헬라어 문장 검색 - ΠολψβίΗιστορί04́087́

(폴리비오스, Histories, book 4, chapter 87)

οὐ ψέγων, ἀλλ’ ἐπαινῶν καὶ φάσκων ἐπιτήδειον αὐτὸν εἶναι μετὰ τοῦ βασιλέωσ ἐν τοῖσ ὑπαίθροισ συνδιατρίβειν, βουλόμενοσ ἕτερον ἐπισταθῆναι δι’ αὑτοῦ τοῖσ ἐν Πελοποννήσῳ πράγμασι. καινὸσ γὰρ δή τισ οὗτοσ εὑρ́ηται τρόποσ διαβολῆσ τὸ μὴ ψέγοντασ, ἀλλ’ ἐπαινοῦντασ λυμαίνεσθαι τοὺσ πέλασ·

εὑρ́ηται δὲ μάλιστα καὶ πρῶτον τοιαύτη κακεντρέχεια καὶ βασκανία καὶ δόλοσ ἐκ τῶν περὶ τὰσ αὐλὰσ διατριβόντων καὶ τῆσ τούτων πρὸσ ἀλλήλουσ ζηλοτυπίασ καὶ πλεονεξίασ.

ὁμοίωσ δὲ καὶ τὸν ἐπὶ τῆσ θεραπείασ τεταγμένον Ἀλέξανδρον, ὅτε λάβοι καιρόν, διέδακνε, βουλόμενοσ καὶ τὴν περὶ τὸ σῶμα φυλακὴν τοῦ βασιλέωσ δι’ αὑτοῦ γενέσθαι καὶ καθόλου κινῆσαι τὴν ὑπ’ Ἀντιγόνου καταλειφθεῖσαν διάταξιν.

Ἀντίγονοσ γὰρ καλῶσ μὲν ζῶν προέστη τῆσ τε βασιλείασ καὶ τοῦ παιδὸσ αὑτοῦ, καλῶσ δὲ τὸν βίον μεταλλάττων προενοήθη πρὸσ τὸ μέλλον περὶ πάντων τῶν πραγμάτων.

ἀπολιπὼν γὰρ διαθήκην ἔγραφε Μακεδόσιν ὑπὲρ τῶν διῳκημένων·

ὁμοίωσ δὲ καὶ περὶ τοῦ μέλλοντοσ διέταξε πῶσ καὶ διὰ τίνων ἕκαστα δεήσει χειρίζεσθαι, βουλόμενοσ μηδεμίαν ἀφορμὴν καταλιπεῖν τοῖσ περὶ τὴν αὐλὴν πρὸσ ἀλλήλουσ φιλοτιμίασ καὶ στάσεωσ. ἐν οἷσ τῶν τότε συστρατευομένων αὐτὸσ μὲν Ἀπελλῆσ ἐν τοῖσ ἐπιτρόποισ ἀπελέλειπτο, Λεόντιοσ δ’ ἐπὶ τῶν πελταστῶν, Μεγαλέασ δ’ ἐπὶ τοῦ γραμματείου, Ταυρίων δ’ ἐπὶ τῶν κατὰ Πελοπόννησον, Ἀλέξανδροσ δ’ ἐπὶ τῆσ θεραπείασ.

τὸν μὲν οὖν Λεόντιον καὶ Μεγαλέαν ὑφ’ αὑτὸν εἶχεν ὁλοσχερῶσ, τὸν δ’ Ἀλέξανδρον καὶ Ταυρίωνα μεταστησάμενοσ ἀπὸ τῆσ χρείασ ἔσπευδε καὶ ταῦτα καὶ τἄλλα πάντα δι’ αὑτοῦ καὶ διὰ τῶν ἰδίων φίλων χειρίζειν.

ὃ δὴ καὶ ῥᾳδίωσ ἂν ἐπετέλεσε μὴ παρασκευάσασ ἀνταγωνιστὴν Ἄρατον αὑτῷ·

νῦν δὲ ταχέωσ πεῖραν ἔλαβε τῆσ σφετέρασ ἀφροσύνησ καὶ πλεονεξίασ. ὃ γὰρ αὐτὸσ ἐπεβάλετο πρᾶξαι κατὰ τῶν πέλασ, τοῦτ’ ἔπαθε καὶ λίαν ἐν πάνυ βραχεῖ χρόνῳ.

πῶσ δὲ καὶ τίνι τρόπῳ τοῦτο συνέβη γενέσθαι κατὰ μὲν τὸ παρὸν ὑπερθησόμεθα καὶ καταστρέψομεν τὴν βύβλον ταύτην, ἐν δὲ τοῖσ ἑξῆσ πειρασόμεθα σαφῶσ ὑπὲρ ἑκάστων ἐξαγγέλλειν.

Φίλιπποσ δὲ τὰ προειρημένα διαταξάμενοσ ἐπανῆλθεν εἰσ Ἄργοσ, κἀνταῦθα τὴν παραχειμασίαν ἐποίει μετὰ τῶν φίλων, τὰσ δὲ δυνάμεισ ἀπέλυσεν εἰσ Μακεδονίαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 4, chapter 87

(폴리비오스, Histories, book 4, chapter 87)

상위

목록

SEARCH

MENU NAVIGATION