헬라어 문장 검색 - ΠολψβίΗιστορί04́057́

(폴리비오스, Histories, book 4, chapter 57)

Καὶ τὰ μὲν περὶ Σινώπησ ἐν τούτοισ ἦν. ὁ δὲ βασιλεὺσ Φίλιπποσ, ἀναζεύξασ ἐκ Μακεδονίασ μετὰ τῆσ δυνάμεωσ ‐ ἐν γὰρ ταύταισ ταῖσ ἐπιβολαῖσ ἀπελίπαμεν ἄρτι τὸν συμμαχικὸν πόλεμον ‐ ὡρ́μησεν ἐπὶ Θετταλίασ καὶ τῆσ Ἠπείρου, σπεύδων ταύτῃ ποιήσασθαι τὴν εἰσβολὴν τὴν εἰσ Αἰτωλίαν. Ἀλέξανδροσ δὲ καὶ Δωρίμαχοσ κατὰ τὸν καιρὸν τοῦτον ἔχοντεσ πρᾶξιν κατὰ τῆσ τῶν Αἰγειρατῶν πόλεωσ, ἁθροίσαντεσ τῶν Αἰτωλῶν περὶ χιλίουσ καὶ διακοσίουσ εἰσ Οἰάνθειαν τῆσ Αἰτωλίασ, ἣ κεῖται καταντικρὺ τῆσ προειρημένησ πόλεωσ, καὶ πορθμεῖα τούτοισ ἑτοιμάσαντεσ, πλοῦν ἐτήρουν πρὸσ τὴν ἐπιβολήν.

πλεονάκισ παραβαλλόμενοσ καὶ διαβαίνων πρὸσ τοὺσ περὶ Δωρίμαχον ἐξεκέκλητο πρὸσ τὴν πρᾶξιν αὐτούσ, ἅτε λίαν οἰκείουσ ὄντασ τῶν τοιούτων ἐγχειρημάτων.

ἡ δὲ τῶν Αἰγειρατῶν πόλισ ἔκτισται μὲν τῆσ Πελοποννήσου κατὰ τὸν Κορινθιακὸν κόλπον μεταξὺ τῆσ Αἰγιέων καὶ Σικυωνίων πόλεωσ, κεῖται δ’ ἐπὶ λόφων ἐρυμνῶν καὶ δυσβάτων, νεύει δὲ τῇ θέσει πρὸσ τὸν Παρνασσὸν καὶ ταῦτα τὰ μέρη τῆσ ἀντίπερα χώρασ, ἀπέχει δὲ τῆσ θαλάττησ ὡσ ἑπτὰ στάδια.

παραπεσόντοσ δὲ πλοῦ τοῖσ περὶ τὸν Δωρίμαχον, ἀνήχθησαν καὶ καθορμίζονται νυκτὸσ ἔτι πρὸσ τὸν παρὰ τὴν πόλιν καταρρέοντα ποταμόν.

οἱ μὲν οὖν περὶ τὸν Ἀλέξανδρον καὶ Δωρίμαχον, ἅμα δὲ τούτοισ Ἀρχίδαμον τὸν Πανταλέοντοσ υἱόν, ἔχοντεσ περὶ αὑτοὺσ τὸ πλῆθοσ τῶν Αἰτωλῶν, προσέβαινον πρὸσ τὴν πόλιν κατὰ τὴν ἀπ’ Αἰγίου φέρουσαν ὁδόν.

ὁ δ’ αὐτόμολοσ, ἔχων εἴκοσι τοὺσ ἐπιτηδειοτάτουσ, διανύσασ ταῖσ ἀνοδίαισ τοὺσ κρημνοὺσ θᾶττον τῶν ἄλλων διὰ τὴν ἐμπειρίαν, καὶ διαδὺσ διά τινοσ ὑδρορροίασ, ἔτι κοιμωμένουσ κατέλαβε τοὺσ ἐπὶ τοῦ πυλῶνοσ.

κατασφάξασ δ’ αὐτοὺσ ἀκμὴν ἐν ταῖσ κοίταισ ὄντασ, καὶ διακόψασ τοῖσ πελέκεσι τοὺσ μοχλούσ, ἀνέῳξε τοῖσ Αἰτωλοῖσ τὰσ πύλασ.

οἱ δὲ παρεισπεσόντεσ λαμπρῶσ ἀπερινοήτωσ ἐχρήσαντο τοῖσ πράγμασιν.

ὃ καὶ παραίτιον ἐγένετο τοῖσ μὲν Αἰγειράταισ τῆσ σωτηρίασ, τοῖσ δ’ Αἰτωλοῖσ τῆσ ἀπωλείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 4, chapter 57

(폴리비오스, Histories, book 4, chapter 57)

상위

목록

SEARCH

MENU NAVIGATION