατάγειν εἰσ Μακεδονίαν τὴν Ὀλυμπιάδα καὶ τοῦ τε παιδίου τὴν ἐπιμέλειαν ἐκείνῃ παραδιδόναι καὶ τὴν προϋπάρχουσαν ἀποδοχὴν καὶ τιμὴν Ἀλεξάνδρου ζῶντοσ ἀποκαθιστάναι Ὀλυμπιάδι, φοβηθεὶσ ἐπηγγείλατο μὲν παραδώσειν, ἀεὶ δὲ προφάσεισ τινὰσ ποιούμενοσ παρῆγε τὴν πρᾶξιν. οἱ δὲ Ἀθηναῖοι πεπολυωρηκότεσ ἐν τοῖσ ἔμπροσθεν χρόνοισ τὴν Ὀλυμπιάδα καὶ νομίσαντεσ τὰσ μὲν ταύτῃ δεδογμένασ τιμὰσ ὄντωσ γεγονέναι, τὴν δὲ ἀπόληψιν τῆσ αὐτονομίασ διὰ ταύτησ ἐλπίζοντεσ ἀκινδύνωσ ἔσεσθαι περιχαρεῖσ ἦσαν.

ἀτελέστων δ’ ἔτι τῶν ἐπαγγελιῶν οὐσῶν ᾗκεν Ἀλέξανδροσ ὁ Πολυπέρχοντοσ υἱὸσ μετὰ δυνάμεωσ εἰσ τὴν Ἀττικήν.

οἱ μὲν οὖν Ἀθηναῖοι διέλαβον αὐτὸν ἥκειν ἀποκαταστήσοντα τῷ δήμῳ τήν τε Μουνυχίαν καὶ τὸν Πειραιᾶ, τὸ δ’ ἀληθὲσ οὐχ οὕτωσ εἶχεν, ἀλλὰ τοὐναντίον αὐτὸσ ἰδίᾳ παραληψόμενοσ ἀμφότερα πρὸσ τὰσ ἐν τῷ πολέμῳ χρείασ. τῶν γὰρ Ἀντιπάτρῳ γεγονότων φίλων τινέσ, ὧν ὑπῆρχον καὶ οἱ περὶ Φωκίωνα, φοβούμενοι τὰσ ἐκ τῶν νόμων τιμωρίασ ὑπήντησαν τῷ Ἀλεξάνδρῳ καὶ διδάξαντεσ τὸ συμφέρον ἔπεισαν αὐτὸν ἰδίᾳ κατέχειν τὰ φρούρια καὶ μὴ παραδιδόναι τοῖσ Ἀθηναίοισ, μέχρι ἂν ὁ Κάσανδροσ καταπολεμηθῇ.

ὁ δὲ Ἀλέξανδροσ πλησίον τοῦ Πειραιῶσ καταστρατοπεδεύσασ τοὺσ μὲν Ἀθηναίουσ οὐ παρελάμβανε πρὸσ τὰσ ἐντεύξεισ τὰσ πρὸσ τὸν Νικάνορα, ἰδίᾳ δὲ συνιὼν εἰσ λόγουσ καὶ ἐν ἀπορρήτοισ διαπραττόμενοσ φανερὸσ ἦν ἀδικεῖν μέλλων τοὺσ Ἀθηναίουσ.

ὁ δὲ δῆμοσ εἰσ ἐκκλησίαν συνελθὼν τὰσ μὲν ὑπαρχούσασ ἀρχὰσ κατέλυσεν, ἐκ δὲ τῶν δημοτικωτάτων τὰ ἀρχεῖα καταστήσασ τοὺσ ἐπὶ τῆσ ὀλιγαρχίασ γεγονότασ ἄρχοντασ κατεδίκασε τοὺσ μὲν θανάτῳ, τοὺσ δὲ φυγῇ καὶ δημεύσει τῆσ οὐσίασ·

ἐν οἷσ ἦν καὶ Φωκίων ὁ ἐπ’ Ἀντιπάτρου τὴν τῶν ὅλων ἀρχὴν ἐσχηκώσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Bibliotheca Historica, Books XVIII-XX, book 18, chapter 65

(디오도로스 시켈로스, Bibliotheca Historica, Books XVIII-XX, book 18, chapter 65)

상위

목록

SEARCH

MENU NAVIGATION