헬라어 문장 검색 - Παυσαν́Δεσξριπ́4́13́

(파우사니아스, Description of Greece, Μεσσηνιακά, chapter 13)

τὰ δὲ ἐντεῦθεν ‐ ἔρρεπε γὰρ ἤδη τὸ χρεὼν ἐσ ἅλωσιν τῶν Μεσσηνίων ‐ προεσήμαινεν αὐτοῖσ τὰ μέλλοντα ὁ θεόσ. τό τε γὰρ τῆσ Ἀρτέμιδοσ ἄγαλμα, ὂν χαλκοῦν καὶ αὐτὸ καὶ τὰ ὅπλα, παρῆκε τὴν ἀσπίδα· καὶ Ἀριστοδήμου τῷ Διὶ τῷ Ἰθωμάτᾳ θύειν μέλλοντοσ τὰ ἱερεῖα, οἱ κριοὶ ἐπὶ τὸν βωμὸν αὐτόματοι καὶ βίᾳ τὰ κέρατα ἐνράξαντεσ ἀποθνήσκουσιν ὑπὸ τῆσ πληγῆσ. τρίτον δὲ ἄλλο συνέβη σφίσιν· οἱ κύνεσ συνιόντεσ ἐσ τὸ αὐτὸ ἀνὰ πᾶσαν νύκτα ὠρύοντο, τέλοσ δὲ καὶ ἀπεχώρησαν ἀθρόοι πρὸσ τὸ τῶν Λακεδαιμονίων στρατόπεδον. ταῦτά τε δὴ τὸν Ἀριστόδημον ἐτάρασσε καὶ ὀνείρατοσ ὄψισ ἐπιγενομένη τοιάδε.

ἔδοξεν ἐξιέναι οἱ μέλλοντι ἐσ μάχην καὶ ὡπλισμένῳ τῶν ἱερείων τὰ σπλάγχνα ἐπὶ τραπέζῃ προκεῖσθαι, τὴν δέ οἱ θυγατέρα ἐπιφανῆναι μέλαιναν ἐσθῆτα ἔχουσαν καὶ φαίνουσαν τό τε στέρνον καὶ τὴν γαστέρα ἀνατετμημένα, ἀναφανεῖσαν δὲ ἀπορρῖψαι μὲν τὰ ἀπὸ τῆσ τραπέζησ, ἀφελέσθαι δὲ αὐτοῦ τὰ ὅπλα, ἀντὶ τούτων δὲ στέφανον ἐπιθεῖναι χρυσοῦν καὶ ἱμάτιον ἐπιβαλεῖν λευκόν. ἐξαίφνησ γενέσθαι τυφλόν, ὥσπερ γε καὶ ἦν τὸ ἐξ ἀρχῆσ.

συνιᾶσι δὴ καὶ τοῦ χρησμοῦ τότε, ὡσ τοὺσ ἀναδύντασ δύο ἐκ τοῦ λόχου καὶ ἐσ τὸ χρεὼν αὖθισ ἐλθόντασ τοῦ Ὀφιονέωσ τοὺσ ὀφθαλμοὺσ εἶπεν ἡ Πυθία. ἐνταῦθα Ἀριστόδημοσ τά τε οἰκεῖα ἀναλογιζόμενοσ, ὡσ οὐδὲν ὠφέλιμον γένοιτο φονεὺσ θυγατρόσ, καὶ τῇ πατρίδι οὐχ ὁρῶν ἔτι ὑποῦσαν σωτηρίασ ἐλπίδα, ἐπικατέσφαξεν ἑαυτὸν τῆσ παιδὸσ τῷ τάφῳ, τὰ μὲν ἐσ ἀνθρώπου λογισμὸν ἥκοντα Μεσσηνίουσ σώσασ, τῆσ τύχησ δὲ ἐσ τὸ μηδὲν ἀγαγούσησ τά τε ἔργα αὐτοῦ καὶ τὰ βουλεύματα.

ἀπέθανε δὲ βασιλεύσασ ἔτη τε ἓξ καὶ ἐκ τοῦ ἑβδόμου μῆνασ ἐπιλαβὼν <οὐ> πολλούσ. τοῖσ δὲ Μεσσηνίοισ ἀπεγνωκέναι τὰ πράγματα παρίστατο, ὥστε καὶ ὡρ́μησαν ἱκεσίαν ἐσ τοὺσ Λακεδαιμονίουσ ἀποστέλλειν·

οὕτω σφόδρα κατέπληξεν αὐτοὺσ ἡ τοῦ Ἀριστοδήμου τελευτή. καὶ τοῦτο μὲν ὁ θυμὸσ ἐπέσχεν αὐτοὺσ μὴ ποιῆσαι· συλλεγέντεσ δὲ ἐσ ἐκκλησίαν βασιλέα μὲν οὐδένα, Δᾶμιν δὲ στρατηγὸν αὐτοκράτορα εἵλοντο. ὁ δὲ Κλέοννίν τε αὑτῷ καὶ Φυλέα ἑλόμενοσ συνάρχοντασ παρεσκευάζετο ὡσ καὶ ἐκ τῶν παρόντων συνάψων ἐσ μάχην· ἐπηνάγκαζε γὰρ ἥ τε πολιορκία καὶ οὐχ ἥκιστα ὁ λιμὸσ καὶ ἀπ’ αὐτοῦ δέοσ, μὴ καὶ προδιαφθαρῶσιν ὑπὸ ἐνδείασ. ἀρετῇ μὲν δὴ καὶ τολμήμασιν οὐδὲ τότε ἀπεδέησε τὰ τῶν Μεσσηνίων·

ἀπέθανον δὲ οἵ τε στρατηγοί σφισιν ἅπαντεσ καὶ τῶν ἄλλων οἱ λόγου μάλιστα ἄξιοι. τὸ δὲ ἀπὸ τούτου μῆνασ μέν που πέντε μάλιστα ἀντέσχον, περὶ δὲ τὸν ἐνιαυτὸν λήγοντα ἐξέλιπον τὴν Ἰθώμην, πολεμήσαντεσ ἔτη τὰ πάντα εἴκοσι, καθὰ καὶ Τυρταίῳ πεποιημένα ἐστίν· εἰκοστῷ δ’ οἱ μὲν κατὰ πίονα ἔργα λιπόντεσφεῦγον Ἰθωμαίων ἐκ μεγάλων ὀρέων.

ὁ δὲ πόλεμοσ ἔλαβεν οὗτοσ τέλοσ ἔτει πρώτῳ τῆσ τετάρτησ καὶ δεκάτησ Ὀλυμπιάδοσ, ἣν Δάσμων Κορίνθιοσ ἐνίκα στάδιον, Ἀθήνῃσι Μεδοντιδῶν τὴν ἀρχὴν ἔτι ἐχόντων τὴν δεκέτιν καὶ ἔτουσ Ἱππομένει τετάρτου τῆσ ἀρχῆσ ἠνυσμένου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Μεσσηνιακά, chapter 13

(파우사니아스, Description of Greece, Μεσσηνιακά, chapter 13)

상위

목록

SEARCH

MENU NAVIGATION