헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 30)

τοιαῦτα τῆσ Τυλλίασ λεγούσησ ἄσμενοσ δέχεται τὰσ αἱρέσεισ ὁ Ταρκύνιοσ, καὶ αὐτίκα δοὺσ αὐτῇ πίστεισ καὶ λαβὼν τὰ προτέλεια τῶν ἀνοσίων γάμων διαπραξάμενοσ ἀπέρχεται. διελθόντοσ δ’ οὐ πολλοῦ μετὰ ταῦτα χρόνου τοῖσ αὐτοῖσ πάθεσιν ἀποθνήσκουσιν ἥ τε πρεσβυτέρα τῶν Τυλλίου θυγατέρων καὶ ὁ νεώτεροσ τῶν Ταρκυνίων. ἐνταῦθα πάλιν ἀναγκάζομαι μεμνῆσθαι Φαβίου καὶ τὸ ῥᾴθυμον αὐτοῦ περὶ τὴν ἐξέτασιν τῶν χρόνων ἐλέγχειν.

ἐπὶ γὰρ τῆσ Ἀρροῦντοσ τελευτῆσ γενόμενοσ οὐ καθ’ ἓν ἁμαρτάνει μόνον, ὃ καὶ πρότερον ἔφην, ὅτι γέγραφεν υἱὸν εἶναι Ταρκυνίου τὸν Ἀρροῦντα· ἀλλὰ καὶ καθ’ ἕτερον, ὅτι φησὶν ἀποθανόντα ὑπὸ τῆσ μητρὸσ Τανακυλλίδοσ τεθάφθαι, ἣν ἀμήχανον ἦν ἔτι καὶ κατ’ ἐκείνουσ περιεῖναι τοὺσ χρόνουσ. ἐδείχθη γὰρ ἐν ἀρχαῖσ ἑβδομηκοστὸν ἔχουσα καὶ πέμπτον ἔτοσ ἡ Τανακυλλίσ, ὅτε βασιλεὺσ Ταρκύνιοσ ἐτελεύτα·

προστεθέντων δὴ τοῖσ ἑβδομήκοντα καὶ πέντε ἔτεσιν ἑτέρων τετταράκοντα ἐτῶν·

ἐν γὰρ ταῖσ ἐνιαυσίοισ ἀναγραφαῖσ κατὰ τὸν τετταρακοστὸν ἐνιαυτὸν τῆσ Τυλλίου ἀρχῆσ τὸν Ἀρροῦντα τετελευτηκότα παρειλήφαμεν· ἐτῶν ἡ Τανακυλλὶσ ἔσται πεντεκαίδεκα πρὸσ τοῖσ ἑκατόν. οὕτωσ ὀλίγον ἐστὶν ἐν ταῖσ ἱστορίαισ αὐτοῦ τὸ περὶ τὴν ἐξέτασιν τῆσ ἀληθείασ ταλαίπωρον. μετὰ τοῦτο τὸ ἔργον οὐδὲν ἔτι διαμελλήσασ ὁ Ταρκύνιοσ ἐπάγεται γυναῖκα τὴν Τυλλίαν οὔτε τοῦ πατρὸσ αὐτῆσ βεβαιοῦντοσ τὸν γάμον οὔτε τῆσ μητρὸσ συνευδοκούσησ, ἀλλ’ αὐτὴν παρ’ ἑαυτῆσ λαβών.

ὡσ δὲ συνεκεράσθησαν αἱ ἀνόσιοι καὶ ἀνδροφόνοι φύσεισ, ἐκβαλεῖν ἐκ τῆσ βασιλείασ τὸν Τύλλιον, εἰ μὴ βούλοιτο ἑκὼν παραδοῦναι τὴν ἀρχήν, ἐμηχανῶντο ἑταιρίασ τε συνάγοντεσ καὶ τῶν πατρικίων τοὺσ ἀλλοτρίωσ ἔχοντασ πρὸσ τὸν βασιλέα καὶ τὰ δημοτικὰ πολιτεύματα παρακαλοῦντεσ ἔκ τε τοῦ δημοτικοῦ πλήθουσ τοὺσ ἀπορωτάτουσ, οἷσ οὐδενὸσ τῶν δικαίων φροντὶσ ἦν, χρήμασιν ἐξωνούμενοι καὶ οὐδὲ ἀφανῶσ ἕκαστα τούτων πράττοντεσ.

ταῦτα δ’ ὁρῶν ὁ Τύλλιοσ ἤχθετο μὲν καὶ περὶ ἑαυτοῦ δεδιώσ, εἴ τι πείσεται προκαταληφθείσ·

ἠγανάκτει δ’ οὐχ ἥκιστα, εἰ θυγατρὶ καὶ γαμβρῷ πολεμεῖν ἀναγκασθήσεται καὶ τιμωρίασ ὡσ παρ’ ἐχθρῶν λαμβάνειν, πολλάκισ μετὰ τῶν φίλων προκαλούμενοσ εἰσ λόγουσ τὸν Ταρκύνιον, καὶ τὰ μὲν ἐγκαλῶν, τὰ δὲ νουθετῶν, τὰ δὲ πείθων μηδὲν εἰσ ἑαυτὸν ἐξαμαρτάνειν· ὡσ δ’ οὐ προσεῖχεν αὐτῷ τὴν διάνοιαν, ἀλλ’ ἐπὶ τῆσ βουλῆσ ἔφη τὰ δίκαια πρὸσ αὐτὸν ἐρεῖν, συγκαλέσασ τὸ συνέδριον· ἄνδρεσ, ἔφη, βουλευταί, Ταρκύνιοσ ἑταιρίασ ἐπ’ ἐμὲ συνάγων καὶ προθυμούμενοσ ἐκβαλεῖν με τῆσ ἀρχῆσ καταφανὴσ γέγονέ μοι.

βούλομαι δὲ πάντων ὑμῶν παρόντων μαθεῖν παρ’ αὐτοῦ, τί πεπονθὼσ ἰδίᾳ κακὸν ἢ τί τὴν πόλιν ὁρῶν ἀδικουμένην ὑπ’ ἐμοῦ ταῦτ’ ἐπ’ ἐμοὶ μηχανᾶται. ἀπόκριναι δή, Ταρκύνιε, μηδὲν ἀποκρυψάμενοσ, τί μου κατηγορεῖν ἔχεισ, ἐπειδὴ τούτουσ ἠξίουσ ἀκοῦσαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Dionysius of Halicarnassus, Antiquitates Romanae, Books IV-VI, book 4, chapter 30

(디오니시오스, Antiquitates Romanae, Books IV-VI, book 4, chapter 30)

상위

목록

SEARCH

MENU NAVIGATION