헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 82)

αὕτη Σπορίου μέν ἐστι Λουκρητίου θυγάτηρ, ὃν ἀπέδειξε τῆσ πόλεωσ ἔπαρχον ὁ τύραννοσ ἐξιὼν ἐπὶ τὸν πόλεμον, Ταρκυνίου δὲ Κολλατίνου γυνὴ τοῦ συγγενοῦσ τῶν τυράννων καὶ πολλὰ ὑπὲρ αὐτῶν κακοπαθήσαντοσ. αὕτη μέντοι σωφρονεῖν βουλομένη καὶ τὸν ἄνδρα τὸν ἑαυτῆσ φιλοῦσα, ὥσπερ ἀγαθῇ προσήκει γυναικί, ξενιζομένου παρ’ αὐτῇ Σέξτου διὰ τὴν συγγένειαν τῇ παρελθούσῃ νυκτί, Κολλατίνου δὲ τότ’ ἀποδημοῦντοσ ἐπὶ στρατοπέδου, τὴν ἀκόλαστον ὕβριν τῆσ τυραννίδοσ οὐκ ἐδυνήθη διαφυγεῖν, ἀλλ’ ὥσπερ αἰχμάλωτοσ ὑπ’ ἀνάγκησ κρατηθεῖσα ὑπέμεινεν ὅσα μὴ θέμισ ἐλευθέρᾳ γυναικὶ παθεῖν. διήσεισ καὶ ἀράσ, ἵνα τιμωροὶ τοῖσ κακοῖσ αὐτῆσ γένοιντο καὶ τὸ κεκρυμμένον ὑπὸ τοῖσ κόλποισ ξίφοσ σπασαμένη τοῦ πατρὸσ ὁρῶντοσ, ὦ δημόται, διὰ τῶν ἑαυτῆσ σπλάγχνων ἔβαψε τὸν σίδηρον.

ὦ θαυμαστὴ σὺ καὶ πολλῶν ἐπαίνων ἀξία τῆσ εὐγενοῦσ προαιρέσεωσ, οἴχῃ καὶ ἀπόλωλασ οὐχ ὑπομείνασα τυραννικὴν ὕβριν, ἁπάσασ ὑπεριδοῦσα τὰσ ἐν τῷ ζῆν ἡδονάσ, ἵνα σοι μηδὲν ἔτι τοιοῦτον συμβῇ παθεῖν.

ἔπειτα σὺ μέν, ὦ Λουκρητία, γυναικείασ τυχοῦσα φύσεωσ ἀνδρὸσ εὐγενοῦσ φρόνημα ἔσχεσ, ἡμεῖσ δ’ ἄνδρεσ γενόμενοι γυναικῶν χείρουσ ἀρετῇ γενησόμεθα; καὶ σοὶ μέν, ὅτι μίαν ἐτυραννήθησ νύκτα τὴν ἀμίαντον ἀφαιρεθεῖσ’ αἰδῶ μετὰ βίασ, ἡδίων καὶ μακαριώτεροσ ἔδοξεν ὁ θάνατοσ εἶναι τοῦ βίου, ἡμῖν δ’ ἆρ’ οὐ παραστήσεται τὸ αὐτὸ τοῦτο ὑπολαβεῖν, ὧν Ταρκύνιοσ οὐ μίαν ἡμέραν, ἀλλὰ πέμπτον καὶ εἰκοστὸν ἔτοσ ἤδη τυραννῶν, πάσασ ἀφῄρηται τὰσ ἐν τῷ ζῆν ἡδονὰσ ἐλευθερίαν ἀφελόμενοσ; οὐκ ἔστιν ἡμῖν, ὦ δημόται, βιωτὸν ἐν τοιούτοισ καλινδουμένοισ κακοῖσ, ἐκείνων τῶν ἀνδρῶν οὖσιν ἀπογόνοισ, οἳ τὰ δίκαια τάττειν ἠξίουν τοῖσ ἄλλοισ καὶ πολλοὺσ ὑπὲρ ἀρχῆσ καὶ δόξησ ἤραντο κινδύνουσ·

ἀλλὰ δυεῖν θάτερον ἅπασιν αἱρετέον, ἢ βίον ἐλεύθερον, ἢ θάνατον ἔνδοξον.

ἥκει δὲ καιρόσ, οἱο͂ν εὐχόμεθα, μεθεστηκότοσ μὲν ἐκ τῆσ πόλεωσ Ταρκυνίου, ἡγουμένων δὲ τῆσ ἐπιχειρήσεωσ τῶν πατρικίων, οὐδενὸσ δ’ ἡμῖν ἐλλείψοντοσ, ἐὰν ἐκ προθυμίασ χωρήσωμεν ἐπὶ τὰ ἔργα, οὐ σωμάτων, οὐ χρημάτων, οὐχ ὅπλων, οὐ στρατηγῶν, οὐ τῆσ ἄλλησ τῆσ εἰσ τὰ πολέμια παρασκευῆσ·

μεστὴ γὰρ ἁπάντων ἡ πόλισ, αἰσχρόν τε Οὐολούσκων καὶ Σαβίνων καὶ μυρίων ἄλλων ἄρχειν ἀξιοῦν, αὐτοὺσ δὲ δουλεύοντασ ἑτέροισ ὑπομένειν, καὶ περὶ μὲν τῆσ Ταρκυνίου πλεονεξίασ πολλοὺσ ἀναιρεῖσθαι πολέμουσ, περὶ δὲ τῆσ ἑαυτῶν ἐλευθερίασ μηδένα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 82

(디오니시오스, Antiquitates Romanae, Books IV-VI, book 4, chapter 82)

상위

목록

SEARCH

MENU NAVIGATION