헬라어 문장 검색 - Παυσαν́Δεσξριπ́4́11́

(파우사니아스, Description of Greece, Μεσσηνιακά, chapter 11)

πέμπτῳ δὲ ἔτει τῆσ Ἀριστοδήμου <βασιλείασ> μελλόντων ἐκ προρρήσεωσ συμβολὴν ποιήσεσθαι ‐ τῷ τε γὰρ μήκει τοῦ πολέμου καὶ τοῖσ δαπανήμασιν ἀπειρήκεσαν ‐ οὕτω παρεγένοντο ἀμφοτέροισ καὶ οἱ σύμμαχοι, Λακεδαιμονίοισ μὲν Κορίνθιοι Πελοποννησίων μόνοι, τοῖσ δὲ Μεσσηνίοισ οἵ τε Ἀρκάδεσ πανστρατιᾷ καὶ Ἀργείων καὶ Σικυωνίων λογάδεσ. Λακεδαιμόνιοι μὲν οὖν Κορινθίοισ καὶ τοῖσ εἵλωσι καὶ ὅσοι περίοικοι συνεστρατεύοντο τὸ μέσον ἐπιτρέψαντεσ, ἐπὶ τοῖσ κέρασιν αὐτοί τε καὶ οἱ βασιλεῖσ ἐτάσσοντο βαθείᾳ τε ὡσ οὔπω πρότερον καὶ πυκνῇ τῇ φάλαγγι. τῷ δὲ Ἀριστοδήμῳ καὶ τοῖσ περὶ αὐτὸν διετάχθη τὰ ἐσ τὴν μάχην οὕτωσ.

ὅσοι τῶν Ἀρκάδων ἢ τῶν Μεσσηνίων τὰ μὲν σώματα ἦσαν ἐρρωμένοι καὶ ἀγαθοὶ τὰσ ψυχάσ, ὅπλα δὲ οὐκ εἶχον ἰσχυρά, τούτοισ τῶν ὅπλων τὰ χρησιμώτατα ἐπέλεξε, καὶ ὡσ τὸ ἔργον ἤπειγεν, ὁμοῦ τοῖσ Ἀργείοισ καὶ Σικυωνίοισ καὶ τούτουσ ἔτασσε· τὴν δὲ φάλαγγα ἐπὶ πλέον ἥπλωσεν, ὡσ μὴ κυκλωθεῖεν ὑπὸ τῶν ἐναντίων. προείδετο δὲ καὶ ὅπωσ τεταγμένοισ σφίσι τὸ ὄροσ ἡ Ἰθώμη κατὰ νώτου γίνοιτο. καὶ τούτοισ μὲν Κλέοννιν ἐπέταξεν ἡγεμόνα· αὐτὸσ δὲ καὶ ὁ Δᾶμισ ὑπέμενον ἔχοντεσ τοὺσ ψιλούσ, σφενδονήτασ μὲν ἢ τοξότασ ὀλίγουσ, ὁ δὲ ὄχλοσ ὁ πολὺσ τοῖσ τε σώμασιν ἦσαν ἐσ τὰσ ἐπιδρομὰσ καὶ ἀναχωρήσεισ ἐπιτήδειοι καὶ τῇ ὁπλίσει κοῦφοι·

θώρακα γὰρ ἢ ἀσπίδα εἶχεν <οὐχ> ἕκαστοσ, ὅσοι δὲ ἠπόρουν τούτων, περιεβέβληντο αἰγῶν νάκασ καὶ προβάτων, οἱ δὲ καὶ θηρίων δέρματα καὶ μάλιστα οἱ ὀρεινοὶ τῶν Ἀρκάδων λύκων τε καὶ ἄρκτων.

ἀκόντια δὲ ἕκαστοσ πολλά, οἱ δὲ καὶ λόγχασ αὐτῶν ἔφερον.

καὶ οὗτοι μὲν ἐλόχων τῆσ Ἰθώμησ ἔνθα ἔμελλον ἥκιστα ἔσεσθαι σύνοπτοι· οἱ δὲ ὁπλῖται τῶν Μεσσηνίων καὶ συμμάχων τήν τε ἔφοδον τὴν πρώτην τῶν Λακεδαιμονίων ὑπέμειναν καὶ μετὰ τοῦτο ἦσαν ἤδη καὶ τὰ ἄλλα ἀνδρεῖοι. ἀριθμῷ μὲν δὴ τῶν ἐναντίων ἀπελείποντο, λογάδεσ δὲ ὄντεσ ἐμάχοντο πρὸσ δῆμον καὶ οὐχ ὁμοίωσ πρὸσ κρείττουσ, ᾗ καὶ μᾶλλον τῇ τε ἄλλῃ προθυμίᾳ καὶ ταῖσ ἐμπειρίαισ ἐπὶ πολὺ ἀντεῖχον. ἐνταῦθα καὶ ὁ στρατὸσ τῶν Μεσσηνίων ὁ εὔζωνοσ, ἀφ’ οὗ καὶ τούτοισ ἤρθη τὰ σημεῖα, ἐχρῶντο ἐπὶ τοὺσ Λακεδαιμονίουσ δρόμῳ καὶ περιστάντεσ ἠκόντιζον ἐσ τὰ πλάγια·

ὅσοισ δὲ καὶ ἐπὶ πλέον μετῆν τόλμησ, προσέθεόν τε καὶ ἔτυπτον ἐκ χειρόσ. οἱ δὲ Λακεδαιμόνιοι, κίνδυνόν σφισι δεύτερον ἐν τῷ αὐτῷ καὶ οὕτωσ ἀνέλπιστον ὁρῶντεσ παρόντα, ὅμωσ οὔτε ἐταράχθησαν ἐπιστρεφόμενοί τε ἐσ τοὺσ ψιλοὺσ ἀμύνεσθαι μὲν ἐπειρῶντο, διὰ δὲ τὴν κουφότητα οὐ χαλεπῶσ ἀποφευγόντων ἀπορία τοῖσ Λακεδαιμονίοισ καὶ ἀπ’ αὐτῆσ ἤδη καὶ ὀργὴ γίνεται. πεφύκασι δέ πωσ οἱ ἄνθρωποι μάλιστα ἔχειν ἀκρατῶσ πρὸσ τὰ παρ’ ἀξίαν·

καὶ δὴ καὶ τότε οἵ τε ἤδη τραύματα τῶν Σπαρτιατῶν εἰληφότεσ καὶ ὅσοι κειμένων τῶν παραστατῶν ἐγίνοντο πρὸσ τὴν ἔφοδον τῶν ψιλῶν πρῶτοι προεξέθεόν τε, ὁπότε ἴδοιεν ἐπιφερομένουσ τοὺσ ψιλούσ, καὶ ὑπὸ θυμοῦ μακροτέρασ τὰσ διώξεισ ἐποιοῦντο ἀποχωρούντων. οἱ δὲ ψιλοὶ τῶν Μεσσηνίων ὡσ τὸ πρῶτον ἤρξαντο, κατὰ χώραν τε μένοντασ ἔτυπτον καὶ ἐσηκόντιζον καὶ διωκόντων ἔφθανον ἀποφεύγοντεσ καὶ πειρωμένοισ ἀναστρέφειν αὖθισ ἐπῄεσαν.

ταῦτα δὲ ἔδρων σποράδην καὶ ἄλλοι κατ’ ἄλλο τῆσ τῶν ἐναντίων τάξεωσ·

οἵ τε ὁπλῖται τῶν Μεσσηνίων καὶ συμμάχων θρασύτερον ἐν τῷ τοιῷδε τοῖσ κατὰ στόμα αὐτῶν ἐπέκειντο. τέλοσ δὲ οἱ Λακεδαιμόνιοι τῷ τε χρόνῳ καὶ τοῖσ τραύμασιν ἀπαγορεύοντεσ καὶ ἅμα παρὰ τὸ εἰωθὸσ ὑπὸ τῶν ψιλῶν ταρασσόμενοι διαλύουσι τὴν τάξιν· τραπέντων δέ, ἐνταῦθά σφισι πλείω παρεῖχον κακὰ οἱ ψιλοί. τοὺσ δὲ τῶν Λακεδαιμονίων διαφθαρέντασ ἐν τῇ μάχῃ συλλαβεῖν μὲν οὐχ οἱᾶ́ τε ἦν ἀριθμῷ, πείθομαι δὲ εἶναι καὶ αὐτὸσ πολλούσ.

ἡ δὲ οἴκαδε ἀναχώρησισ τοῖσ μὲν ἄλλοισ καθ’ ἡσυχίαν, Κορινθίοισ δὲ ἔμελλεν ἔσεσθαι χαλεπή· διὰ πολεμίασ γὰρ ἐγίνετο ὁμοίωσ διά τε τῆσ Ἀργείασ πειρωμένοισ καὶ παρὰ Σικυῶνα ἀνασωθῆναι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Μεσσηνιακά, chapter 11

(파우사니아스, Description of Greece, Μεσσηνιακά, chapter 11)

상위

목록

SEARCH

MENU NAVIGATION