헬라어 문장 검색 - Παυσαν́Δεσξριπ́4́17́

(파우사니아스, Description of Greece, Μεσσηνιακά, chapter 17)

ἔστι δὲ Αἴγιλα τῆσ Λακωνικῆσ, ἔνθα ἱερὸν ἵδρυται ἅγιον Δήμητροσ. ἐνταῦθα ἐπιστάμενοσ ὁ Ἀριστομένησ καὶ οἱ σὺν αὐτῷ τὰσ γυναῖκασ ἀγούσασ ἑορτὴν ἀμύνεσθαι τῶν γυναικῶν οὐκ ἄνευ τῆσ θεοῦ προαχθεισῶν λαμβάνουσιν οἱ πολλοὶ τῶν Μεσσηνίων τραύματα μαχαίραισ τε, αἷσ τὰ ἱερεῖα αἱ γυναῖκεσ ἔθυον, καὶ ὀβελοῖσ, οἷσ τὰ κρέα ἔπειρον ὀπτῶσαι· τὸν δὲ Ἀριστομένην τύπτουσαι ταῖσ δᾳσὶ ζῶντα αἱροῦσιν. ἀπεσώθη δὲ ὅμωσ τῆσ αὐτῆσ ἐκείνησ νυκτὸσ ἐσ τὴν Μεσσηνίαν. ἀφεῖναι δὲ αὐτὸν ἱέρεια τῆσ Δήμητροσ αἰτίαν ἔσχεν Ἀρχιδάμεια· ἀφῆκε δὲ οὐκ ἐπὶ χρήμασιν, ἀλλὰ ἐρῶσα ἔτυχεν αὐτοῦ πρότερον ἔτι, προὐφασίζετο δὲ ὡσ Ἀριστομένησ διακούσασ τὰ δεσμὰ ἀποδρὰσ οἴχοιτο. τρίτῳ δὲ ἔτει τοῦ πολέμου μελλούσησ γίνεσθαι συμβολῆσ ἐπὶ τῇ καλουμένῃ Μεγάλῃ τάφρῳ καὶ Μεσσηνίοισ Ἀρκάδων βεβοηθηκότων ἀπὸ πασῶν τῶν πόλεων, Ἀριστοκράτην τὸν Ἱκέτα Τραπεζούντιον, βασιλέα τῶν Ἀρκάδων καὶ στρατηγὸν ὄντα ἐν τῷ τότε, διαφθείρουσιν οἱ Λακεδαιμόνιοι χρήμασι.

πρῶτοι γὰρ ὧν ἴσμεν Λακεδαιμόνιοι πολεμίῳ ἀνδρὶ δῶρα ἔδοσαν, καὶ ὤνιον πρῶτοι κατεστήσαντο εἶναι τὸ κράτοσ τὸ ἐν τοῖσ ὅπλοισ· πρὶν δὲ ἢ παρανομῆσαι Λακεδαιμονίουσ ἐσ τὸν Μεσσηνίων πόλεμον καὶ Ἀριστοκράτουσ τοῦ Ἀρκάδοσ τὴν προδοσίαν, ἀρετῇ τε οἱ μαχόμενοι καὶ τύχαισ ἐκ τοῦ θεοῦ διεκρίνοντο.

φαίνονται δὲ οἱ Λακεδαιμόνιοι καὶ ὕστερον, ἡνίκα ἐπὶ Αἰγὸσ ποταμοῖσ ταῖσ Ἀθηναίων ναυσὶν ἀνθώρμουν, ἄλλουσ τε τῶν στρατηγούντων Ἀθηναίοισ καὶ Ἀδείμαντον ἐξωνησάμενοι. περιῆλθε μέντοι καὶ αὐτοὺσ Λακεδαιμονίουσ ἀνὰ χρόνον ἡ Νεοπτολέμειοσ καλουμένη τίσισ.

Νεοπτολέμῳ γὰρ τῷ Ἀχιλλέωσ, ἀποκτείναντι Πρίαμον ἐπὶ τῇ ἐσχάρᾳ τοῦ Ἑρκείου, συνέπεσε καὶ αὐτὸν ἐν Δελφοῖσ πρὸσ τῷ βωμῷ τοῦ Ἀπόλλωνοσ ἀποσφαγῆναι·

καὶ ἀπὸ τούτου τὸ παθεῖν ὁποῖόν τισ καὶ ἔδρασε Νεοπτολέμειον τίσιν ὀνομάζουσι. τοῖσ οὖν Λακεδαιμονίοισ, ὅτε δὴ μάλιστα ἤνθησαν καὶ Ἀθηναίων τε τὸ ναυτικὸν καθῃρήκεσαν καὶ Ἀγησίλαοσ κεχείρωτο τὰ πολλὰ ἤδη τῆσ Ἀσίασ, τότε σφίσι τὴν ἀρχὴν πᾶσαν οὐκ ἐξεγένετο ἀφελέσθαι τὸν Μῆδον, ἀλλὰ σφᾶσ ὁ βάρβαροσ περιῆλθε τῷ ἐκείνων εὑρήματι, ἐσ Κόρινθον καὶ Ἄργοσ καὶ ἐσ Ἀθήνασ τε καὶ Θήβασ χρήματα ἀποστείλασ·

ὅ τε ὀνομαζόμενοσ Κορινθιακὸσ πόλεμοσ ἀπὸ τούτων ἐξήφθη τῶν χρημάτων, ὡσ ἀπολείπειν Ἀγησίλαον ἀναγκασθῆναι τὰ ἐν τῇ Ἀσίᾳ. Λακεδαιμονίοισ μὲν τὸ ἐσ Μεσσηνίουσ σόφισμα ὁ δαίμων ἔμελλεν αὐτοῖσ ἀποφανεῖν συμφοράν·

Ἀριστοκράτησ δὲ ὡσ τὰ χρήματα ἐδέξατο ἐκ Λακεδαίμονοσ, τὸ μὲν παραυτίκα ἔκρυπτεν ἐσ τοὺσ Ἀρκάδασ οἱᾶ ἐπεβούλευε, μελλόντων δὲ ἐσ χεῖρασ ἤδη συνέρχεσθαι, τηνικαῦτα ἐξεφόβησεν αὐτοὺσ ὡσ ἐν δυσχωρίᾳ τέ εἰσιν ἀπειλημμένοι καὶ ἀναχώρησισ οὐκ ἔσται αὐτοῖσ, ἢν κρατηθῶσιν, τά τε ἱερά σφισιν οὐκ ἔφη γεγονέναι κατὰ γνώμην. ἐκέλευεν οὖν πάντα τινά, ἐπειδὰν αὐτὸσ σημήνῃ, φυγῇ χρῆσθαι. ὡσ δὲ οἱ Λακεδαιμόνιοι συνέμισγον καὶ ἦσαν ἐσ τὸ κατ’ αὐτοὺσ οἱ Μεσσήνιοι τετραμμένοι, ἐνταῦθα Ἀριστοκράτησ ἀρχομένησ τῆσ μάχησ ἀπῆγε τοὺσ Ἀρκάδασ, καὶ τοῖσ Μεσσηνίοισ τό τε ἀριστερὸν καὶ μέσον ἠρήμωτο·

οἱ γὰρ Ἀρκάδεσ σφίσιν εἶχον ἀμφότερα ἅτε ἀπόντων μὲν Ἠλείων τῆσ μάχησ, ἀπόντων δὲ Ἀργείων καὶ Σικυωνίων.

προσεξειργάσθη δὲ καὶ ἄλλο τῷ Ἀριστοκράτει· διὰ γὰρ Μεσσηνίων ἐποιεῖτο τὴν φυγήν. οἱ δὲ πρὸσ τὸ ἀνέλπιστον τῶν παρόντων ἐγένοντο ἔκφρονεσ καὶ ἅμα ὑπὸ τῆσ διεξόδου τῆσ κατὰ σφᾶσ τῶν Ἀρκάδων ἐταράσσοντο, ὥστε αὐτῶν ἐδέησαν οἱ πολλοὶ καὶ ἐπιλαθέσθαι τῶν ἐν χερσίν·

ἀντὶ γὰρ τῶν Λακεδαιμονίων ἐπιφερομένων ἤδη πρὸσ τοὺσ Ἀρκάδασ ἀφεώρων φεύγοντασ, καὶ οἱ μὲν παραμεῖναί σφισιν ἱκέτευον, οἱ δὲ καὶ λοιδορίαισ ἐσ αὐτοὺσ ὡσ ἐσ ἄνδρασ προδότασ καὶ οὐ δικαίουσ ἐχρῶντο. Λακεδαιμονίοισ δὲ ἥ τε κύκλωσισ τῶν Μεσσηνίων μονωθέντων ἐγένετο οὐ χαλεπὴ καὶ νίκην ἑτοιμοτάτην πασῶν καὶ ἀπονώτατα ἀνείλοντο.

Ἀριστομένησ δὲ καὶ οἱ σὺν αὐτῷ συνέμειναν μὲν καὶ τῶν Λακεδαιμονίων τοὺσ μάλιστα ἐγκειμένουσ ἀνείργειν ἐπειρῶντο, ὀλίγοι δὲ ὄντεσ οὐ μεγάλα ὠφέλουν. τῶν δὲ Μεσσηνίων τοῦ μὲν δήμου τοσοῦτον πλῆθοσ ἀνηλώθησαν, ὡσ τὰ πρῶτα Λακεδαιμονίων δεσπότασ ἀντὶ δούλων ἔσεσθαι νομίζοντασ τότε μηδὲ ἐσ τὴν σωτηρίαν αὐτὴν ἔτι ἔχειν ἐλπίδα· ἀπέθανον δὲ καὶ τῶν πρωτευόντων ἄλλοι τε καὶ Ἀνδροκλῆσ καὶ Φίντασ καὶ λόγου μάλιστα ἀξίωσ ἀγωνισάμενοσ Φάνασ, ὃσ πρότερον τούτων ἔτι δολίχου νίκην Ὀλυμπίασιν ἦν ἀνῃρημένοσ. Ἀριστομένησ δὲ μετὰ τὴν μάχην τοὺσ διαπεφευγότασ τῶν Μεσσηνίων συνήθροιζε, καὶ Ἀνδανίαν μὲν καὶ εἴ τι ἄλλο ἐν μεσογαίᾳ πόλισμα ἔπεισε τὰ πολλὰ ἐκλείπειν, ἐσ δὲ τὴν Εἶραν τὸ ὄροσ ἀνοικίζεσθαι.

συνεληλαμένοισ δὲ ἐσ τοῦτο τὸ χωρίον προσεκάθηντο οἱ Λακεδαιμόνιοι πολιορκίᾳ σφᾶσ αὐτίκα ἐξαιρήσειν νομίζοντεσ·

ἀντήρκεσαν δὲ ὅμωσ οἱ Μεσσήνιοι καὶ μετὰ τὴν ἐν τῇ τάφρῳ συμφορὰν ἑνί τε καὶ δέκα ἔτεσιν ἀμυνόμενοι. τὸν δὲ χρόνον τῆσ πολιορκίασ γενέσθαι τοσοῦτον δηλοῖ καὶ τάδε ἔπη Ῥιανοῦ πεποιημένα ἐσ τοὺσ Λακεδαιμονίουσ·

οὔρεοσ ἀργεννοῖο περὶ πτύχασ ἐστρατόωντοχείματά τε ποίασ τε δύω καὶ εἴκοσι πάσασ· χειμῶνασ γὰρ καὶ θέρη κατέλεξε, πόασ εἰπὼν τὸν χλωρὸν σῖτον ἢ ὀλίγον πρὸ ἀμητοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Μεσσηνιακά, chapter 17

(파우사니아스, Description of Greece, Μεσσηνιακά, chapter 17)

상위

목록

SEARCH

MENU NAVIGATION